完整藏文原文 · 德格版页 当前仅加载第 84 函德格 141b 版页；藏文 NFD、目录标记与异常页序保留在来源切片中，重复版页行以稳定序号区分。
རྡོ་རྗེ་རྒྱལ་པོ་རྡོ་རྗེ་ཆེ། །རྡོ་རྗེ་དེ་བཞིན་གཤེགས་པ་ཀུན། །སེམས་དཔའ་ཆེན་པོ་བརྩོན་འགྲུས་ཆེ། །ཐབས་ཆེན་ཁྱོད་ལ་ཕྱག་འཚལ་ལོ། །རྡོ་རྗེ་འདོད་པ་དག་པ་ཆེ། །ཀུན་གྱི་བདེ་བ་བདེ་བ་ཆེ། །བདེ་མཆོག་ཐོག་མ་ཐ་མ་མེད། །བཞད་ཆེན་ཁྱོད་ལ་ཕྱག་འཚལ་ལོ། །རྡོ་རྗེ་ལེགས་པ་
D479.084.0141b01.01དགྱེས་པ་ཆེ། །ལེགས་ཞེས་བྱ་བ་རབ་མཉེས་པ། །མཉེས་པ་ཆེ་ཞིང་དགྱེས་པ་ཆེ། །རབ་དགྱེས་ཁྱོད་ལ་ཕྱག་འཚལ་ལོ། །རྡོ་རྗེ་རིན་ཆེན་རྒྱལ་པོ་ཆེ། །དབང་བསྐུར་བཟང་པོ་བདག་པོ་ཆེ། །རིན་ཆེན་ཐམས་ཅད་མཛེས་པ་ཆེ། །རྣམ་རྒྱལ་ཁྱོད་ལ་ཕྱག་འཚལ་ལོ། །རྡོ་རྗེ་གཟི་བརྗིད་གཟི་བརྗིད་
D479.084.0141b02.01ཆེ། །འོད་ཆེན་ལྷམ་པ་ཆེན་པོ་སྟེ། །རྒྱལ་བའི་འོད་དེ་འབར་བ་ཆེ། །སངས་རྒྱས་འོད་ཁྱོད་ཕྱག་འཚལ་ལོ། །རྡོ་རྗེ་རྒྱལ་མཚན་དབལ་ཆེ་བ། །རྒྱལ་མཚན་ཆེ་བས་ནོར་རབ་གཏོང་། །ནམ་མཁའི་རྒྱལ་མཚན་ཡུ་བ་ཆེ། །གཏོང་བའི་རྒྱལ་མཚན་ཁྱོད་ཕྱག་འཚལ། །རྡོ་རྗེ་བཞད་པ་བཞད་
D479.084.0141b03.01པ་ཆེ། །དགྱེས་པ་ཆེ་ཞིང་རབ་དགྱེས་པ། །དགྱེས་པའི་ཤུགས་ཀྱིས་རོལ་ཅིང་དགྱེས། །ཆོས་དགྱེས་ཁྱོད་ལ་ཕྱག་འཚལ་ལོ། །རྡོ་རྗེ་ཆོས་ནི་ཆོས་ཆེ་བ། །སེམས་དཔའི་ཆོས་ནི་རབ་སྦྱོང་བ། །སངས་རྒྱས་ཆོས་ཏེ་ཆོས་རབ་མཆོག །འདོད་ཆོས་ཁྱོད་ལ་ཕྱག་འཚལ་ལོ། །རྡོ་རྗེ་རྣོན་
D479.084.0141b04.01པོ་རལ་གྲི་ཆེ། །ཤེས་རབ་ཡེ་ཤེས་བློ་གྲོས་ཆེ། །སྡིག་གཅོད་རལ་གྲི་ཆེན་པོ་སྟེ། །སངས་རྒྱས་མཚོན་ཁྱོད་ཕྱག་འཚལ་ལོ། །རྡོ་རྗེ་རྒྱུ་སྟེ་འཁོར་ལོ་ཆེ། །སངས་རྒྱས་འཁོར་ལོ་གཏེར་ཆེན་པོ། །དཀྱིལ་འཁོར་ཀུན་ཏེ་ཆོས་ཀྱི་མཆོག །ཆོས་ཀྱི་དཀྱིལ་འཁོར་ཁྱོད་ཕྱག་འཚལ། །
D479.084.0141b05.01རྡོ་རྗེ་གསུང་བ་གསུང་བ་ཆེ། །སྤྲོས་མེད་ཡི་གེ་ཆེན་པོ་སྟེ། །ཡི་གེ་མེད་པ་བཟླས་པ་ཆེ། །སངས་རྒྱས་གསུང་ཁྱོད་ཕྱག་འཚལ་ལོ། །རྡོ་རྗེ་ལས་ཏེ་ལས་རབ་མཆོག །ལས་ཆེན་ལས་རབ་བྱེད་པ་སྟེ། །གསང་བའི་མཆོད་པ་མཆོད་པ་ཆེ། །སངས་རྒྱས་མཆོད་ཁྱོད་ཕྱག་འཚལ་
D479.084.0141b06.01ལོ། །རྡོ་རྗེ་བསྲུང་བ་གོ་ཆ་ཆེ། །གོ་ཆའི་མཆོག་སྟེ་བརྟན་པ་ཆེ། །བསྲུང་བ་ཆེ་ཞིང་སྙིང་པོ་ཆེ། །སངས་རྒྱས་བརྩོན་འགྲུས་ཕྱག་འཚལ་ལོ། །རྡོ་རྗེ་གནོད་སྦྱིན་ཁྲོ་བོ་ཆེ། །མ་རུངས་ཐམས་ཅད་སྐྲག་བྱེད་པ། །སངས་རྒྱས་ཀུན་གྱི་ཐབས་ཆེན་ཏེ། །བསྲུང་བ་མཆོག་ཁྱོད་ཕྱག་
D479.084.0141b07.01