完整藏文原文 · 德格版页 当前仅加载第 84 函德格 57a 版页；藏文 NFD、目录标记与异常页序保留在来源切片中，重复版页行以稳定序号区分。
བདག་ཅག་ཇི་ལྟར་བགྱི་ལེགས་པར་བཀའ་སྩོལ་ཅིག །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་རང་གི་ལས་རྣམས་དག་པར་འགྱུར་བའི་ཡེ་ཤེས་ཀྱི་ཕྱག་རྒྱའི་སྙིང་པོ་འདི་གསུངས་སོ། །ཨོཾ་བཛྲ་ཀརྨ་བི་ཤོདྷ་ཡ་སརྦ་ཨཱ་པར་ཎཱ་ནི་བུདྡྷ་སཏྟྱེ་ན་ས་མ་ཡ་ཧཱུྃ། དེ་ནས་ཕྱག་
D479.084.0057a01.01རྒྱ་བཅིང་བ་བཤད་དོ། །རྡོ་རྗེ་ཐལ་མོ་དམ་བཅས་ཏེ། །མཛུབ་མོ་གཉིས་ཀ་བཀུག་ནས་ཀྱང་། །མཐེ་བོ་མཉམ་སྟེ་སྦྱར་ནས་ནི། །མནན་པ་དེ་ནི་སྡིག་འཕྲོག་པ། །ཕྱག་རྒྱ་དེ་རིམས་ལ་སོགས་པའི་ནད་ཐམས་ཅད་ཀྱིས་གང་ལ་བཏབ་པ་ལ་ལས་བྱས་ལ་བསྟན་ན། དེ་ཁྱེད་རྣམས་ཀྱིས་
D479.084.0057a02.01ཐོང་ཤིག །ཁྱེད་ཅག་སྲོག་དང་བྲལ་ལ་རེ། དེ་ནས་དེ་རྣམས་དེ་བཞིན་དུ་བགྱིའོ་ཞེས་གསོལ་ཏེ་སླར་དོང་ངོ་། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས། དེ་བཞིན་གཤེགས་པ་ཐམས་ཅད་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་རྣམས་ཀྱིས་བདག་སྒྲིབ་པ་
D479.084.0057a03.01ཐམས་ཅད་བསལ་བ་དང་ལས་ཀྱི་སྒྲིབ་པ་ཐམས་ཅད་རྣམ་པར་སྦྱང་བའི་སླད་དུ། ཉིད་ཀྱི་ཐུགས་ཀ་ནས་བྱུང་ན་དེ་ནས་བཅོམ་ལྡན་འདས་སེམས་ཅན་དམྱལ་བ་ལ་སོགས་པ་ངན་སོང་དེ་རྣམས་ཐམས་ཅད་ཇི་ལྟར་བགྱི་བདག་ལ་བཀའ་སྩལ་དུ་གསོལ། བཅོམ་ལྡན་འདས་ཀྱིས་བཀའ་
D479.084.0057a04.01སྩལ་པ། ཨོཾ་ཀྵ་པ་ཡ་བཛྲ་སྭཱ་ཧཱ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས། ངུ་འབོད་ལ་སོགས་པ་ངན་སོང་གི་འགྲོ་བའི་འཁོར་ལོ་ཐམས་ཅད་དགུག་པའི་སྙིང་པོ་འདི་གསུངས་སོ། །ཨོཾ་སརྦ་ཨ་བཱ་ཡ་ཨཱ་ཀརྵ་ཎ་བི་ཤོདྷ་ན་བཛྲ་སམ་ཡ་ཧཱུྃ་ཕཊ། དེ་ནས་དེ་སྨྲས་
D479.084.0057a05.01མ་ཐག་ཏུ་ངུ་འབོད་དང་ངུ་འབོད་ཆེན་པོ་ལ་སོགས་པ་ངན་སོང་ན་གནས་པ་རྣམས་རི་རབ་རིའི་རྩེ་མོའི་ཕྱི་རོལ་དུ་བསྐོར་ཏེ་འཁོད་དོ། །དེ་ནས་བྱང་ཆུབ་སེམས་དཔའ་ཕྱག་ན་རྡོ་རྗེས་ངན་སོང་གི་སར་ལྟུང་བའི་སེམས་ཅན་ཐམས་ཅད་ལ་བོས་ནས་འདི་སྐད་གསུངས་སོ། །ཀྱེ་བཟོད་ལྡན་རྣམས་དཀོན་
D479.084.0057a06.01མཆོག་གསུམ་ལ་སྐྱབས་སུ་འགྲོ་བ་དང་། དམ་ཚིག་དང་སྡོམ་པ་དང་ངན་སོང་ཐམས་ཅད་ལས་ཐར་བའི་ཕྱག་རྒྱ་དང་སྙིང་པོ་ཟུང་ཤིག །དེ་ནས་དེ་དག་གིས་མགྲིན་གཅིག་ཏུ་འདི་སྐད་གསོལ་ཏོ། །བཅོམ་ལྡན་འདས་བདག་ཅག་སྡུག་བསྔལ་གྱིས་གཟིར་བ་འདི་ལས་བསྐྱབ་པར་གསོལ།
D479.084.0057a07.01