完整藏文原文 · 德格版页 当前仅加载第 84 函德格 53a 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱག་ན་རྡོ་རྗེའི་སྤྱན་སྔར་ཞབས་ཀྱི་དྲུང་དུ་བཞག་གོ། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་སེམས་ཅན་མ་རུངས་པ་རྗེས་འབྲང་དང་བཅས་པ་འདི་ཇི་ལྟར་བགྱི། བཅོམ་ལྡན་འདས་
D479.084.0053a01.01ཀྱིས་བཀའ་སྩལ་པ། ཨོཾ་བཛྲ་ཀྲ་མ་ཧོ། དེ་ནས་དེ་སྐད་ཅེས་བཀའ་སྩལ་པ་དང་། བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་ལྷ་ཆེན་པོ་ཞབས་གཡོན་པས་མནན་ཞབས་གཡས་པས་ལྷ་མོ་ཨུ་མའི་སྟེང་དུ་མནན་ནས། རང་གི་སྙིང་པོ་འདི་སྨྲས་པ། ཨོཾ་བཛྲ་ཨཱ་བེ་ཤ་ཧ་ན་པ་ཏཾ་
D479.084.0053a02.01ཏྲཊ། དེ་ནས་དེ་སྨྲས་མ་ཐག་ཏུ་ལྷ་ཆེན་བབས་ནས་རང་གི་ལག་སྟོང་གིས་རང་གི་གདོང་སྟོང་ལ་འཚོག་གོ། །དེ་ནས་རྡོ་རྗེའི་ནོར་བུ་རིན་པོ་ཆེའི་རྩེ་མོའི་རྡོ་རྗེ་དང་། ནོར་བུ་དང་། རིན་པོ་ཆེ་ལས་བྱས་པའི་ཁང་བུ་བརྩེགས་པའི་ཕྱི་རོལ་ན་སྲིད་པ་གསུམ་པ་ཐམས་ཅད་ཀྱིས་ངེད་ཀྱི་དབང་པོ་འདི་བདག་
D479.084.0053a03.01ཉིད་ཆེན་པོ་དེས་བཏུལ་ལོ་ཞེས་སྒྲ་ཆེན་པོ་བྱུང་ངོ་། །དེ་ནས་བཅོམ་ལྡན་འདས་ཀྱིས་ལྷ་ཆེན་པོ་ལ་ཐུགས་རྗེ་ཆེན་པོ་བསྐྱེད་པའི་སངས་རྒྱས་ཐམས་ཅད་ཀྱི་བྱམས་པའི་སྙིང་པོ་འདི་གསུངས་སོ། །ཨོཾ་བུདྡྷ་མཻ་ཏྲི་བཛྲ་རཀྵ་ཧཾ། དེ་ནས་དེ་སྐད་ཅེས་སྨྲས་མ་ཐག་ཏུ། ལྷ་ཆེན་པོ་ལ་བབས་པའི་སྡུག་
D479.084.0053a04.01བསྔལ་དེ་ཀུན་ཞི་བར་གྱུར་ཏོ། །དེ་ནས་ཡང་ཕྱག་ན་རྡོ་རྗེའི་ཞབས་ཀྱི་མཐིལ་གྱིས་རེག་པས། བླ་ན་མེད་པའི་གྲུབ་པའི་དབང་དང་། ཏིང་ངེ་འཛིན་དང་། རྣམ་པར་ཐར་པ་དང་། གཟུངས་དང་ཡེ་ཤེས་དང་མངོན་པར་ཤེས་པ་རྣམས་ཐོབ་པ་ནས། དེ་ནས་དེ་བཞིན་གཤེགས་པ་ཉིད་དུ་འགྲུབ་པའི་བར་
D479.084.0053a05.01དུ་གྱུར་ཏོ། །དེ་ནས་ལྷ་ཆེན་པོ་བཅོམ་ལྡན་འདས་ཕྱག་ན་རྡོ་རྗེའི་ཞབས་མཐིལ་གྱིས་རེག་པས་དེ་བཞིན་གཤེགས་པ་ཐམས་ཅད་ཀྱི་ཏིང་ངེ་འཛིན་དང་། གཟུངས་དང་རྣམ་པར་ཐར་པའི་བདེ་བ་མྱོང་སྟེ་ལྷ་ཆེན་པོའི་ལུས་ཕྱག་ན་རྡོ་རྗེའི་ཞབས་ལ་ཕུལ་ནས། འོག་གི་འཇིག་རྟེན་གྱི་ཁམས་གང་
D479.084.0053a06.01གཱའི་ཀླུང་སུམ་ཅུ་རྩ་གཉིས་ཀྱི་བྱེ་མ་སྙེད་ཀྱི་འཇིག་རྟེན་ཁམས་ཀྱི་རྡུལ་ཕྲ་རབ་སྙེད་ཀྱི་འཇིག་རྟེན་གྱི་ཁམས་འདས་པ་ན། ཐལ་བས་ཁེབས་པ་ཞེས་བྱ་བའི་འཇིག་རྟེན་གྱི་ཁམས་དེར་ཐལ་བའི་དབང་པོའི་དབྱངས་ཞེས་བྱ་བའི་དེ་བཞིན་གཤེགས་པར་སྐྱེས་སོ། །དེ་ནས་ལྷ་ཆེན་པོའི་ལུས་དེ་ལས་
D479.084.0053a07.01