完整藏文原文 · 德格版页 当前仅加载第 84 函德格 72a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནས་ཕྱག་ན་རྡོ་རྗེའི་ཞབས་ཀྱི་མཐིལ་དེ་ནས་ཟླ་བའི་ཞབས་ཞེས་བྱ་བ་དེ་བཞིན་གཤེགས་པ་ཐམས་ཅད་ཀྱི་བྱང་ཆུབ་ཀྱི་སེམས་ཀྱི་ཕྱག་རྒྱ་བྱུང་ངོ་། །ཨོཾ་ཙནྡྲོ་ཏྟཱ་རེ་ས་མནྟ་བྷ་དྲ་ཀི་ར་ཎི་མ་ཧཱ་བཛྲི་ཎི་ཧཱུྃ། དེ་ནས་དེའི་ཕྱག་རྒྱ་བཅིང་བ་བཤད་དོ། །རྡོ་རྗེ་བཅིང་བ་དམ་བྱས་
D479.084.0072a01.01ཏེ། །མཐེ་བོ་མཐེའུ་ཆུང་མཉམ་པར་ནི། །མཉམ་ནས་ལེགས་པར་བརྐྱང་ན་ནི། །རྡོ་རྗེ་རི་མོ་ཞེས་ཀྱང་གྲགས། །དེ་ནས་དེ་བྱུང་མ་ཐག་ཏུ་ཞབས་ཀྱི་མཐིལ་དེ་ལས་ཟླ་བའི་བླ་མ་དེ་བཞིན་གཤེགས་པ་དེ་བྱུང་ནས་དབང་ཕྱུག་ཆེན་པོ་དེའི་མགོ་བོ་ལ་ཕྱག་ན་རྡོ་རྗེའི་ཞབས་ཀྱིས་མནན་པའི་
D479.084.0072a02.01རྗེས་སུ་ཟླ་བ་ཕྱེད་པ་གནས་པར་གྱུར་ཏེ་གཡོན་ལོགས་ན་འདུག་གོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་ཕྱག་ན་རྡོ་རྗེའི་གྲོགས་སུ་ལག་ཏུ་རྡོ་རྗེའི་མདུང་རྩེ་བྱིན་ནས་རྡོ་རྗེའི་རིག་པ་དམ་པ་རྡོ་རྗེའི་རིག་པ་དམ་པ་ཞེས་རྡོ་རྗེའི་མིང་གིས་དབང་བསྐུར་ནས་དབང་བསྐུར་རོ། །དེ་ནས་རྡོ་
D479.084.0072a03.01རྗེའི་རིག་པ་དམ་པ་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་མདུང་རྩེ་དེས་མགལ་མེའི་འཁོར་ལོ་ལྟར་བསྐོར་ཞིང་གར་གྱི་མཆོད་པས་མཆོད་པ་བྱས་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །ཨེ་མའོ་སངས་རྒྱས་ཐམས་ཅད་ཀྱི། །བྱང་ཆུབ་སེམས་ནི་བླ་ན་མེད། །ཞབས་མཆོག་
D479.084.0072a04.01གིས་ནི་གར་རེག་པ། །སངས་རྒྱས་ཉིད་དུ་གྲུབ་པ་ཐོབ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེ་ཁྲོ་བོའི་ཏིང་ངེ་འཛིན་དེ་ལས་ལངས་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱིས་བདག་གི་སུག་པར་
D479.084.0072a05.01རྡོ་རྗེ་སྩལ་ཏེ། ཕྱག་ན་རྡོ་རྗེ་ཉིད་དུ་དབང་བསྐུར་བས་ལྷ་ལ་སོགས་ཏེ་ཕྱི་རོལ་གྱི་རྡོ་རྗེའི་རིགས་དེ་རྣམས་འཇིག་རྟེན་གསུམ་ལས་རྣམ་པར་རྒྱལ་བའི་དཀྱིལ་འཁོར་ཆེན་པོ་འདི་ལ་གནས་པའི་རིམ་པ་བགྱིས་ནས་གང་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་སེམས་ཅན་དེ་རྣམས་
D479.084.0072a06.01ཕྱིར་མི་ལྡོག་པར་བགྱིའོ། །དེ་ནས་བཅོམ་ལྡན་འདས་རྣམ་པར་སྣང་མཛད་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་དེ་བཞིན་གཤེགས་པ་ཐམས་ཅད་ཀྱི་གཙུག་ཏོར་འདི་གསུངས་སོ། །ཨོཾ་བཛྲ་སཏྭ་ཨུཥྞཱི་ཥ་ཧཱུྃ་ཕཊ། དེ་ནས་འདི་བཤད་མ་ཐག་ཏུ་དེ་བཞིན་
D479.084.0072a07.01