完整藏文原文 · 德格版页 当前仅加载第 84 函德格 86a 版页；藏文 NFD、目录标记与异常页序保留在来源切片中，重复版页行以稳定序号区分。
གཉིས་རྩེ་མོ་སྤྲད་ལ་དགུག །དབུས་ཀྱི་རྡོ་རྗེ་སྤྱི་གཙུག་ཕུད། །གཙུག་ཕུད་སངས་རྒྱས་ཡིན་པར་བཤད། །རྡོ་རྗེ་བསྡམས་པ་དམ་བྱས་ལ། །མཐེ་བོ་མཉམ་སྟེ་བཏུད་ནས་ནི། །མཛུབ་མོ་གཉིས་ནི་རྩེ་སྤྲད་དགུག །བཀན་ནས་ཏིང་ངེ་འཛིན་དུ་བཅུག །ཐལ་མོ་པདྨོ་
D479.084.0086a01.01མཉམ་སྦྱར་ལ། །མཛུབ་མོ་རྡོ་རྗེར་མཉམ་ན་ནི། །མཐེ་བོ་ངོས་ལ་སྦྱར་བ་འདི། །ངེས་པའི་དབང་ཕྱུག་ཕྱག་རྒྱའོ། །རྡོ་རྗེ་བསྡམ་པ་བསྡམས་ནས་ནི། །ལེགས་པར་བཀན་ཏེ་བཅིངས་ནས་ཀྱང་། །མཐེ་བོ་གཉིས་ནི་པདྨར་བསྒྲེང་། །སངས་རྒྱས་པདྨ་ཡིན་པར་བཤད། །མཐེ་བོ་གཉིས་
D479.084.0086a02.01ནི་རྡོ་རྗེར་མཉམ། །མཛུབ་མོ་ལྕགས་ཀྱུ་རལ་གྲིར་བྱ། །མཐེའུ་ཆུང་གཉིས་ནི་སོ་སོར་དབྱེ། །གུང་མོ་སྲིན་ལག་པདྨོར་བྱ། །པདྨ་མཉམ་པར་རབ་སྦྱར་ལ། །མཛུབ་མོས་མཛུབ་མོ་གཟུང་ནས་སུ། །འདྲེན་པར་བྱེད་པ་པདྨའི་མདའ། །ཐལ་མོ་མཉམ་པར་སྦྱར་ནས་བཀན། །ལེགས་པའི་
D479.084.0086a03.01ཕྱག་རྒྱ་བཅིངས་ན་ནི། །ལེགས་སོ་ཞེས་བྱ་སྦྱིན་པར་བྱེད། །པདྨའི་ལེགས་པ་ཡིན་པར་གྲགས། །ཐལ་མོ་མཉམ་པར་རབ་སྦྱར་ལ། །མཛུབ་མོ་རྩེ་མོ་མཉམ་སྟེ་དགུག །མཐེའུ་ཆུང་ཕྱེ་ནས་མཛོད་སྤུར་བཞག །པདྨ་ཁྲོ་གཉེར་ཞེས་བྱའོ། །རྡོ་རྗེ་བསྡམས་པ་དམ་བྱས་ལ། །སོར་
D479.084.0086a04.01མོ་ཐམས་ཅད་དཀྱིལ་འཁོར་དུ། །སྙིང་གར་རབ་ཏུ་བརྐྱང་བ་ནི། །པདྨའི་ཉི་མ་ཡིན་པར་བཤད། །ཐལ་མོ་རབ་ཏུ་དམ་སྦྱར་ལ། །མཛུབ་གཉིས་རིན་ཆེན་འདྲ་བར་བྱ། །དཔུང་པའི་སྤྱི་བོར་རབ་བརྒྱན་པ། །པདྨ་རིན་ཆེན་རྒྱལ་མཚན་རྩེའོ། །རྡོ་རྗེ་བསྡམས་པ་སྤྱི་བོར་བཞག །ཁ་དང་བཅས་
D479.084.0086a05.01པར་རབ་བརྐྱང་ནས། །ཉིད་ཀྱི་ཁ་ནས་རྒོད་པ་དང་། །ཁ་ནི་བཅུ་གཅིག་ཉིད་དུ་འགྱུར། །ཏིང་འཛིན་པདྨར་བཅིངས་ནས་ནི། །མཐེ་བོ་གཉིས་ནི་སོ་སོར་འབྱེད། །པདྨ་སྒྲོལ་བའི་ཕྱག་རྒྱ་ལས། །མཛུབ་གཉིས་པདྨའི་ཚུལ་དུ་དགུག །པདྨ་སྒྲོལ་བའི་ཕྱག་རྒྱ་འདི། །དངོས་གྲུབ་ཐམས་
D479.084.0086a06.01ཅད་གྲུབ་པར་བྱེད། །རལ་གྲིའི་ཚུལ་དུ་བྱས་པ་འདི། །པདྨའི་རལ་གྲིའི་ཕྱག་རྒྱ་ཡིན། །མཐེའུ་ཆུང་པདྨ་ཆེན་པོར་བྱ། །མཐེ་བོ་གཉིས་དེ་བཞིན་དབྱུག་ལྟར་བསྒྲེང་། །མཛུབ་མོ་རྩེ་མོ་དུང་ཆེན་བྱ། །གུང་མོ་སྲིན་ལག་འཁོར་ལོར་བྱ། །རྡོ་རྗེ་ཐལ་མོ་དམ་བྱས་ལ། །གཡས་པ་ཨོཾ་
D479.084.0086a07.01