完整藏文原文 · 德格版页 当前仅加载第 84 函德格 38b 版页；藏文 NFD、目录标记与异常页序保留在来源切片中，重复版页行以稳定序号区分。
ཚིགས་སུ་སྦྱར། །རྡོ་རྗེ་དབྱིངས་ཀྱི་དབང་མོར་བཤད། །དེ་ཉིད་གུང་མོ་རྡོ་རྗེར་བྱ། །གུང་མོ་གཉིས་ནི་ནོར་བུར་བྱ། །པདྨ་སྲིན་ལག་མཐེའུ་ཆུང་གུང་། །ལག་པའི་སོར་མོ་རབ་ཏུ་བརྐྱང་། །མཛུབ་མོ་རྡོ་རྗེ་མཛུབ་གཉིས་རྩེ། །དེ་ཉིད་མཐེ་བོ་གཉིས་ཀྱིས་སྤྲས། །ལེགས་
D479.084.0038b01.01པ་སྦྱིན་དང་མཛུབ་རིན་ཆེན། །མཛུབ་མོ་རིན་ཆེན་དེ་འབར་བྱ། །སྲིན་ལག་གཤིབས་ལ་མཐེའུ་རིན་ཆེན། །དེ་ཉིད་ཀྱང་ནི་བསྐོར་བའོ། །ཀུན་གྱི་རྩེ་མོར་རབ་ཏུ་དབྱེ། །མཐེ་བོ་མཐེའུ་ཆུང་རབ་ཏུ་གཞུག །སོར་མོ་རབ་ཏུ་འཁོར་ལོ་བརྐྱང་། །དེ་ཉིད་ཀྱང་ནི་ཁ་ནས་དབྱུང་།།
D479.084.0038b02.01མཐོ་བོ་བརྐྱང་སྟེ་རྡོ་རྗེ་དགབ། །མཛུབ་མོ་མཉམ་ནས་ནང་དུ་གཞུག །མཐེའུ་གཉིས་དབྱེ་བ་དེ་ཉིད་ལས། །དེ་ནས་ནང་དུ་རྡོ་རྗེར་བྱ། །རྡོ་རྗེ་གསང་བའི་ལས་རྣམས་ནི། །རྡོ་རྗེ་བཅིངས་ལས་བྱུང་བ་ཡིན། །ཆོས་ཀྱི་གསང་བ་མཚན་རྣམས་ཀྱིས། །ཐལ་མོ་ནང་དུ་བཀུག་ནས་སོ། །
D479.084.0038b03.01ལས་ཀྱི་གསང་བ་ནང་གནས་པའི། །མཚན་མས་ལས་སུ་བསྟན་པའོ། །དེ་ནས་གཞན་ཡང་རབ་བཤད་པ། །ཆོས་ཀྱི་ཕྱག་རྒྱ་མདོར་བཤད་པ། །ཨ་ཛ་ཧོ་ས། ཨོཾ་ཨོཾ་ཏྲཱཾ་ཧ། ཧྲཱིཿདྷྃ་མྃ་རྃ། ཀྃ་ཧྃ་ཧཱུྃ་བྃ། གསང་བའི་ཕྱག་རྒྱ་གཉིས་བྱས་ནས། །ལས་ཀྱི་ཕྱག་རྒྱ་རྣམས་སུ་བྱ། །
D479.084.0038b04.01དམ་ཚིག་མཆོག་ནི་ཇི་སྙེད་པ། །གཉིས་སུ་ཕྲལ་ནས་དེ་བཞིན་ནོ། །དེ་ནས་དེ་རྣམས་ཀྱི་བསྒྲུབ་པ་བཤད་དེ། ས་མ་ཡ་སྟྭཾ་ཞེས་སྨྲ་ཞིང་། །བདག་གིས་བཅིངས་པས་འགྲུབ་པ་ནི། །འདོད་ལ་ཆགས་པ་བདེ་བའི་བདག །འདི་རྣམས་ལྷག་པར་གཅིག་ཀྱང་ནི། །དུས་ཀུན་ཏུ་
D479.084.0038b05.01ནི་བཅིང་མི་བྱ། །གསང་བའམ་ནི་དོན་ཆེན་ལ། །མཁས་པ་ཡིས་ནི་སྦྱར་བར་བྱ། །དེ་རྣམས་ཀུན་གྱི་བདག་ཉིད་གནས། །རང་བྱུང་རྣམས་ཀྱི་ལྷ་མོ་བརྟན། །བསྒྲུབ་པ་རྣམས་ལ་རང་ཆགས་པས། །རྟག་པའི་བདག་པོ་བཏང་ང་རེ། །དེ་ནས་ཕྱག་རྒྱ་དེ་རྣམས་ཐམས་ཅད་བཅིང་
D479.084.0038b06.01བ་ལ་སོགས་པའི་ལས་རྣམས་ཡིན་ནོ། །བདག་གམ་འོན་ཏེ་གཞན་ལའང་རུང་། །རྡོ་རྗེ་དབབ་པ་བྱས་ན་ནི། །སྙིང་པོ་བྱ་བ་འདི་ཡིན་ནོ། །བཅིང་ངམ་འཆིང་དུ་བཅུག་ཀྱང་རུང་། །བཛྲ་ཧཱུཾ་བནྡྷ། དེ་ནས་དགྲོལ་བ་ཡིན་ནོ། །མདོར་ན་ཕྱག་རྒྱ་ཐམས་ཅད་ནི། །སྙིང་པོ་བྱ་བ་འདི་ཉིད་ཀྱིས། །
D479.084.0038b07.01