完整藏文原文 · 德格版页 当前仅加载第 84 函德格 77a 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱོགས་རྣམས་ཐམས་ཅད་དུ། །རིགས་ཀྱི་ཕྱག་རྒྱ་བྲི་བར་བྱ། །རྡོ་རྗེ་གླང་སྣ་ལ་སོགས་པ། །བཞི་པོ་དེ་ཡི་ཕྱོགས་ཀུན་བཞག །དཀྱིལ་འཁོར་དེ་བཞིན་གཙོ་བོར་ཡང་། །རྡོ་རྗེ་ཕྱག་རྒྱ་བྲི་བར་བྱ། །དེ་ཡི་ཕྱོགས་རྣམས་ཐམས་ཅད་དུ། །རིགས་ཀྱི་ཕྱག་རྒྱ་བྲི་བར་བྱ། །རྡོ་
D479.084.0077a01.01རྗེ་གླང་སྣ་ལ་སོགས་པ། །བཞི་བོ་རྣམས་ནི་སྒོ་སྲུངས་སོ། །འཇིགས་མ་དཔལ་དང་སྒྲ་དབང་དང་། །དུར་ག་གཡོན་པའི་གྲྭ་རྣམས་ནས། །ཕྱི་ཡི་གྲྭ་རྣམས་ཕྱག་རྒྱ་ནི། །དེ་རྣམས་ཉིད་ནི་བྲི་བར་བྱ། །ཕྱི་ཡི་དཀྱིལ་འཁོར་རྣམས་སུ་ནི། །ལྷ་མོ་རྣམས་ནི་བྲི་བར་བྱ། །དེ་ནས་ཆོ་ག་རྒྱས་
D479.084.0077a02.01པའི་རྣམས། །ཇི་བཞིན་པར་ནི་བཤད་པར་བྱ། །དེ་ནས་རྡོ་རྗེའི་དཀྱིལ་འཁོར་འདིར། །ཇི་ལྟར་འདོད་པ་བཞིན་དུ་བྱས་ཏེ་རྡོ་རྗེ་ལྕགས་ཀྱུ་ལ་སོགས་པས་དམ་ཚིག་གི་ལས་བྱས་ནས་རྡོ་རྗེ་འཆང་བའི་ཆོ་ག་བཞིན་དུ་བཅིངས་ལ་ཁྱོད་ཀྱིས་དམ་ཚིག་མ་མཐོང་བ་སུའི་མདུན་དུ་ཡང་དམ་ཚིག་གི་ཕྱག་རྒྱ་
D479.084.0077a03.01དེ་རྣམས་མ་སྨྲ་ཤིག །གསང་བ་འཕེལ་བར་མ་བྱེད་ཅིག་ཅེས་བསྒོ་ཤིག །དེ་ནས་ལས་ཀྱི་རྡོ་རྗེ་དེ་རྡོ་རྗེ་འཆང་བའི་ཕྱག་རྒྱའི་སྟེང་དུ་བཞག་སྟེ་ཆོ་ག་བཞིན་དུ་ཆུག་ཅིག །ཞུགས་ནས་རྡོ་རྗེ་དེ་དེ་བཞིན་དུ་འོར་ཅིག །གང་ལ་བབ་པ་དེ་དེའི་དམ་ཚིག་གི་ཕྱག་རྒྱའི་དབང་དུ་འགྱུར་ཏེ། དེས་ལས་ཐམས་
D479.084.0077a04.01ཅད་བྱེད་དོ། །དེ་ནས་གདོང་གཡོགས་བཀྲོལ་ནས་དཀྱིལ་འཁོར་རིམ་བཞིན་བསྟན་ཏེ། དམ་ཚིག་གི་ཕྱག་རྒྱ་གསང་བ་སྨྲོས་ཤིག །དམ་ཚིག་ཕྱག་རྒྱ་འདི་ཁྱོད་ཀྱི། །རྟག་ཏུ་ལས་ཀུན་བྱེད་པ་སྟེ། །མ་དང་སྲིང་མོ་རྣམས་དང་ནི། །ཆུང་མ་བུ་མོ་འདྲ་བའོ། །དེ་ལ་དེའི་སྙིང་པོ་ནི་འདི་དག་ཡིན་ནོ། །
D479.084.0077a05.01ཨོཾ་སརྦ་ག་མ་ནི་སརྦ་བཱ་ཀྟྲེ་སྭ་དྷ་ཡ་གུ་ཧྱ་བཛྲི་ཎི་ཧཱུྃ་ཕཊ། འདི་ལན་ཅིག་བཟླས་པས་བུད་མེད་ཐམས་ཅད་དབང་དུ་བྱས་ཏེ་སྤྱད་ན་ཆོས་མ་ཡིན་པར་མི་འགྱུར་རོ། །ཅི་དགའ་ཐམས་ཅད་སྤྱད་ནས་བསྒྲུབ་པར་བྱ་སྟེ། དེ་ནས་སེམས་ཅན་ཐམས་ཅད་དག་པར་ཕྱག་རྒྱ་ཐམས་ཅད་ཡིད་ཀྱིས་ཤེས་ནས་ལས་
D479.084.0077a06.01དམ་པ་ཐམས་ཅད་ཀྱང་བྱེད་དོ་ཞེས་བཅོམ་ལྡན་འདས་རྡོ་རྗེ་འཆང་བས་གསུངས་སོ། །དེ་ནས་དམ་ཚིག་གི་ཕྱག་རྒྱ་བསླབ་པར་བྱའོ། །དམ་ཚིག་ཁྲོ་བོ་མཛུབ་གཙུག་དང་། །སྙིང་གར་ཡང་ནི་བསྡམ་པར་བྱ། །ངོས་ཀྱི་མཛོད་སྤུ་ཁ་ནས་དྲང་། །སྤྱི་བོར་བཞག་ནས་གཉིས་སུ་བྱ། །གཡོན་
D479.084.0077a07.01