完整藏文原文 · 德格版页 当前仅加载第 84 函德格 52a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱེ་མ་རུངས་པ་རྣམས་ངའི་བསྟན་པ་ལ་ཞུགས་ཤིག །རྡོ་རྗེ་འབར་བ་འདིས་གཅིག་ཏུ་འབར་བར་བྱས་ནས་ཐམས་ཅད་ཀྱང་ཐལ་བར་བྱས་ཏ་རེ། འདི་སྐད་ཅེས་གསོལ་ཏོ། །ཁྱོད་ནི་བཅོམ་ལྡན་འདས་ཀུན་དུ་བཟང་པོ་དེ་བཞིན་གཤེགས་པ་ཐམས་ཅད་ཀྱི་ཐུགས་བསྐྱེད་པ་
D479.084.0052a01.01ཞི་བ་དུལ་པ་སེམས་ཅན་ཐམས་ཅད་ལ་ཕན་པར་བཞེད་པ། སེམས་ཅན་ཐམས་ཅད་ལ་མི་འཇིགས་པ་སྩོལ་བ་ལགས་ན། ཅིའི་སླད་དུ་བཅོམ་ལྡན་འདས་ཀྱིས་བདག་ཅག་བསྲེགས་པར་འགྱུར། དེ་ནས་ཕྱག་ན་རྡོ་རྗེ་ཁྲོ་བོའི་རྒྱལ་པོ་ཆེན་པོས་དེ་དག་ལ་འདི་སྐད་ཅེས་བཀའ་སྩལ་
D479.084.0052a02.01ཏོ། །ཀྱེ་གྲོགས་པོ་དག་གང་གིས་དེ་བཞིན་གཤེགས་པ་ཐམས་ཅད་ཀྱི་བཀའ་བཞིན་བྱེད་པ་དེའི་ཕྱིར་ང་ནི་ཀུན་དུ་བཟང་པོ་སྟེ། ཁྱེད་ལྟ་བུའི་སེམས་ཅན་མ་རུངས་པའི་ངང་ཚུལ་ཅན་སྡིག་པའི་སེམས་རྣམ་པར་སྦྱང་བའི་ཕྱིར། གལ་ཏེ་ངའི་དམ་ཚིག་ལ་མི་གནས་ན་ཆུད་གསན་པར་བྱའོ།
D479.084.0052a03.01གསོལ་པ། དེ་བཞིན་དུ་བགྱིའོ། །དེ་ནས་ཕྱག་ན་རྡོ་རྗེ་ཁྲོ་བོའི་རྒྱལ་པོ་ཆེན་པོས་དབང་ཕྱུག་ཆེན་པོ་མ་གཏོགས་པའི་ལྷ་དེ་དག་གཞན་དབུགས་དབྱུང་ཞིང་བསླང་བའི་ཕྱིར། དེ་བཞིན་གཤེགས་པ་ཐམས་ཅད་ཀྱི་སྙིང་པོ་རྡོ་རྗེའི་བསླང་བ་ཞེས་བྱ་བ་འདི་སྨྲས་སོ། །ཨོཾ་བཛྲོ་ཏྟི་ཥྛ། དེ་ནས་དེ་
D479.084.0052a04.01སྐད་སྨྲས་མ་ཐག་ཏུ་དབང་ཕྱུག་ཆེན་པོ་མ་གཏོགས་པར་ཁམས་གསུམ་པ་འདུས་པ་སྲིད་པ་གསུམ་གྱི་བདག་པོ་འཁོར་དང་བཅས་པ་དེ་དག་ཐམས་ཅད་ཀུན་བརྒྱལ་བ་ལས་སེམས་དབུགས་ཕྱུང་སྟེ། ལྷའི་བདེ་བ་མྱོང་ཞིང་འཇིགས་ཤིང་བག་ཚ་བ་དང་སྤུ་ལངས་པ་མེད་པར་གྱུར་ནས་བཅོམ་
D479.084.0052a05.01ལྡན་འདས་ཕྱག་ན་རྡོ་རྗེ་ལ་ལྟ་ཞིང་ལངས་སོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་ཕྱག་ན་རྡོ་རྗེ་ལ་བཀའ་སྩལ་པ། སེམས་དཔའ་ཆེན་པོ་ལྷའི་བདག་པོ་ལྷ་ཆེན་པོ་འདི་མ་བསླང་ན་འདི་སྲོག་དེ་ཆུད་གསན་པར་བྱས་ཏེ་ཅི་རུང་། གསོས་ན་འདི་ཡང་སྐྱེས་བུ་དམ་པར་འགྱུར་
D479.084.0052a06.01རོ། །དེ་ནས་ཕྱག་ན་རྡོ་རྗེས་དེ་བཞིན་དུ་བྱའོ་སྙམ་ནས་ཤི་བ་གསོ་བའི་སྙིང་པོ་འདི་སྨྲས་སོ། །བཛྲ་ཨཱ་ཡུཿ། དེ་ནས་དེ་སྨྲས་མ་ཐག་ཏུ་ལྷ་ཆེན་པོ་ལྷའི་བདག་པོ་ཤི་བ་ལས་གསོས་ཏེ་ལྡང་འདོད་ན་ཡང་ལྡང་མ་ནུས་སོ། །དེ་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ
D479.084.0052a07.01