完整藏文原文 · 德格版页 当前仅加载第 84 函德格 94b 版页；藏文 NFD、目录标记与异常页序保留在来源切片中，重复版页行以稳定序号区分。
ཆེན་པོ་ཐམས་ཅད་བསླབ་པར་བྱའོ། །ཕྱག་རྒྱ་བཞིའི་དཀྱིལ་འཁོར་གྱི་ཆོ་ག་རྒྱས་པ་རྫོགས་སྟོ།། །།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་ཀྱི་དབང་པོས་འགྲོ་བ་ཐམས་ཅད་འདུལ་བ་ཞེས་བྱ་བའི་སྙིང་པོ་འདི་གསུངས་སོ། །ཨོཾ་སརྦ་
D479.084.0094b01.01ཛ་གཏྤི་ནཱ་ཡ་མ་ཧཱ་སཏྭ་ཨ། ཨཱ་གཙྪ་ཤཱི་གྷྲཾ་བི་ཤྭ་རཱུ་པཾ་སན་དྷཱ་རཱ་ཡ་མ་མེ་ཙ་སརྦ་སིདྷཱ་ཡ་པྲ་ཡཙྪ་ཧྲཱིཿ། དེ་ནས་བྱང་ཆུབ་སེམས་དཔའ་འཕགས་པ་སྤྱན་རས་གཟིགས་ཀྱི་དབང་པོས་འགྲོ་བ་ཐམས་ཅད་འདུལ་བ་ཞེས་བྱ་བའི་དཀྱིལ་འཁོར་འདི་གསུངས་སོ། །དེ་ནས་རབ་ཏུ་བཤད་བྱ་བ། །
D479.084.0094b02.01འགྲོ་བ་འདུལ་བའི་དཀྱིལ་འཁོར་ཏེ། །དཀྱིལ་འཁོར་ཆེན་པོའི་ཚུལ་དུ་ནི། །ཕྱི་ཡི་དཀྱིལ་འཁོར་བྲི་བར་བྱ། །དེ་ཡི་ནང་དུ་པདྨ་ཡང་། །དེ་བཞིན་དུ་ནི་བྲི་བར་བྱ། །དེར་ནི་འདབ་མ་ཀུན་ཁྱབ་པའི། །སྣ་ཚོགས་གཟུགས་ནི་བྲི་བར་བྱ། །དེ་ནས་དཀྱིལ་འཁོར་འདིར་ཆོ་ག་རྒྱས་པ་ཇི་ལྟ་
D479.084.0094b03.01བ་བཞིན་དུ་བཙུད་ནས། དེ་བཞིན་དུ་བསྒོ་སྟེ་འགྲོ་བ་ཐམས་ཅད་འདུལ་བའི་ཡེ་ཤེས་བསླབ་བོ། །འགྲོ་བ་འདུལ་བ་ཞེས་བྱ་བའི། །དཀྱིལ་འཁོར་ལེགས་པར་བྲིས་ནས་ཀྱང་། །ཕྱག་རྒྱ་ཆེན་པོ་བསྒོམས་ན་ནི། །སྣ་ཚོགས་འཆང་དང་འདྲ་བར་འགྱུར། །དེ་ནས་འགྲོ་བ་འདུལ་བའི་
D479.084.0094b04.01གསང་བའི་ཕྱག་རྒྱའི་ཡེ་ཤེས་བསླབ་བོ། །སྣ་ཚོགས་གཟུགས་ཀྱི་ཏིང་འཛིན་དུ། །མཉམ་པར་བཞག་པས་བསྒོམས་ནས་ཀྱང་། །དབང་པོ་གཉིས་ནི་སྦྱར་བར་བྱ། །དཀྱིལ་འཁོར་དེ་ནི་དེ་གྲུབ་བོ། །དེ་ནས་ཕྱག་རྒྱ་ཆེན་པོ་ལ་སོགས་པ་ཕྱག་རྒྱ་བཅིང་བ་རྣམས་བསླབ་པར་བྱའོ། །དངོས་གྲུབ་རྣམས་ཀྱང་
D479.084.0094b05.01དེ་བཞིན་ནོ། །དེ་བཞིན་དུ་རས་ལ་སོགས་པ་ལ་ཡང་བྱའོ་ཕྱག་རྒྱ་གཞན་རྣམས་ཀྱང་ཕྱག་རྒྱ་གཅིག་པའི་དཀྱིལ་འཁོར་གྱི་ཚུལ་དུ་ཕྱག་རྒྱ་ལ་སོགས་པ་ཡང་འགྲུབ་པར་འགྱུར་རོ། །དེ་ནས་ཡང་དེ་བཞིན་གཤེགས་པ་ཐམས་ཅད་གཅིག་ཏུ་འདུས་ནས་བྱང་ཆུབ་སེམས་དཔའ་སྤྱན་རས་གཟིགས་ཀྱི་དབང་པོ་ལ་
D479.084.0094b06.01ལེགས་སོ་ཞེས་བྱ་བ་བྱིན་པ། དེ་བཞིན་གཤེགས་པ་ཀུན་གྱི་གསང་། །ཐེག་པ་ཆེན་པོ་མངོན་འདུས་པ། །རྡོ་རྗེ་ཐེག་པ་བླ་མེད་ཀྱི། མདོ་སྡེ་འདི་ནི་ལེགས་བཤད་པ། །ལེགས་སོ་རྡོ་རྗེ་སེམས་དཔའ་ཁྱོད། །རྡོ་རྗེ་རིན་ཆེན་ཁྱོད་ལེགས་སོ། །རྡོ་རྗེ་ལས་ནི་ཁྱོད་ལེགས་སོ། །དེ་
D479.084.0094b07.01