完整藏文原文 · 德格版页 当前仅加载第 84 函德格 127a 版页；藏文 NFD、目录标记与异常页序保留在来源切片中，重复版页行以稳定序号区分。
འདི་ནི་པདྨའི་རིགས་ཀྱི་ལས་ཀྱི་དགོས་པའི་དངོས་གྲུབ་ཀྱི་རྒྱུད་དེ། འཇིག་རྟེན་དབང་པོའི་ཏིང་འཛིན་གྱིས། །ཡིད་ཀྱིས་མཆོད་པ་བྱས་ནས་ཀྱང་། །མཁས་པས་དགོས་པ་གང་བསམས་པ། །དེ་ཡི་དངོས་གྲུབ་ཐམས་ཅད་ཐོབ། །ཅེས་བཅོམ་ལྡན་འདས་པདྨ་འཛིན་པས་
D479.084.0127a01.01གསུངས་སོ། །དེ་ལ་འདི་ནི་ནོར་བུའི་རིགས་ཀྱི་ལས་ཀྱི་དགོས་པའི་དངོས་གྲུབ་ཀྱི་རྒྱུད་དེ། རྡོ་རྗེ་སྙིང་པོའི་ཏིང་འཛིན་གྱིས། །བདུག་པ་ལ་སོགས་མཆོད་བྱས་ལ། །མཁས་པས་དགོས་པ་གང་བསམས་པ། །དེ་ཀུན་སྐད་ཅིག་ཉིད་འགྲུབ་འགྱུར། །ཞེས་བཅོམ་ལྡན་འདས་རྡོ་རྗེ་
D479.084.0127a02.01སྙིང་པོས་གསུངས་སོ། །རིགས་ཐམས་ཅད་ཀྱི་ལས་ཀྱི་དགོས་པའི་དངོས་གྲུབ་ཀྱི་ཆོ་ག་རྒྱས་པའི་རྒྱུད་དོ། །དེ་ནས་བཅོམ་ལྡན་འདས་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱ་སྒོམ་པའི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པའི་
D479.084.0127a03.01བྱིན་གྱིས་བརླབས་ཀྱི་རྣལ་འབྱོར་གྱི་དངོས་གྲུབ་ཀྱི་རྒྱུད་དེ། སངས་རྒྱས་རྣལ་འབྱོར་ཏིང་འཛིན་གྱིས། །རྡོ་རྗེ་ཕྲ་མོའི་ཚུལ་གྱིས་ནི། །སངས་རྒྱས་ཕྱག་རྒྱ་རབ་བསྒྲུབས་པས། །དངོས་གྲུབ་དམ་པ་ཐོབ་པར་འགྱུར། །ཞེས་བཅོམ་ལྡན་འདས་དེ་བཞིན་གཤེགས་པ་ཕྱག་ན་རྡོ་རྗེས་གསུངས་
D479.084.0127a04.01སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་སེམས་དཔའི་བྱིན་གྱིས་བརླབས་ཀྱི་རྣལ་འབྱོར་གྱི་དངོས་གྲུབ་ཀྱི་རྒྱུད་དེ། ཀུན་གྱི་བདག་ཉིད་སེམས་དཔའ་ནི། །བདག་གི་ལུས་ལ་གནས་པ་སྟེ། །སེམས་དཔའ་བདག་ཅེས་བྱིན་བརླབས་ལ། །བདག་ཅེས་བྱ་བའི་ང་རྒྱལ་གྱིས། །
D479.084.0127a05.01བསྒོམས་ན་འགྲུབ་པར་འགྱུར་རོ་ཞེས། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་ཐེག་པ་ཆེན་པོ་མངོན་པར་འདུས་པའི་རྡོ་རྗེ་སེམས་དཔས་གསུངས་སོ། །དེ་ལ་འདི་ནི་རྡོ་རྗེའི་རིགས་ཀྱི་རྡོ་རྗེའི་བྱིན་གྱིས་བརླབས་པའི་རྣལ་འབྱོར་གྱི་རྒྱུད་དེ། སེམས་དཔའ་ཇི་བཞིན་ཕྱག་རྒྱ་
D479.084.0127a06.01བཞིན། །ཕྱག་རྒྱ་ཇི་བཞིན་བདག་དེ་བཞིན། །ཆོ་ག་འདི་ཡི་ཚུལ་གྱིས་ནི། །ཕྱག་རྒྱ་ཐམས་ཅད་བསྒྲུབ་པར་བྱ། །ཞེས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། །དེ་ལ་འདི་ནི་པདྨའི་རིགས་ཀྱི་ཆོས་ཀྱིས་བྱིན་གྱིས་བརླབས་པའི་རྣལ་འབྱོར་གྱི་རྒྱུད་དེ། ཆོས་ཀྱི་ཕྱག་རྒྱའི་ཚུལ་
D479.084.0127a07.01