完整藏文原文 · 德格版页 当前仅加载第 84 函德格 74b 版页；藏文 NFD、目录标记与异常页序保留在来源切片中，重复版页行以稳定序号区分。
དཀྱིལ་འཁོར་གསུམ་པར་བྲི་བ་ནི། །ལྟག་འོག་རིམ་པ་ཇི་བཞིན་དུ། །རྡོ་རྗེ་ཐོ་བ་ལ་སོགས་པའོ། །དེ་དག་གི་སྙིང་པོ་ནི་འདི་རྣམས་ཡིན་ནོ། །ཨོཾ་བཛྲ་མུ་ས་ལ་ཧཱུྃ། །ཨོཾ་བཛྲ་པཱ་ཏ་ཧཱུྃ། ཨོཾ་བཛྲ་ཛྭཱ་ལ་ཧཱུྃ། ཨོཾ་བཛྲ་གྲ་ཧ་ཧཱུྃ། རྡོ་རྗེ་ཤུགས་ཀྱིས་བརྒལ་ནས་ནི། །དཀྱིལ་འཁོར་བཞི་
D479.084.0074b01.01པར་བྲི་བ་ནི། །རྡོ་རྗེ་ལྕགས་ཀྱུ་ལ་སོགས་བྲན། །ལྟག་འོག་རིམ་པ་བཞིན་དུའོ། །དེ་དག་གི་སྙིང་པོ་ནི་འདི་རྣམས་ཡིན་ནོ། །ཨོཾ་བཛྲ་དཾཥྚྲཱ་ཧུྃ། ཨོཾ་བཛྲ་མཱ་ར་ཎ་ཧཱུྃ། ཨོཾ་བཛྲ་བེ་ག་ཧཱུྃ། ཨོཾ་བཛྲ་ཧ་ར་ཎ་ཧཱུྃ། རྡོ་རྗེ་ཤུགས་ཀྱིས་བརྒལ་ནས་ནི། །ཕྱི་རོལ་དཀྱིལ་འཁོར་གཞག་པ་ནི། །ལྟག་
D479.084.0074b02.01འོག་རིམ་པ་ཇི་བཞིན་དུ། །མ་མོ་ཐམས་ཅད་བྲི་བར་བྱ། །དེ་ནས་རྡོ་རྗེ་སྒོ་བཞིར་ཡང་། །སྒོ་བ་རྣམས་ཀྱང་དེ་བཞིན་ནོ། །དེ་ནས་རབ་ཏུ་བཤད་པ་ནི། །ཆོ་ག་རྒྱས་པ་ཇི་བཞིན་པའོ། །དེ་ནས་འཇིག་རྟེན་གསུམ་པོའི་འཁོར་ལོའི་དཀྱིལ་འཁོར་ཆེན་པོ་འདིར་དགུག་པ་ལ་སོགས་པའི་ལས་
D479.084.0074b03.01ཀུན་བྱས་ཏེ། རྡོ་རྗེ་སློབ་དཔོན་ཉིད་རྡོ་རྗེ་ཁྲོ་བོ་ཏི་རིནྟི་རིའི་ཕྱག་རྒྱ་བཅིངས་ཏེ་འདི་སྐད་བསྒོ་ཞིང་། ངས་ཁྱོད་ལ་རྡོ་རྗེ་དམ་ཚིག་གི་ཡེ་ཤེས་བསྐྱེད་པར་བྱ་སྟེ། དེ་ཁྱོད་ཀྱིས་སུ་ལ་ཡང་མ་སྨྲ་ཤིག །མི་བདེ་བ་མ་སྤངས་པས་ཁྱོད་དུས་བྱས་ཏེ་དམྱལ་བར་ལྷུང་ང་རེ་ཞེས་བསྒོ་སྟེ་མནའི་སྙིང་པོ་
D479.084.0074b04.01འདི་སྦྱིན་ནོ། །རྡོ་རྗེ་ཁྲོ་བོ་ཏི་རིནྟི་རིའི་ཕྱག་རྒྱ་ཡང་སྟོན་ཅིག །གལ་ཏེ་དམ་ཚིག་ལས་འདས་ན། །རྡོ་རྗེ་ཁྲོ་བོ་ཆེན་པོ་ཡི། །དམ་ཚིག་ཁྱོད་ཀྱི་རིགས་སྲེག་པས། །ཀླད་པ་ནས་ནི་རྩམས་ནས་ཀྱང་། །ལུས་རྣམས་མ་རུངས་པར་ཡང་བྱེད། །དམ་ཚིག་བཅིང་བའོ། །དེ་ནས་རྡོ་རྗེ་འཆང་
D479.084.0074b05.01བའི་ལས་ཀྱི་ཕྱག་རྒྱ་སྙིང་པོ་འདིས་བཅིང་ངོ་། །ཨོཾ་སརྦ་ཏ་ཐཱ་ག་ཏ་བཛྲ་དྷཱ་ར། གྲྀཧྞ་བན་དྷ་ས་མ་ཡ་ཧཱུྃ། དེ་ནས་འདི་ཕྱག་རྒྱ་བཅིང་བ་བཤད་དོ། །ལག་གཉིས་བླ་འོག་གཉིས་སུ་བཏང་། །མཐེ་བོ་མཐེའུ་ཆུང་སྦྲེལ་བ་དང་། །ལས་ཀྱི་ཕྱག་རྒྱ་དམ་ཚིག་འདི། །རྡོ་རྗེ་བཅིང་བ་ཞེས་ཀྱང་
D479.084.0074b06.01བཤད། །དེ་ནས་རྡོ་རྗེའི་ཆུས་དབང་བསྐུར་ཏེ། །སྙིང་པོ་ནི་འདི་ཡིན་ནོ། །ཨོཾ་བཛྲ་ཨ་བྷིཥེ་ཀ་ཨ་བྷི་ཥིཉྩ་བཛྲ་དྷཱ་ར་ཏ་ས་མ་གྲ་གྲཾ། དེ་ནས་གཡོགས་པས་གདོང་གཡོགས་ཏེ། སྙིང་པོ་འདི་གཞུག་གོ། །ཨོཾ་བཛྲ་བྲ་བེ་ཤ་ཡ། བཛྲ་ཨཱ་བེ་ཤ་ཡ་ཨ་དྷི་ཏིཥྛ་བཛྲ་ཧཱུྃ། དེ་ནས་བཅུག་ནས་
D479.084.0074b07.01