完整藏文原文 · 德格版页 当前仅加载第 84 函德格 34a 版页；藏文 NFD、目录标记与异常页序保留在来源切片中，重复版页行以稳定序号区分。
བཅིང་བའི་ཆོ་ག་རྒྱས་བ་བཤད་དེ། །དེ་ལ་ཐོག་མ་ཉིད་དུ་རྡོ་རྗེ་བཅིང་བའི་སོར་མོ་སྙིང་གར་བརྡབ་པར་བྱ་སྟེ་སྙིང་པོ་འདི་བརྗོད་དོ། །བཛྲ་བནྡྷ་ཏྲ་ཊ། དེ་ནས་ཕྱག་རྒྱ་བཅིངས་པ་ཀུན། རང་གིས་ལུས་དང་ངག་དང་སེམས་ཀྱི་རྡོ་རྗེའི་དབང་དུ་འགྱུར་རོ། །དེ་ནས་
D479.084.0034a01.01རྡོ་རྗེ་དབབ་པའི་དམ་ཚིག་གི་ཕྱག་རྒྱ་བཅིངས་ལ་སྙིང་པོ་འདི་བརྗོད་དོ། །ཨ། དེ་ནས་བབས་ནས་གྲོགས་པོ་ཉིད་དུ་ཉེ་བར་གནས་པར་གྱུར་ཏོ། །དེ་ནས་ཕྱག་རྒྱའི་དམ་ཚིག་གི་སེམས་དཔའ་ཆེན་པོ་རྗེས་སུ་དྲན་པར་བྱ་སྟེ་སྙིང་པོ་འདི་བརྗོད་དོ། །མ་ཧཱ་ས་མ་ཡ་སཏྭ་ཧཾ། དེས་
D479.084.0034a02.01ནི་ཕྱག་རྒྱ་ཐམས་ཅད་འགྲུབ་སྟེ། ཕྱག་རྒྱ་ཐམས་ཅད་འགྲུབ་པའི་ཆོ་ག་རྒྱས་པའོ། །དེ་ནས་སྤྱིའི་བསྒྲུབ་པའི་ཆོ་ག་རྒྱས་པ་བཤད་དོ། །དེ་ལ་ཐོག་མར་རང་གི་ཕྱག་རྒྱ་བཅིངས་ནས། རང་གི་ཕྱག་རྒྱའི་སེམས་དཔར་བདག་གི་སྙིང་པོ་འདིས་བསྒོམ་མོ། །ས་མ་ཡོ་ཧཾ།
D479.084.0034a03.01དེ་ནས་རང་གི་ཕྱག་རྒྱའི་སེམས་དཔར་བདག་བསྒོམས་ནས་སྔགས་འདིས་བྱིན་གྱིས་བརླབ་བོ། །ས་མ་ཡ་སཏྭ་ཨ་དྷི་ཏིཥྛ་སྭ་མཱཾ། དེ་ནས་བསྒྲུབ་པར་བྱའོ། །བསྒྲུབ་པའི་ཆོ་ག་རྒྱས་པའོ། །དེ་ནས་དངོས་གྲུབ་ཀྱི་ཆོ་ག་རྒྱས་པ་བཤད་དེ། དེ་ལ་ཐོག་མར་རེ་ཞིག་ནོར་བསྒྲུབ་པར་
D479.084.0034a04.01འདོད་ན་སྙིང་པོ་འདི་ཡིན་ནོ། །ཨརྠ་སིདྡྷི། དེས་ཕྱག་རྒྱ་གྲུབ་ན་ནོར་ཆེན་པོ་སྐྱེ་བར་འདོད་དོ། །དེ་ནས་རྡོ་རྗེ་འགྲུབ་པར་འདོད་ན་སྙིང་པོ་འདི་ཡིན་ནོ། །བཛྲ་སིདྡྷི། དེས་ཅི་འདོད་པ་བཞིན་དུ་རྡོ་རྗེ་འགྲུབ་པར་འགྱུར་རོ། །དེ་ནས་རིག་འཛིན་གྱི་གྲུབ་པ་འདོད་ན་སྙིང་པོ་འདི་ཡིན་ནོ། །
D479.084.0034a05.01བཛྲ་བི་དྱཱ་དྷ་ར་སིདྡྷི། དེས་ཇི་ལྟར་འདོད་པ་བཞིན་དུ་རིག་འཛིན་འགྲུབ་བོ། །དེ་བཞིན་དུ་དམ་པ་འགྲུབ་པར་འདོད་ན་རང་གི་ཕྱག་རྒྱའི་སྙིང་པོས་བསྒྲུབ་བོ། །དངོས་གྲུབ་ཀྱི་ཆོ་ག་རྒྱས་པའོ། །དེ་ནས་ཕྱག་རྒྱ་ཐམས་ཅད་ཀྱི་སྤྱིའི་རང་གི་ལུས་དང་ངག་དང་སེམས་རྡོ་རྗེར་བྱ་བའི་སྤྱིའི་ཆོ་ག་རྒྱས་
D479.084.0034a06.01པ་བཤད་དེ། ནམ་ཕྱག་རྒྱའི་བྱིན་གྱིས་བརླབས་ལྷོད་པར་གྱུར་ཏམ། བདག་གཏོང་བར་འདོད་ན། དེ་ནས་སྙིང་པོ་འདིས་བརྟན་པར་བྱའོ། །ཨོཾ་བཛྲ་ས་ཏྭ་ས་མ་ཡ། མ་ནུ་པཱ་ལ་ཡ། བཛྲ་སཏྭ་ཏྭེ་ནོ་པ། ཏིཥྛ་དྲྀ་ཌྷོ་མེ་བྷ་བ། སུ་ཏོ་ཥྱོ་མེ་བྷ་བ། ཨ་ནུ་རཀྟོ་མེ་བྷ་བ། སུ་པོ་
D479.084.0034a07.01