完整藏文原文 · 德格版页 当前仅加载第 84 函德格 47a 版页；藏文 NFD、目录标记与异常页序保留在来源切片中，重复版页行以稳定序号区分。
རས་ལ་གནས། །མཚན་མ་མཆོད་རྟེན་བྱིན་བརླབས་ཏེ། །བདག་ཉིད་རྡོ་རྗེ་དབྱིངས་སུ་བསྒོམ། །རྡོ་རྗེ་བཅིང་བ་དམ་བྱས་ཏེ། །གུང་མོ་མྱུ་གུ་བཞིན་དུ་གཤིབས། །མཐེའུ་ཆུང་དང་ནི་མཛུབ་རྩེ་བསྒྲེང་། །དམ་ཚིག་མཆོག་གི་དམ་ཚིག་གོ། །རྡོ་རྗེ་ཕྲ་མོའི་ཚུལ་
D479.084.0047a01.01གྱིས་ནི། །རབ་ཏུ་མཉམ་པར་བཞག་པས་བསྒོམ། །རྡོ་རྗེ་ཕྲ་མོའི་དཀྱིལ་འཁོར་ཏེ། །ཏིང་འཛིན་དབང་དུ་གྱུར་བའི་ཚུལ། །རྡོ་རྗེ་ཕྱག་རྒྱ་གཉིས་བཅིངས་ལ། །དེ་གཉིས་རྡོ་རྗེ་དམ་དུ་གཟུང་། །མཛུབ་མོ་མཐེའུ་ཆུང་བསྣོལ་བ་ནི། །རྡོ་རྗེ་དགོས་མཆོག་དཀྱིལ་འཁོར་རོ། །དེ་ནས་
D479.084.0047a02.01སེམས་དཔའ་རྡོ་རྗེ་ལ་སོགས་པའི་ཕྱག་རྒྱ་ཆེན་པོའི་བཅིང་བ་བཞི་བསླབས་ནས། རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོའི་ཆོ་ག་རྒྱས་པ་ཇི་ལྟ་བ་བཞིན་དུ་བྱའོ། །རྡོ་རྗེ་དངོས་གྲུབ་ཀྱི་ཕྱག་རྒྱ་བཞི་པའི་དཀྱིལ་འཁོར་ཇི་ལྟ་བ་བཞིན་དུ་མི་གཡོ་བའི་དཀྱིལ་འཁོར་ལ་སོགས་པ་དཀྱིལ་འཁོར་
D479.084.0047a03.01ཐམས་ཅད་ཕྱག་རྒྱ་བཞི་པའི་དཀྱིལ་འཁོར་གྱི་ཚུལ་དུ་རང་རང་གི་ཕྱག་རྒྱ་རྣམས་སུ་བྲིས་ན་དངོས་གྲུབ་ཐམས་ཅད་ཀྱང་འགྲུབ་བོ། །དེ་ལྟར་རས་དང་རྩིག་པ་དང་། ནམ་མཁའ་དང་། གནས་ཐམས་ཅད་དུ་བྲིས་ན་དངོས་གྲུབ་ཐམས་ཅད་འགྲུབ་པོ། །དཀྱིལ་འཁོར་བརྟག་པ་ནས་བརྩམས་ཏེ།
D479.084.0047a04.01ལ་ལ་ནི་དཀྱིལ་འཁོར་དུ་དེ་ཉིད་ཀྱི་ཚེ། ཇི་ལྟར་འདོད་པ་བཞིན་དུ་འགྲུབ། ལ་ལ་ནི་དེ་ནས་བརྩམས་ནས་ཉིན་ཞག་གཅིག་གིས། ལ་ལ་ནི་ཉི་མ་བཞིས། ལ་ལ་ནི་ཞག་བཅུ་དྲུག་གིས། ལ་ལ་ནི་མཚམས་མེད་པ་ལྔ་བྱས་པ་ཡང་ཇི་ལྟར་འདོད་པ་བདེ་བླག་ཏུ་དོན་ཐམས་ཅད་བྱེད་ཅིང་ཐམས་
D479.084.0047a05.01ཅད་དགའ་བ་དང་། བྲོ་དང་། ཟས་དང་། སྤྱོད་པ་ཐམས་ཅད་ཀྱི་བདེ་བ་མྱོང་བར་བྱེད་ཀྱང་། ལོ་གཅིག་གིས་མཆོག་འགྲུབ་བོ་ཞེས་བཅོམ་ལྡན་འདས་ཀྱིས་གསུངས་སོ། །དེ་ནས་ཡང་བཅོམ་ལྡན་འདས་རྣམ་པར་སྣང་མཛད་ཀྱིས་དེ་བཞིན་གཤེགས་པ་ཐམས་ཅད་ཀྱི་དངོས་གྲུབ་དམ་པའི་དམ་ཚིག་རྡོ་
D479.084.0047a06.01རྗེ་ཞེས་པའི་ཏིང་ངེ་འཛིན་ལ་སྙོམས་པར་ཞུགས་ཏེ། དེ་བཞིན་གཤེགས་པ་ཐམས་ཅད་ཀྱི་ཐེག་པ་ཆེན་པོའི་མངོན་པར་རྟོགས་པ་ཞེས་བྱ་བའི་དེ་བཞིན་གཤེགས་པ་ཐམས་ཅད་ཀྱི་སྙིང་བོ་འདི་རང་གི་ཐུགས་ཀ་ནས་བྱུང་ངོ་། །བཛྲ་སཏྭ། དེ་ནས་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་
D479.084.0047a07.01