完整藏文原文 · 德格版页 当前仅加载第 84 函德格 129b 版页；藏文 NFD、目录标记与异常页序保留在来源切片中，重复版页行以稳定序号区分。
རིགས་ཀྱི་ཡོ་བྱད་དང་ཆོ་ག་རྒྱས་པ་རྫོགས་{སྷོ,སོ}།། །།དེ་ནས་རྡོ་རྗེའི་རིགས་ཀྱི་ཡོ་བྱད་དང་ཆོ་ག་རྒྱས་པ་ནི་འདི་ཡིན་ཏེ། དེ་ལ་དང་པོར་ནི་སྔར་བསྙེན་པ་བྱ་སྟེ། དེ་ལྟར་ཅི་འདོད་པ་བཞིན་དུ་ཡི་གེ་འབྲུ་འབུམ་བཟླས་པར་བྱའོ། །དེའི་མཐར་མཚན་ཐོག་ཐག་ཏུ་བཟླས་པ་བྱས་ལ་དེ་ཕྱིན་
D479.084.0129b01.01ཆད་སེམས་ཅན་ཐམས་ཅད་ལ་ཕན་གདགས་པ་དང་། ཆད་པས་གཅད་པར་ནུས་པར་འགྱུར་རོ་ཞེས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། །འོན་ཏེ་བསྒྲུབ་པར་འདོད་ན་ཡང་། དེས་ཇི་ལྟ་བ་བཞིན་དུ་རི་མོའི་སྐུ་གཟུགས་བྲིས་ལ། དེས་དེ་བཞིན་དུ་མཆོད་པ་བྱས་ནས་ཟླ་
D479.084.0129b02.01བ་གཅིག་ཏུ་འདོད་པ་ཀུན་ལ་ལོངས་སྤྱོད་ཅིང་ཅི་དགའ་བ་བཞིན་དུ་བྱས་ནས་བརྒྱ་སྟོང་དུ་བཟླས་པར་དུས་བཞིར་རྡོ་རྗེའི་ཚིག་གིས་ཟློས་ཤིང་ཟླ་བའི་མཐར་ཕྱིན་པ་དང་། རི་མོའི་གཟུགས་ལ་མཆོད་པ་རྒྱ་ཆེར་བྱས་ནས་རྡོ་རྗེ་ཧཱུྃ་ཞེས་བྱ་བའི་ཕྱག་རྒྱ་བཅིངས་ལ་ཕྱག་རྒྱ་བཅིངས་པ་དེ་ལས་ཧཱུྃ་
D479.084.0129b03.01ཞེས་བྱ་བའི་སྒྲ་བྱུང་གི་བར་དུ་བཟླས་པར་བྱའོ། །དེ་ནས་ནམ་ལངས་པ་དང་ལྷ་རྣམས་ཀྱི་དབང་པོ་དབང་ཕྱུག་ཆེན་པོ་ལ་སོགས་པ་འཁོར་དང་བཅས་པ་རྣམས་མདུན་དུ་གནས་ནས་བཀའ་ནོད་པར་འགྱུར་རོ། །དེ་ནས་རིག་འཛིན་གྱིས་འདི་སྐད་དུ་བསྒོ་བར་བྱའོ། །གང་གི་ཚེ་ངས་ཁྱོད་
D479.084.0129b04.01ཚུར་ཤོག་འདི་བྱོས་ཤིག །ཅེས་བསྒོ་བ་དེའི་ཚེ་ན་ཁྱོད་འདིར་འོངས་ལ་ངའི་བཀའ་བཞིན་བྱོས་ཤིག །དེ་ཕྱིན་ཅད་འཇིག་རྟེན་གསུམ་པོ་མཐའ་དག་གི་བདག་པོར་འགྱུར་ཏེ། ཡུད་ཙམ་གྱིས་ཀྱང་ས་གསུམ་པ་ཐམས་ཅད་ལ་ཅི་དགར་བཀའ་སྩོལ་ཅིང་བསྐོར་ཏེ། སླར་འོངས་
D479.084.0129b05.01ནས་ཀྱང་ཕན་གདགས་པ་དང་། ཆད་པས་གཅད་པ་རྣམས་བྱེད་ཅིང་ལྷ་རྫས་ཀྱི་འཇིག་རྟེན་གསུམ་ལོངས་སྤྱོད་ལ་ཉེ་བར་སྤྱད་ནས་ཇི་ལྟར་དགའ་བ་བཞིན་དུ་བྱེད་ཅིང་ལྷ་ཐམས་ཅད་ཀྱི་དབང་པོའི་བུད་མེད་ལ་སོགས་པ་བུད་མེད་ཐམས་ཅད་མགུ་བར་བྱས་ནས། ཉེ་བར་སྤྱད་ཀྱང་དེ་ལ་
D479.084.0129b06.01སུ་གང་གིས་བྱས་ཀྱང་གནོད་པར་བྱེད་ནུས་པ་མེད་དེ་ཧཱུྃ་ཞེས་བྱ་བས་ལྷ་ལ་སོགས་པ་མ་རུངས་པ་ཐམས་ཅད་གནོན་ཅིང་དེ་ནས་བསྐལ་པ་ཆུང་ངུའི་སྟོང་གི་བར་དུ་འཚོ་བར་འགྱུར་རོ་ཞེས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། །ཅི་སྟེ་ཕྱག་རྒྱ་བསྒྲུབ་པར་འདོད་པ་ན་ཡང་ཇི་ལྟ་བ་བཞིན་དུ་
D479.084.0129b07.01