完整藏文原文 · 德格版页 当前仅加载第 84 函德格 51a 版页；藏文 NFD、目录标记与异常页序保留在来源切片中，重复版页行以稳定序号区分。
སྐད་ཅེས་སྨྲས་སོ། །ཀྱེ་ང་ནི་འཇིག་རྟེན་གསུམ་པོ་མཐའ་དག་གི་བདག་པོ་ཡིན་ན། ཁྱོད་ཀྱིས་ང་ལ་ཅིའི་ཕྱིར་བཀའ་སྩལ་པ། དེ་ནས་ཕྱག་ན་རྡོ་རྗེས་རྡོ་རྗེ་དེ་བསྙེམས་པ་དང་བཅས་པར་རྡོ་རྗེ་གསོར་ཞིང་འཛུམ་སྟེ་འདི་སྐད་ཅེས་སྨྲས་སོ། །ཀྱེ་ལུས་སྲུལ་པོའི་
D479.084.0051a01.01མིའི་ཤ་ཟ་བ་ཟས་སུ་རོ་བསྲེགས་པའི་ཐལ་བ་ཟ་ཞིང་ཁ་ཟས་དང་མལ་དང་། གོས་ཀྱང་དེ་ལས་བྱེད་པ་ངའི་བཀའ་བཞིན་བྱོས་ཤིག །དེ་ནས་ལྷ་ཆེན་པོ་དབང་ཕྱུག་ཆེན་པོས་འཇིག་རྟེན་གསུམ་པོ་མཐའ་དག་དང་ནམ་མཁའི་ཁམས་རྣམས་ཁྲོ་བ་ཁྲོ་བ་ཆེན་པོས་ནོན་པར་བྱིན་གྱིས་བརླབས་ཏེ་འདི་
D479.084.0051a02.01སྐད་ཅེས་སྨྲས་སོ། །ཁྱོད་ཀྱང་དེའི་བཀའ་ཉོན་ལ་དམ་ཚིག་ཀྱང་ལོང་ཤིག །དེ་ནས་ཕྱག་ན་རྡོ་རྗེ་ཁྲོ་བོ་ཆེན་པོའི་རྒྱལ་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ལྷ་ཆེན་པོ་ཞེས་བགྱི་བའི་ལྷ་འདི་ནི། རང་གི་འཚལ་བའི་སྟོབས་ཀྱིས་དྲེགས་པ་དང་
D479.084.0051a03.01དབང་ཕྱུག་ཆེན་པོའི་དབང་གིས། དེ་བཞིན་གཤེགས་པ་ཐམས་ཅད་ཀྱི་བསྟན་པ་ལ་འདུད་དུ་མི་བཏུབ་ན་འདི་ལ་ཇི་ལྟར་བགྱི་བའི་རིགས། དེ་ནས་བཅོམ་ལྡན་འདས་ཀྱིས་དེ་བཞིན་གཤེགས་པ་ཐམས་ཅད་ཀྱི་ཐུགས་ཀ་ནས་བྱུང་བའི་རྡོ་རྗེ་ཆེན་པོའི་དམ་ཚིག་དྲན་པར་བྱས་སོ། །ཨོཾ་ནི་
D479.084.0051a04.01སུམྦྷ་བཛྲ་ཧཱུྃ་ཕཊ། དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་རྡོ་རྗེའི་སྙིང་པོ་འདི་བརྗོད་དོ། །ཧཱུྃ། དེ་ནས་དེ་བརྗོད་མ་ཐག་ཏུ་ཁམས་གསུམ་པ་ཐམས་ཅད་ནས་འདུས་པའི་ལྷ་ཆེན་པོ་ལ་སོགས་པ་འཇིག་རྟེན་གསུམ་པོའི་དབང་པོ་ཐམས་ཅད་ཁ་བུབ་ཏུ་འགྱེལ་ཏེ། ཉམ་ཐག་
D479.084.0051a05.01པའི་ཚིག་འབྱིན་ཅིང་། བཅོམ་ལྡན་འདས་ཕྱག་ན་རྡོ་རྗེ་ལ་སྐྱབས་སུ་དོང་ངོ་། །ལྷ་ཆེན་པོ་ཞེས་བྱ་བའི་ལྷ་དེ་ནི་ས་ལ་འགྱེལ་ཏེ་དྲན་པ་མེད་པར་གྱུར་ནས་ཤིའོ། །དེ་ནས་བཅོམ་ལྡན་འདས་ཀྱིས་མཁྱེན་བཞིན་དུ་བྱང་ཆུབ་སེམས་དཔའ་ཕྱག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །
D479.084.0051a06.01ཕྱག་ན་རྡོ་རྗེ་འཇིག་རྟེན་གསུམ་པོའི་འཁོར་ལོ་འདི་ཐམས་ཅད་ལ་སྐྱབས་སྦྱིན་པ་བྱོས་ཏེ་མ་བསད་ཅིག །དེ་ནས་ཕྱག་ན་རྡོ་རྗེ་ཁྲོ་བོ་ཆེན་པོའི་རྒྱལ་པོས་བཅོམ་ལྡན་འདས་ཀྱིས་བཀའ་སྩལ་པ་ཐོས་ནས། ལྷ་ཐམས་ཅད་བོས་ནས་འདི་སྐད་ཅེས་གསུངས་སོ། །གལ་ཏེ་ཁྱོད་རང་གི་
D479.084.0051a07.01