完整藏文原文 · 德格版页 当前仅加载第 84 函德格 56a 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་རྡོ་རྗེ་འཛིན་ཆེན་པོ་ག་ལ་བ་དེར་ཐལ་མོ་སྦྱར་ཏེ་འདི་སྐད་གསོལ་ཏོ། །བཅོམ་ལྡན་འདས་བདག་ཅག་སྲོག་དང་མི་འབྲལ་བར་སྐྱབས་མཛད་དུ་གསོལ། དེ་ནས་ཕྱག་ན་རྡོ་རྗེས་ཡང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་
D479.084.0056a01.01མ་རུངས་པའི་དཀྱིལ་འཁོར་དེ་རྣམས་ཇི་ལྟར་བགྱི་བ་བདག་ལ་བཀའ་སྩལ་དུ་གསོལ། དེ་ནས་བཅོམ་ལྡན་འདས་ཀྱིས་བཀའ་སྩལ་པ། ཨོཾ་ནི་སུམྦྷ་ཧ་ན་ད་ཧ་པ་ཙ་གྲྀཧྞ་བནྡྷ་ཧཱུྃ་ཕཊ། དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་རྡོ་རྗེ་ཁྲོ་བོ་མི་བཟད་པ་འདི་གསུངས་སོ། །ཨོཾ་མ་ཧཱ་
D479.084.0056a02.01བཛྲ་ཁུ་ར་ཀྲོ་དྷ་བ་ཏ་ཡ། སརྦ་དུཥྚ་མཎྜ་ལཾ་བི་ནཱ་ཤ་ཡ་སརྦ་དུཥྚ་སམ་ཡཾ་བྷི་ག་ཀི་ར་བི་དྷྭན་ས་ཡ་སྥོ་ཊ་ཡ་བྷཉྫ་ཡ་སརྦ་དུ་ཥྚ་ས་མ་ཡ་མུ་དྲཱ་བནྡྷ་གྲྀཧྞ་ཧ་ན་ད་ཧ་པ་ཙ་སརྦ་དུཥྚ་ས་མ་ཡ་ས་ཏྭཾ་བཛྲ་ས་མ་ཡ་ཧཱུྃ་ཕཊ། དེ་ནས་དེ་སྨྲས་མ་ཐག་ཏུ་མ་རུངས་པའི་དམ་ཚིག་དང་ཕྱག་རྒྱ་དང་དཀྱིལ་འཁོར་ཐམས་ཅད་ཡང་
D479.084.0056a03.01གཅིག་ཏུ་འདུས་ཏེ་རྒྱ་མཚོ་ཆེན་པོར་དོང་ངོ་། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་ཡང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱིས་བདག་ལ་མ་རུངས་པ་ཐམས་ཅད་ཐུལ་ཅིག་ཅེས་བཀའ་སྩལ་ན། ཕྲ་མེན་མ་དང་གདོན་ལ་སོགས་པ་གདོན་དེ་དག་
D479.084.0056a04.01ཐམས་ཅད་ལ་བདག་གིས་ཇི་ལྟར་བགྱི། དེ་ནས་བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །ཨོཾ་ཧ་ན་ཧ་ན་བཛྲ་ཧཱུྃ་ཕཊ། དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་ཡང་ཕྲ་མེན་མ་ལ་སོགས་པ་གདོན་མ་རུངས་པ་ཐམས་ཅད་དགུག་པའི་སྙིང་པོ་འདི་གསུངས་སོ། །ཨོཾ་བཛྲ་
D479.084.0056a05.01ཨཱ་ཀརྵ་ཡ་ཤཱི་གྷྲཾ་སརྦ་དུཥྚ་གྲ་ཧཾ་བཛྲ་དྷ་ར་སཏྭ་ན་ཧཱུྃ་ཛ། དེ་ནས་དེ་སྨྲས་མ་ཐག་ཏུ་ཕྲ་མེན་མ་ལ་སོགས་པ་གདོན་མ་རུངས་པ་ཐམས་ཅད་རི་རབ་ཀྱི་རྩེ་མོའི་ཕྱི་རོལ་བསྐོར་ཏེ་འཁོད་དོ། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་ཕྲ་མེན་མ་ལ་སོགས་པ་གདོན་མ་རུངས་པ་ཐམས་ཅད་ལ་
D479.084.0056a06.01བོས་ནས་འདི་སྐད་ཅེས་གསུངས་སོ། །ཀྱེ་བཟོད་ལྡན་རྣམས་སྲོག་གཅོད་པ་སྤང་བའི་བསླབ་པ་དང་། དམ་ཚིག་དང་སྡོམ་པ་གཟུང་བར་བྱོས་ཤིག །རྡོ་རྗེ་འོད་འཕྲོ་བ་གཅིག་ཏུ་འབར་བར་གྱུར་བས་ཁྱེད་ཀྱི་རིགས་རྣམས་མ་ལུས་ཤིང་བསྲེགས་ཏ་རེ། དེ་ནས་ཕྲ་མེན་མ་ལ་སོགས་པ་གདོན་མ་རུངས་པ་
D479.084.0056a07.01