完整藏文原文 · 德格版页 当前仅加载第 84 函德格 113a 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར། །ཞེས་བཅོམ་ལྡན་འདས་སངས་རྒྱས་ཀྱི་ཏིང་ངེ་འཛིན་གྱིས་གསུངས་སོ། །དེ་ལ་འདི་ནི་རྡོ་རྗེའི་རིགས་ཀྱི་ཏིང་ངེ་འཛིན་གྱི་དངོས་གྲུབ་ཀྱི་རྒྱུད་དོ། །འདོད་ཆགས་ལས་ནི་ཁྱོད་ཕྱུང་སྟེ། །བདག་ནི་ཁྲོ་བོ་ཡིན་བསྒོམས་ནས། །སྙིང་པོ་ཕྱག་རྒྱ་སྔགས་རིག་རྣམས། །
D479.084.0113a01.01མྱུར་དུ་དངོས་གྲུབ་ཐོབ་པར་འགྱུར། །ཞེས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། །དེ་ལ་འདི་ནི་པདྨའི་རིགས་ཀྱི་ཏིང་ངེ་འཛིན་གྱི་དངོས་གྲུབ་ཀྱི་རྒྱུད་དེ། འཇིག་རྟེན་དབང་པོ་རིག་ཟློས་པས། །བྱམས་པས་འགེངས་པའི་ཚུལ་གྱིས་ནི། །སྙིང་པོ་ལ་སོགས་བསྒྲུབས་ན་ཡང་། །དངོས་གྲུབ་
D479.084.0113a02.01མྱུར་དུ་ཐོབ་པར་འགྱུར། །ཞེས་བཅོམ་ལྡན་འདས་ཀུན་དུ་སྤྱན་རས་གཟིགས་དབང་པོས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་ཏིང་ངེ་འཛིན་གྱི་དངོས་གྲུབ་ཀྱི་རྒྱུད་དེ། ནམ་མཁའ་ཀུན་གྱི་ཏིང་འཛིན་ནི། །རབ་མཉམ་བཞག་པར་བསྒོམས་ན་ཡང་། །སྙིང་པོ་ཕྱག་རྒྱ་སྔགས་རིག་
D479.084.0113a03.01རྣམས། །བསྒྲུབས་ན་ཀུན་དུ་འགྲོ་བར་འགྱུར། །ཞེས་བཅོམ་ལྡན་འདས་ནམ་མཁའི་སྙིང་པོས་གསུངས་སོ། །རིགས་ཐམས་ཅད་ཀྱི་ཏིང་ངེ་འཛིན་གྱི་དངོས་གྲུབ་ཀྱི་ཆོ་ག་རྒྱས་པའི་རྒྱུད་དོ། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་མཆོད་པའི་ཕྱག་
D479.084.0113a04.01རྒྱའི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པ་ཐམས་ཅད་ཀྱི་མཆོད་པའི་དངོས་གྲུབ་ཀྱི་རྒྱུད་དེ། རབ་མཉམ་བཞག་པས་དང་པོར་ནི། །བདུག་པ་ལ་སོགས་མཆོད་བྱས་ལ། །དེ་ནས་དངོས་གྲུབ་འདོད་པ་ཡིས། །བསྒྲུབས་ན་དངོས་གྲུབ་ཐོབ་པར་འགྱུར། །
D479.084.0113a05.01ཞེས་སངས་རྒྱས་བཅོམ་ལྡན་འདས་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་མཆོད་པའི་དངོས་གྲུབ་ཀྱི་རྒྱུད་དེ། གསང་བའི་མཆོད་པ་རྣམ་བཞི་ཡིས། །གསང་བའི་མཆོད་པ་རྗོད་བྱེད་ཅིང་། །བདག་དབུལ་བ་ལ་སོགས་པ་ཡི། །མཆོད་པ་བྱས་ན་འགྲུབ་
D479.084.0113a06.01པར་འགྱུར། །ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །དེ་ལ་འདི་ནི་རྡོ་རྗེའི་རིགས་ཀྱི་མཆོད་པའི་དངོས་གྲུབ་ཀྱི་རྒྱུད་དེ། ཁྲོ་བོ་རྡོ་རྗེ་མཆོད་ཆེན་པོ། །ཁྲོ་བོ་གསང་བ་རྗོད་བྱེད་ཅིང་། །ཁྲོ་བོའི་ཁུ་ཚུར་རབ་སྦྱར་ན། །མྱུར་དུ་བདག་གི་རིགས་འགྲུབ་བོ། །ཞེས་བཅོམ་ལྡན་
D479.084.0113a07.01