完整藏文原文 · 德格版页 当前仅加载第 84 函德格 56b 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་བཅོམ་ལྡན་འདས་ག་ལ་བ་དེར་ཐལ་མོ་སྦྱར་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་ཤ་འཚལ་བ་ནི། ཇི་ལྟར་བགྱི་བཀའ་སྩལ་དུ་གསོལ། དེ་ནས་བཅོམ་ལྡན་འདས་ཀྱིས་ཕྱག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །
D479.084.0056b01.01ཕྱག་ན་རྡོ་རྗེ་སེམས་ཅན་དེ་རྣམས་ལ་སྙིང་རྗེ་ཆེན་པོ་བསྐྱེད་ལ། ཐབས་སྦྱིན་པར་བྱོས་ཤིག །དེ་ནས་ཕྱག་ན་རྡོ་རྗེ་ཆེན་པོས་སེམས་ཅན་ཐམས་ཅད་འཆི་བའི་མཚན་མ་ཤེས་པའི་ཕྱག་རྒྱ་དང་སྙིང་པོ་འདི་གསུངས་སོ། །ཨོཾ་བཛྲ་པྲ་ཏི་གྲྀཧྞ་ཧྲྀ་ད་ཡ་མཱ་ཀརྵ་ཡ་ཡདྡྱ་ཡཾ་མ་ཏོ་མཱ་མདྡཱ་ར་དྷེན་མི་ཡ་ཏེ་
D479.084.0056b02.01ཏདྱ་སྱ་ཧྲྀ་ད་ཡཾ་ནི་སྐྲ་མི་ཏུ་ས་མ་ཡ་ཧཱུྃ་ཛཿ། དེ་ནས་དེའི་ཕྱག་རྒྱ་བཅིང་བ་བཤད་དོ། །སྙིང་གར་རྡོ་རྗེ་ལག་ངར་གཉིས། །ཤིན་ཏུ་དམ་པར་བཅིངས་ནས་ནི། །རྡོ་རྗེ་མཛུབ་མོ་རྩེ་མོ་ཡིས། །རང་གི་མཆན་ཁུང་བྲུད་པར་བྱ། །ཁྱོད་རྣམས་ཀྱིས་ཕྱག་རྒྱ་དེས་སེམས་ཅན་ཐམས་ཅད་ཀྱི་སྙིང་རུས་
D479.084.0056b03.01ལ་ཟོ་ཤིག །དེ་ནས་ཕྲ་མེན་མ་ལ་སོགས་པ་མ་རུངས་པའི་གདོན་ཐམས་ཅད་དགའ་བའི་སྒྲ་ཐོས་ནས་མཆོངས་རྒལ་བྱས་ཏེ། རང་གི་གནས་སུ་དོང་ངོ་། །དེ་ནས་བཅོམ་ལྡན་འདས་ཕྱག་ན་རྡོ་རྗེས། བཅོམ་ལྡན་འདས་ལ་ཡང་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་
D479.084.0056b04.01པ་ཐམས་ཅད་ཀྱིས་མ་རུངས་པ་འདུལ་བ་ལགས་པར་བཀའ་སྩལ་ན། བཅོམ་ལྡན་འདས་རིམས་ལ་སོགས་པ་ནད་དེ་རྣམས་ལ་ཅི་ལྟར་བགྱི་བདག་ལ་བཀའ་སྩོལ་ཅིག །དེ་ནས་བཅོམ་ལྡན་འདས་ཀྱིས་བཀའ་སྩལ་པ། ཨོཾ་ཧཱུྃ་ཕཊ། དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་
D479.084.0056b05.01རྗེས་རིམས་ལ་སོགས་པའི་ནད་དགུག་པའི་སྙིང་པོ་སྨྲས་པ། ཨོཾ་བཛྲ་ས་མ་ཡ་ཨཱ་ན་ཡ་སརྦ་དུཥྚ་ཛྭ་ར་དྷ་ནི་ནཱ་ཤ་ཡ་ཧཱུྃ་ཕཊ། དེ་ནས་དེ་སྨྲས་མ་ཐག་ཏུ་རིམས་ལ་སོགས་པའི་ནད་རྣམས་ཐམས་ཅད་རི་རབ་རིའི་རྩེ་མོའི་ཕྱི་རོལ་དུ་བསྐོར་ཏེ་འཁོད་དོ། །དེ་ནས་ཕྱག་ན་རྡོ་རྗེས་རིམས་ལ་སོགས་
D479.084.0056b06.01པའི་ནད་རྣམས་ལ་བོས་ཏེ་འདི་སྐད་ཅེས་གསུངས་སོ། །ཀྱེ་བཟོད་ལྡན་དག་སེམས་ཅན་གསོད་པ་ལས་ལྡོག་པའི་བསླབ་པ་གཟུང་བའི་སྡོམ་པ་ལོང་ཤིག །དེ་དག་གིས་གསོལ་བ། བཅོམ་ལྡན་འདས་བདག་ཅག་ནི་སེམས་ཅན་གྱི་མདངས་འཕྲོག་སྟེ་འཚོ་བར་བགྱིད་ནད་བཅོམ་ལྡན་འདས་
D479.084.0056b07.01