完整藏文原文 · 德格版页 当前仅加载第 84 函德格 125a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་སྤྱན་གྱི་ཡེ་ཤེས་ཀྱི་དངོས་གྲུབ་ཀྱི་རྒྱུད་དེ། གནས་དང་འགྲོ་བ་དེ་བཞིན་ཏེ། །ཇི་སྙེད་དངོས་པོ་ཡོད་འགྱུར་བ། །དེ་སྙེད་ཀྱི་ནི་གཟུགས་བརྙན་རྣམས། །མཁའ་རྒྱུག་འགྲོ་བའམ་འོང་ཡང་རུང་། །མཐོང་
D479.084.0125a01.01ན་རྡོ་རྗེ་སྤྱན་དག་པར། །ཤེས་པས་མཆོད་ན་དངོས་གྲུབ་ནི། །བླ་ན་མེད་པ་ཐོབ་པར་འགྱུར། །ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །དེ་ལ་འདི་ནི་རྡོ་རྗེའི་རིགས་ཀྱི་མིག་གི་དངོས་གྲུབ་ཀྱི་རྒྱུད་དེ། གཡས་པའམ་ནི་གཡོན་ཕྱོགས་ཀྱི། །མཁའ་ལ་ནམ་མཁའི་
D479.084.0125a02.01དབྱིངས་ཉིད་ནི། །སྤྲིན་འདྲར་མྱུར་དུ་འཁོར་བར་ཡང་། །མིག་གིས་མཐོང་བར་གྱུར་བས་ཀྱང་། །རྡོ་རྗེ་ལས་བྱུང་ཕྱག་རྒྱ་དེ། །མཐོང་ནས་འཇིགས་པར་མ་གྱུར་ལ། །ཕྱག་རྒྱ་དེ་ནི་བཟུང་ན་ནི། །རྡོ་རྗེ་སྤྱན་ནི་འགྲུབ་པར་འགྱུར། །ཞེས་བཅོམ་ལྡན་འདས་རྡོ་རྗེས་གསུངས་སོ། །དེ་ལ་འདི་
D479.084.0125a03.01ནི་པདྨའི་རིགས་ཀྱི་སྤྱན་གྱི་ཡེ་ཤེས་ཀྱི་དངོས་གྲུབ་ཀྱི་རྒྱུད་དེ། གང་ཚེ་སྐྱའམ་དམར་བ་དང་། །དཀར་བའམ་སེར་བའམ་སྣ་ཚོགས་ཀྱི། །དཀྱིལ་འཁོར་མཐོང་བར་གྱུར་པའི་ཚེ། །དགོངས་འགྱུར་འཁོར་ལོའི་སྤྱན་འགྲུབ་འགྱུར། །ཞེས་བཅོམ་ལྡན་འདས་རྡོ་རྗེ་པདྨས་གསུངས་སོ། །
D479.084.0125a04.01དེ་ལ་འདི་ནི་ནོར་བུའི་རིགས་ཀྱི་སྤྱན་གྱི་ཡེ་ཤེས་ཀྱི་དངོས་གྲུབ་ཀྱི་རྒྱུད་དེ། མཁའ་ལ་རིན་ཆེན་འདྲ་བ་དང་། །གསེར་ལ་སོགས་པར་འདྲ་བར་ནི། །གང་ཚེ་མཁའ་མཐོང་མཁའ་ཡི་མིག །དེ་ནི་འགྲུབ་པར་འགྱུར་རོ་ཞེས། །བཅོམ་ལྡན་འདས་རྡོ་རྗེ་སྙིང་པོས་གསུངས་སོ། །རིགས་ཐམས་
D479.084.0125a05.01ཅད་ཀྱི་སྤྱན་གྱི་ཡེ་ཤེས་ཀྱི་དངོས་གྲུབ་ཀྱི་ཆོ་ག་རྒྱས་པའི་རྒྱུད་དེ། དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་ལས་དམ་པའི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་ལས་དམ་པའི་དངོས་གྲུབ་
D479.084.0125a06.01ཀྱི་རྒྱུད་དེ། ཆོས་ཀྱི་དཀྱིལ་འཁོར་ཚུལ་དུ་ནི། །འདོད་ཆགས་བདེ་བ་རྣམ་སྨིན་ཕྱིར། །གཙོ་བོ་ཐམས་ཅད་མཆོད་བྱས་པ། །སངས་རྒྱས་དངོས་གྲུབ་ཐོབ་པར་འགྱུར། །ཞེས་སངས་རྒྱས་བཅོམ་ལྡན་འདས་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་དམ་
D479.084.0125a07.01