完整藏文原文 · 德格版页 当前仅加载第 84 函德格 119a 版页；藏文 NFD、目录标记与异常页序保留在来源切片中，重复版页行以稳定序号区分。
བའི་རྒྱུད་དེ། ནོར་བུ་ཆེན་པོའི་རིགས་རྣམས་ནི། །དོན་ཀུན་འགྲུབ་པའི་ཚུལ་དུ་ཡང་། །དཀྱིལ་འཁོར་ལེགས་པར་བྲིས་ན་ནི། །ཞུགས་ནས་འདི་སྐད་སྨྲ་བར་བྱ། །བསམ་པ་ཀུན་གྱི་དངོས་གྲུབ་ལས། །འདོད་ཆགས་བསམ་པ་དངོས་གྲུབ་མཆོག །
D479.084.0119a01.01གྲུབ་ཤིག་གྲུབ་ཤིག་སེམས་དཔའ་ཆེ། །བཅོམ་ལྡན་ཐམས་ཅད་གྲུབ་བ་པོ། །དེ་སྐད་སྨྲས་ནས་དཀྱིལ་འཁོར་ཀུན། །ཞུགས་ནས་མཆོད་གསང་བླ་མེད་པའི། །དངོས་གྲུབ་ཆེན་པོ་ཐོབ་པར་འགྱུར། །ཕྱིན་ཆད་དངོས་གྲུབ་བདག་ཉིད་ཀྱིས། །བསྒྲུབས་ན་དངོས་གྲུབ་
D479.084.0119a02.01འགྲུབ་པར་འགྱུར། །གང་ཚེ་མྱུར་དུ་མི་འགྲུབ་ན། །དེ་ཉིད་བསྐུལ་ན་འགྲུབ་པར་འགྱུར། །ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །རིགས་ཐམས་ཅད་ཀྱི་དཀྱིལ་འཁོར་གསང་བའི་དངོས་གྲུབ་ཀྱི་ཆོ་ག་རྒྱས་པའི་རྒྱུད་དེ། དེ་ནས་བྱང་ཆུབ་སེམས་དཔའ་སེམས་
D479.084.0119a03.01དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱ་ཐམས་ཅད་ཀྱི་གསང་བའི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པའི་ཕྱག་རྒྱ་གསང་བའི་རྒྱུད་དངོས་གྲུབ་ཀྱི་རྒྱུད་དེ། དེ་བཞིན་གཤེགས་པའི་ལྷ་མོ་ཆེ། །སྡུག་ཅིང་བདེ་བ་ཀུན་སྦྱིན་
D479.084.0119a04.01པ། །བདེན་ལས་བྱུང་བའི་ཚིག་བདེན་པས། །བསྒྲུབས་ཀྱང་དེ་ནི་མ་གྲུབ་ནའོ། །ཞེས་སངས་རྒྱས་བཅོམ་ལྡན་འདས་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་ཕྱག་རྒྱ་ཆེན་པོའི་གསང་བའི་དངོས་གྲུབ་ཀྱི་རྒྱུད་དེ། ལྟག་འོག་{གོ་རིམས་,གོ་རིམ་}ཇི་བཞིན་དུ། །ཕྱག་
D479.084.0119a05.01རྒྱ་ཆེན་པོ་བཅིངས་ནས་ནི། །འདི་ནི་དེ་ཉིད་གསང་བ་ཡི། །རྡོ་རྗེ་ཚུལ་གྱིས་འདི་སྨྲོས་ཤིག །བདག་ནི་རྡོ་རྗེ་སེམས་དཔའ་ཉིད། །ཁྱོད་ངའི་ཆུང་མ་སྙིང་ལ་གནས། །ལུས་ཀུན་ལ་ནི་འཁྱུད་ནས་ཀྱང་། །རྡོ་རྗེ་འགྱིང་བས་འགྱིང་བར་མཛོད། །རྡོ་རྗེ་འགྱིང་བའི་ལྷ་མོ་ཆེ། །དེ་ཉིད་བསྐུལ་
D479.084.0119a06.01བས་ཆགས་འགྱུར་བས། །ལུས་ཀུན་ལ་ནི་བརྟན་འགྱུར་ནས། །ཇི་བཞིན་མྱུར་དུ་དངོས་གྲུབ་འགྱུར། །ཞེས་བཅོམ་ལྡན་འདས་རྡོ་རྗེ་འགྱིང་བའི་བདག་པོས་གསུངས་སོ། །དེ་ལ་འདི་ནི་རྡོ་རྗེའི་རིགས་ཀྱི་དམ་ཚིག་གསང་བའི་དངོས་གྲུབ་ཀྱི་རྒྱུད་དེ། དངོས་གྲུབ་དམ་ཚིག་གྲུབ་པ་ནི། །
D479.084.0119a07.01