完整藏文原文 · 德格版页 当前仅加载第 84 函德格 115b 版页；藏文 NFD、目录标记与异常页序保留在来源切片中，重复版页行以稳定序号区分。
བྱ་བའི་དངོས་གྲུབ་ཀྱི་ཆོ་ག་རྒྱས་པའི་རྒྱུད་དོ། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་གསང་པའི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པ་ཐམས་ཅད་ཀྱི་གསང་བའི་དངོས་གྲུབ་ཀྱི་རྒྱུད་དེ། སེམས་ཅན་ཀུན་
D479.084.0115b01.01དོན་མ་མཐོང་ཞིང་། །སངས་རྒྱས་དེ་ཉིད་མ་སྦྱངས་ལ། །ཡིད་དང་ངག་དང་ལུས་ཀྱིས་ནི། །བསད་ན་དངོས་གྲུབ་ཐོབ་པར་འགྱུར། །ཞེས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་གསང་པའི་དངོས་གྲུབ་ཀྱི་རྒྱུད་དེ། དངོས་
D479.084.0115b02.01གྲུབ་ཐམས་ཅད་མ་ཐོབ་ལ། །རིགས་རྣམས་ཀྱང་ནི་མི་བརྩོན་ཞིང་། །རྡོ་རྗེ་ཀུན་དུ་བརྟགས་ནས་ནི། །བསད་ན་དངོས་གྲུབ་མྱུར་དུ་ཐོབ། །ཅེས་བཅོམ་ལྡན་འདས་ཕྱག་ན་རྡོ་རྗེས་གསུངས་སོ། །དེ་ལ་འདི་ནི་རྡོ་རྗེ་རིགས་ཀྱི་གསང་བའི་དངོས་གྲུབ་ཀྱི་རྒྱུད་དེ། མ་རུངས་མི་བརྟུལ་ཁྲོ་མེད་
D479.084.0115b03.01ཅིང་། །དེ་བཞིན་སེམས་ཅན་མི་འདུལ་ལ། །བདག་ཉིད་སྡུག་བསྔལ་འཐོབ་བྱེད་ན། །ཧཱུྃ་ཞེས་བྱ་བས་གསང་བར་བྱ། །ཞེས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། །དེ་ལ་འདི་ནི་པདྨའི་རིགས་ཀྱི་གསང་པའི་དངོས་གྲུབ་ཀྱི་རྒྱུད་དེ། སྙིང་རྗེ་མེད་ཅིང་བྱམས་མེད་ལ། །སེམས་ཅན་
D479.084.0115b04.01མ་རུངས་མི་སྦྱོང་ཞིང་། །བདག་ཉིད་ཀྱིས་ནི་བསླུས་ན་ཡང་། །བསད་ན་དངོས་གྲུབ་ཐོབ་པར་འགྱུར། །ཞེས་བཅོམ་ལྡན་འདས་འཕགས་པ་ཀུན་དུ་སྤྱན་རས་གཟིགས་ཀྱི་དབང་པོས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་གསང་པའི་དངོས་གྲུབ་ཀྱི་རྒྱུད་དེ། མི་གཏོང་བདག་ལ་ནོར་མེད་
D479.084.0115b05.01ཅིང་། །ནོར་སྟོར་བ་དང་གནོད་བྱེད་ལ། །དབུལ་པོར་གྱུར་ལ་སེམས་ཅན་རྣམས། །བསད་ན་དངོས་གྲུབ་ཐོབ་པར་འགྱུར། །ཞེས་བཅོམ་ལྡན་འདས་རེ་བ་ཐམས་ཅད་སྐོང་བས་གསུངས་སོ། །ཁ་ཅིག་གིས་ནི་སངས་རྒྱས་ཀྱི། །རྣལ་འབྱོར་མ་ཐོབ་གསོད་བཅུག་ན། །དེ་དག་དྲང་བར་བྱ་བའི་ཕྱིར། །
D479.084.0115b06.01བདག་གི་དངོས་གྲུབ་སྦྱིན་པར་བྱ། །ཞེས་བཅོམ་ལྡན་འདས་འཕགས་པ་ཀུན་དུ་བཟང་པོས་གསུངས་སོ། །རིགས་ཐམས་ཅད་ཀྱི་གསང་བའི་དངོས་གྲུབ་ཀྱི་ཆོ་ག་རྒྱས་པའི་རྒྱུད་དོ། །དེ་ནས་བཅོམ་ལྡན་འདས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་བསྲུང་
D479.084.0115b07.01