完整藏文原文 · 德格版页 当前仅加载第 84 函德格 75a 版页；藏文 NFD、目录标记与异常页序保留在来源切片中，重复版页行以稳定序号区分。
སྙིང་པོ་འདིས་མེ་ཏོག་གཏོར་རོ། །ཨོཾ་པྲ་ཏཱིཙྪ་ཨ་དྷི་ཏིཥྛ་བཛྲ་ཧོཿ། དེ་ནས་དེ་དག་གར་ལྟུང་བ་དེ་འདིས་འགྲུབ་པར་འགྱུར་རོ། །དེ་ནས་གདོང་གཡོགས་པ་བཀྲོལ་ནས་དཀྱིལ་འཁོར་{གོ་རིམས་,གོ་རིམ་}བཞིན་དུ་བསྟན་ཏེ། ལྷ་གང་ཡིན་པ་དེ་ནི་དེ་ལ་མི་བསྟན་ཏོ། །དེ་ཅིའི་ཕྱིར་
D479.084.0075a01.01ཞེ་ན། སེམས་ཅན་ལོག་པར་ལྟ་བདག་ཡོད་དེ། གང་དག་ཇི་ལྟར་སངས་རྒྱས་བཅོམ་ལྡན་འདས་རྣམས་ཀྱི་ཡེ་ཤེས་གདོན་མི་ཟ་བ་ཇི་ལྟར་དེ་བཞིན་གཤེགས་པ་རྡོ་རྗེ་རིགས་སུ་ཕྱག་ན་རྡོ་རྗེས་དབང་བསྐུར་བ་དེ་བཞིན་གཤེགས་པ་ཉིད་དམ་ཞེས་དད་པར་མི་འགྱུར་རོ་ཞེས་པ་ནི་དམ་ཚིག་གོ། །
D479.084.0075a02.01གཞན་དུ་ན་ལྷ་གང་དག་ལ་དད་པ་དེ་དག་ལ་མནའི་སྙིང་པོ་འདི་བྱིན་ནས་བསྟན་པར་བྱའོ། །དེ་ནས་རྡོ་རྗེའི་རིན་པོ་ཆེའི་མཚན་མའི་ཕྲེང་བས་དབང་བསྐུར་ནས་ལས་ཀྱི་རྡོ་རྗེ་ལག་པ་གཉིས་སུ་བྱིན་ལ། རྡོ་རྗེ་མིང་བཏགས་ཏེ་ཇི་ལྟར་རྡོ་རྗེ་དམ་ཚིག་གི་དཀྱིལ་འཁོར་ཆེན་པོ་བཞིན་དུ་བྱའོ། །དེ་ནས་
D479.084.0075a03.01ཕྱག་རྒྱ་ཆེན་པོ་བཅིང་བ་བསླབ་པོ། །རྡོ་རྗེ་བཅིང་བ་དམ་བྱས་ཏེ། །མཐེ་བོང་ནང་དུ་སྦྱར་ནས་ནི། །མཛུབ་མོ་བཀུག་ནས་གཉི་གས་བཀབ། །སེམས་དཔའི་གཙུག་ཏོར་ཞེས་བྱའོ། །རྡོ་རྗེ་བཅིང་བ་བྱས་ནས་ནི། །མཐེ་བོ་གུང་མོ་མཐེའུ་ཆུང་བསྒྲེང་། །གཟི་བརྗིད་ཕུང་པོ་ཞེས་བྱ་སྟེ། །
D479.084.0075a04.01གཟི་བརྗིད་ཆེན་པོའི་བཙུན་པའོ། །རྡོ་རྗེ་ཕྱག་རྒྱ་གཉིས་བཅིངས་ཏེ། །མཐེ་བོ་མཐེའུ་ཆུང་སྦྲེལ་བ་ནི། །དམ་དུ་ལྕགས་ཀྱུ་བཅིངས་བ་སྟེ། །རིག་པ་ཆེན་པོ་དམ་པའི་འོ། །རིག་པ་ཆེན་པོ་དམ་པ་ཡི། །ཕྱག་རྒྱ་བཅིངས་ནས་རབ་བཅིང་བ། །སྙིང་གར་མཐེ་བོའི་ངོས་ཀྱིས་སོ། །སེམས་
D479.084.0075a05.01དཔའ་ཡི་ནི་སྙིང་པོར་བཤད། །དེ་ཉིད་ལས་གུང་མོ་སྲིན་ལག །སོར་མོ་རབ་ཏུ་བསྡམས་ནས་ནི། །རྡོ་རྗེ་རིན་ཆེན་ཚུལ་དུ་ནི། །བསྒྱུར་ནས་གདོང་དུ་གཞག་པར་བྱ། །དེ་ཉིད་བསྐྱེད་དེ་བཞག་ནས་ནི། །སྙིང་གར་ཡང་ནི་བསྒྱུར་བར་བྱ། །མེ་ཏོག་བཞི་པ་ཞེས་བྱ་སྟེ། །པདྨའི་རིག་པ་དམ་
D479.084.0075a06.01པའོ། །དེ་ཉིད་སྤྱི་བོ་ནས་བརྩམས་ཏེ། །ལུས་ཀྱི་དཀྱིལ་འཁོར་བསྐོར་བར་བྱ། །སྣ་ཚོགས་རྡོ་རྗེའི་ཕྱག་རྒྱ་འདི། །རྡོ་རྗེ་ལས་ནི་རབ་བསྒྲུབ་པའོ། །སེམས་མའི་རྡོ་རྗེ་དམ་བྱས་ཏེ། །མཐེའུ་ཆུང་རྡོ་རྗེ་བསྒྲེང་བ་ནི། །ཐམས་ཅད་རིག་པའི་སྙིང་པོ་འདི། །ཕྱག་རྒྱ་འདི་ནི་ཐམས་ཅད་སྒྲུབ། །མཐེ་
D479.084.0075a07.01