完整藏文原文 · 德格版页 当前仅加载第 84 函德格 90a 版页；藏文 NFD、目录标记与异常页序保留在来源切片中，重复版页行以稳定序号区分。
དམ་དུ་བསྡམས་ནས་ཀྱང་། །མཛུབ་གཉིས་རྡོ་རྗེར་མཉམ་པའོ། །དེ་བཞིན་རྡོ་རྗེ་བསྡམས་པ་ལས། །མཛུབ་གཉིས་པདྨ་འདྲར་བྱས་ལ། །མཐེ་བོ་གཉིས་ཀྱང་བསྣོལ་ནས་ནི། །གུང་མོ་གཉིས་ནི་རྩེ་སྦྱར་བཀུག །དེ་བཞིན་རྡོ་རྗེ་བསྡམས་པ་ལས། །མཐེབ་གཉིས་
D479.084.0090a01.01རྡོ་རྗེར་རབ་སྦྱར་ལ། །མཛུབ་མོ་རལ་གྲི་ལྕགས་ཀྱུར་བྱ། །མཐེའུ་ཆུང་པདྨ་འདྲར་བྱས་ལ། །དེ་བཞིན་དུ་ནི་བསྒྱུར་ནས་ཀྱང་། །མཛུབ་མོ་གཡོན་པ་བསྒྲེང་བ་ལ། །མཛུབ་མོ་མཐེ་བོ་རྩེ་སྦྱར་བ། །དམ་དུ་བཟུང་སྟེ་དགུག་ལྟར་བྱ། །དེ་ལ་མཛུབ་མོ་གཉིས་བཀུག་ལ། །མཐེ་བོ་གཉིས་
D479.084.0090a02.01ཀྱིས་མནན་པ་ནི། །པདྨ་དགྱེས་པ་བདག་ཉིད་ཆེ། །ལེགས་སོ་ཞེས་བྱ་སྦྱིན་བྱེད་ཀྱི། །དེ་བཞིན་རྡོ་རྗེ་བསྡམས་པ་ལས། །སོར་མོ་ཀུན་གྱི་ངོས་སྦྱར་ལ། །མཐེ་བོ་གཉིས་ཀྱིས་མནན་ནས་ནི། །མཛུབ་མོ་མཉམ་པར་སྦྱར་བའོ། །དེ་ཉིད་སྙིང་གར་ཉི་མར་བྱ། །སྤྱི་བོར་པདྨ་རྒྱལ་མཚན་བྱ། །
D479.084.0090a03.01ཕབ་སྟེ་ཁ་ཡི་འགྲམ་བཞག་པ། །པདྨ་ཆེར་དགོད་དགོད་པ་ཡིན། །རྡོ་རྗེ་ནང་དུ་བསྡམས་བྱས་ལ། །ཆོས་ཀྱི་རྡོ་རྗེ་ཚུལ་གྱིས་ནི། །མཐེའུ་ཆུང་མཐེ་བོ་རབ་བསྙམས་པ། །འདི་ནི་སྒྲོལ་མའི་དམ་ཚིག་ཡིན། །དེ་བཞིན་རྡོ་རྗེ་བསྡམས་པ་ལས། །མཛུབ་གུང་པདྨ་རལ་གྲིར་བྱ། །དེ་བཞིན་
D479.084.0090a04.01ནང་དུ་འཁོར་ལོར་བྱ། །ཟློས་པ་སྦྱིན་པ་དེ་བཞིན་ནོ། །དེ་བཞིན་རྡོ་རྗེ་བསྡམས་པ་ལས། །མཐེབ་མཛུབ་སྤྲད་དེ་གཉིས་སུ་བྱ། །དེ་ནས་སྙིང་གར་སྦྱར་བ་ནི། །གསང་བའི་བསྲུང་བ་ཡིན་པར་བཤད། །དེ་བཞིན་རྡོ་རྗེ་བསྡམས་པ་ལས། །མཐེའུ་ཆུང་པདྨ་འདྲར་བྱས་ལ། །མཛུབ་གཉིས་
D479.084.0090a05.01ཤིན་དུ་བཀུག་ནས་ཀྱང་། །མཐེབ་གཉིས་ཕྱིར་བསྐྱེད་མཆེ་བ་ཅན། །དེ་ལས་ཁུ་ཚུར་ཚུལ་གྱིས་ནི། །མཐེབ་གཉིས་ངོས་ཀྱིས་བཙིར་བ་ཡི། །པདྨ་གསང་བའི་ཁུ་ཚུར་ཆེ། །དམ་ཚིག་མཆོག་ཏུ་རབ་བརྟག་པའོ། །པདྨ་ལཱ་སྱེ་ལ་སོགས་པ། །དེ་དག་གཞན་རྣམས་ཀུན་གྱི་ནི། །རྡོ་རྗེ་
D479.084.0090a06.01ནང་དུ་བསྡམས་བྱས་ལ། །དེ་འདྲ་བར་ནི་བཅིང་བར་བྱ། །དེ་ནས་པདྨ་གསང་བའི་ཆོས་ཀྱི་ཕྱག་རྒྱ་འདི་ཡིན་ཏེ། །ཧྲཱཿགྲཱཿཔཱཿཧྲཱཿ། ཤཱཿསཱཿདྷཱཿཧྲཱཿ། གཱཿདྷཱཿཀྲཱཿབཱཿ། དཱཿརཱཿཥྚཱཿསཱཿ། ལས་ཀྱི་ཕྱག་རྒྱ་མདོར་བསྡུ་ན་ཁུ་ཚུར་གཉིས་སུ་བྱའོ། །དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་དམ་ཚིག་
D479.084.0090a07.01