完整藏文原文 · 德格版页 当前仅加载第 84 函德格 92b 版页；藏文 NFD、目录标记与异常页序保留在来源切片中，重复版页行以稳定序号区分。
ཨོཾ་དྷུ་པེ་པཱུ་ཛེ་ཧཱུྃ་ཨཿ། ཨོཾ་པུཥྤེ་པཱུ་ཛེ་ཧཱུྃ་ཏྲ། ཨོཾ་ཨཱ་ལོ་ཀེ་པཱུ་ཛེ་ཧཱུྃ་དྷིཿ། ཨོཾ་གན་དྷེ་པཱུ་ཛེ་ཧཱུྃ་བཾ། ཨོཾ་ཧ་ཡ་གྲྭི་བ་ཨཱ་ན་ཡ་ཧཱུྃ་ཛ། ཨོཾ་ཨ་མོ་གྷ་པཱ་ཤ་ཀྲོ་དྷ་པཱི་ཌ་ཡ་ཧཱུྃ་ཕཊ། ཨོཾ་པདྨ་ཤཱཾ་ཀ་ལ་བན་དྷེ་ཧཱུྃ་ཕཊ། ཨོཾ་པདྨ་གྷན་དྷ་ཨཱ་བེ་ཤ་ཡེ་ཧཱུྃ་ཕཊ། དེ་ནས་ལས་ཀྱི་དཀྱིལ་འཁོར་འདིར་དགུག་
D479.084.0092b01.01པ་ལ་སོགས་པའི་ཆོ་ག་རྒྱས་པར་བྱས་ནས་ཇི་ལྟ་བ་བཞིན་དུ་བཅུག་སྟེ། འདི་སྐད་དུ་རིགས་ཀྱི་བུ་ཁྱོད་ཀྱིས་ཚུལ་འདི་སུ་ལ་ཡང་མ་སྨྲ་ཤིག །སེམས་ཅན་དམྱལ་བར་ལྷུང་བར་གྱུར་ཏ་རེ་ཞེས་བསྒོས་ཤིག །དེ་ནས་ཡེ་ཤེས་བསྐྱེད་པར་བྱའོ། །དེ་ནས་སྡིག་པ་བཤགས་པའི་
D479.084.0092b02.01ཡེ་ཤེས་བསླབ་པར་བྱ་སྟེ། འཇིག་རྟེན་དབང་ཕྱུག་ཕྱག་རྒྱ་ཆེར། །ཤིན་ཏུ་མཉམ་གཞག་བསྒོམས་ནས་ཀྱང་། །སྡིག་རྣམས་བཤགས་པས་མྱུར་བར་ནི། །སྡིག་པ་ཀུན་ལས་དེ་འདག་འགྱུར། །འཇིག་རྟེན་དབང་གི་ཏིང་འཛིན་གྱིས། །དམ་ཚིག་གི་ནི་མཆོག་བཅིངས་ཏེ། །
D479.084.0092b03.01སྡིག་པ་ཐམས་ཅད་བཤགས་ན་ནི། །མཚམས་མེད་ལྔ་ལས་འབྱང་བར་འགྱུར། །འཇིག་རྟེན་དབང་ཕྱུག་ཏིང་འཛིན་དུ། །ཤིན་ཏུ་མཉམ་པར་གཞག་བསྒོམས་ལ། །སྡིག་པ་ཐམས་ཅད་བཤགས་ན་ནི། །སྡིག་པ་ཀུན་ཡང་རབ་ཏུ་འཇོམས། །མདོར་ན་གང་ཡང་རུང་བ་ཡི། །ལས་ཀྱི་
D479.084.0092b04.01ཕྱག་རྒྱ་ལེགས་བཅིངས་ལ། །ལས་རྣམས་ཐམས་ཅད་བཤགས་ན་ནི། །ལས་རྣམས་ཀུན་ལས་རྣམ་པར་འདག །དེ་ལ་དེ་དག་གི་སྙིང་པོ་ནི་འདི་རྣམས་ཡིན་ནོ། །ཨོཾ་སརྦ་པཱ་པཾ་སཾ་ཤོ་དྷ་ན་མ་ཧཱ་པདྨ། ཨོཾ་སརྦ་ཨཱ་ནནྟ་ཏྱ་ཤོ་དྷན་ས་མ་ཡ་པདྨ། ཨོཾ་སརྦ་པཱ་པཾ་པྲ་ཎ་ཤ་ཎ་དྷ་རྨ་པདྨ།
D479.084.0092b05.01ཨོཾ་སརྦ་པདྨ་ཨཱ་བར་ཎ་བི་ཤོ་དྷ་ཀ་ཀརྨ་པདྨ། དེ་ནས་སྒྲིབ་པ་ཐམས་ཅད་ཡོངས་སུ་ཟད་པར་འགྱུར་བའི་ཡེ་ཤེས་བསླབ་བོ། །འཇིག་རྟེན་དབང་གི་ཕྱག་རྒྱ་ཆེར། །ཤིན་ཏུ་མཉམ་གཞག་བསྒོམས་བྱས་ལ། །ཤུད་དྷྱ་ཤུད་དྷྱ་ཞེས་བརྗོད་ན། །ལས་རྣམས་ཀུན་ལས་དག་པར་འགྱུར། །
D479.084.0092b06.01འཇིག་རྟེན་དབང་གི་ཏིང་འཛིན་གྱིས། །ལས་ཀྱི་དམ་ཚིག་བཅིངས་ན་ནི། །བུད་དྷྱ་བུད་དྷྱ་ཞེས་བརྗོད་ན། །ལས་རྣམས་ཀུན་ལས་དག་པར་འགྱུར། །འཇིག་རྟེན་དབང་པོར་སྙོམས་ཞུགས་ལ། །ཆོས་ཀྱི་ཕྱག་རྒྱར་བསྒོམས་ནས་ནི། །དྷི་དྷི་དྷི་དྷི་ཞེས་བརྗོད་ན། །ལས་རྣམས་ཀུན་
D479.084.0092b07.01