完整藏文原文 · 德格版页 当前仅加载第 84 函德格 123b 版页；藏文 NFD、目录标记与异常页序保留在来源切片中，重复版页行以稳定序号区分。
ཞེས་བཅོམ་ལྡན་འདས་ནོར་བུའི་ཆོས་ཀྱིས་གསུངས་སོ། །རིགས་ཐམས་ཅད་ཀྱི་ཆོས་ཀྱི་དམ་ཚིག་གི་དངོས་གྲུབ་ཀྱི་ཆོ་ག་རྒྱས་པའི་རྒྱུད་དོ། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་དམ་པའི་ཆོས་ཀྱི་ཡེ་ཤེས་ཀྱི་དངོས་གྲུབ་ཀྱི་རྒྱུད་འདི་
D479.084.0123b01.01གསུངས་སོ། །དེ་ལ་འདི་ནི་དེ་བཞིན་གཤེགས་པ་ཐམས་ཅད་ཀྱི་དམ་པའི་ཆོས་ཀྱི་ཡེ་ཤེས་ཀྱི་དངོས་གྲུབ་ཀྱི་རྒྱུད་དེ། དམ་པའི་ཆོས་ནི་ཡི་གེ་མེད། །ཏིང་འཛིན་ཡེ་ཤེས་འབྱུང་བ་སྟེ། །ཨ་ཞེས་བྱ་བས་ཆོས་རྣམས་ནི། །སྐྱེ་བ་མེད་པར་དགོངས་པ་སྟེ། །ཕྱག་རྒྱ་འདི་ཡི་ཚུལ་གྱིས་ནི། །
D479.084.0123b02.01ཤེས་པས་བསྒོམས་ཏེ་དེ་ནས་ཀྱང་། །ཡི་གེ་ཀུན་གྱི་ཡེ་ཤེས་ནི། །བདེ་གཤེགས་སྐད་ཅིག་གིས་འགྱུར་ཞེས། །བཅོམ་ལྡན་འདས་འཕགས་པ་འཇམ་པའི་དཔལ་དེ་བཞིན་གཤེགས་པ་ཐམས་ཅད་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་དམ་པའི་ཆོས་ཀྱི་
D479.084.0123b03.01ཡེ་ཤེས་ཀྱི་དངོས་གྲུབ་ཀྱི་རྒྱུད་དེ། དེ་བཞིན་གཤེགས་ཀུན་དེ་ཉིད་ཀྱི། །མདོ་སྡེ་འདི་ནི་དད་པ་ཡིས། །དད་ནས་བཅངས་སམ་བཀླགས་གྱུར་ན། །དངོས་གྲུབ་བླ་མེད་ཐོབ་པར་འགྱུར། །ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །དེ་ལ་འདི་ནི་རྡོ་རྗེའི་རིགས་ཀྱི་དམ་
D479.084.0123b04.01པའི་ཆོས་ཀྱི་ཡེ་ཤེས་ཀྱི་དངོས་གྲུབ་ཀྱི་རྒྱུད་དེ། སྡིག་པའི་སེམས་ཅན་ཕན་དོན་དུ། །སྡིག་ཅན་སྡིག་སྤྱོད་བཟློག་པ་དང་། །སངས་རྒྱས་བཀའ་ནི་བསྲུང་བའི་ཕྱིར། །བསད་པ་བྱས་ན་འགྲུབ་པར་འགྱུར། །ཞེས་བཅོམ་ལྡན་འདས་རྡོ་རྗེ་འཛིན་གྱིས་གསུངས་སོ། །དེ་ལ་འདི་ནི་པདྨའི་
D479.084.0123b05.01རིགས་ཀྱི་དམ་པའི་ཆོས་ཀྱི་ཡེ་ཤེས་ཀྱི་དངོས་གྲུབ་ཀྱི་རྒྱུད་དོ། །འདོད་ཆགས་རང་བཞིན་དག་པར་ཤེས། །དམ་པའི་དོན་དུ་དགོངས་ནས་ཀྱང་། །ཐོག་མ་ཐ་མར་འདི་བསྒོམས་ན། །ཆོས་ཀྱི་དངོས་གྲུབ་ཐོབ་པར་འགྱུར། །ཞེས་བཅོམ་ལྡན་འདས་འཕགས་པ་སྤྱན་རས་གཟིགས་
D479.084.0123b06.01ཀྱི་དབང་པོས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་ཆོས་མཁྱེན་པའི་དངོས་གྲུབ་ཀྱི་རྒྱུད་དེ། སེམས་ཅན་ཀུན་གྱི་དོན་ཕྱིར་སྦྱིན། །བསམ་པ་ཐམས་ཅད་རྫོགས་བྱེད་ཅིང་། །ཆོས་བསྒོམས་འདི་ནི་ནོར་བུ་ཡི། །རིགས་ཀྱི་དངོས་གྲུབ་ཐོབ་པར་འགྱུར། །ཞེས་བཅོམ་ལྡན་
D479.084.0123b07.01