完整藏文原文 · 德格版页 当前仅加载第 84 函德格 117b 版页；藏文 NFD、目录标记与异常页序保留在来源切片中，重复版页行以稳定序号区分。
དེ། རྡོ་རྗེ་སྙིང་པོའི་ཏིང་འཛིན་གྱིས། །རྡོ་རྗེ་ནོར་བུ་སྔར་བཅིངས་ལ། །མ་རུངས་རྣམས་ཀྱི་ནོར་ཕྲོགས་ན། །དམ་ཚིག་དངོས་གྲུབ་སྦྱིན་པར་འགྱུར། །ཞེས་བཅོམ་ལྡན་འདས་རྡོ་རྗེ་རིན་པོ་ཆེས་གསུངས་སོ། །རིགས་ཐམས་ཅད་ཀྱི་དངོས་གྲུབ་ཀྱི་ཆོ་ག་རྒྱས་པའི་རྒྱུད་དེ། དེ་ནས་བྱང་
D479.084.0117b01.01ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་དངོས་གྲུབ་གསང་བའི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པའི་ཆོས་ཀྱི་དངོས་གྲུབ་གསང་བའི་རྒྱུད་དེ། ཆོས་རྣམས་རང་བཞིན་དག་པར་ནི། །རབ་མཉམ་བཞག་
D479.084.0117b02.01པས་བསྒོམས་ནས་ཀྱང་། །དགོས་པ་ཐམས་ཅད་བྱས་ནས་ཀྱང་། །སངས་རྒྱས་པ་ཡི་དངོས་གྲུབ་འཐོབ། །ཅེས་བཅོམ་ལྡན་འདས་རྡོ་རྗེ་དབྱིངས་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་ཆོས་ཀྱི་དངོས་གྲུབ་གསང་བའི་རྒྱུད་དེ། སེམས་ཅན་ཀུན་ལ་ཆགས་བྱེད་ཅིང་། །
D479.084.0117b03.01ཡུལ་ལ་སྐྱོ་བར་མ་གྱུར་ལ། །བུད་མེད་དགའ་བའི་དག་པ་ནི། །གསང་ཆོས་དངོས་གྲུབ་རབ་སྦྱིན་ནོ། །ཞེས་བཅོམ་ལྡན་འདས་རྡོ་རྗེ་གསང་བས་གསུངས་སོ། །དེ་ལ་འདི་ནི་རྡོ་རྗེའི་རིགས་ཀྱི་ཆོས་ཀྱི་དངོས་གྲུབ་གསང་བའི་རྒྱུད་དེ། རྣ་ཡི་ཧཱུྃ་གི་སྦྱོར་བ་ཡིས། །ཕྲ་བའི་རྡོ་རྗེ་ཏིང་འཛིན་གནས། །
D479.084.0117b04.01མི་འགྲུངས་རྣལ་འབྱོར་འདི་བསད་ཅེས། །རབ་ཏུ་འབར་བའི་རྡོ་རྗེས་བསྒྱེལ། །དམ་པའི་དངོས་གྲུབ་སྦྱིན་པའོ། །ཞེས་བཅོམ་ལྡན་འདས་དམ་ཚིག་དམ་པས་གསུངས་སོ། །དེ་ལ་འདི་ནི་པདྨའི་རིགས་ཀྱི་ཆོས་ཀྱི་དངོས་གྲུབ་གསང་བའི་རྒྱུད་དེ། རྡོ་རྗེ་ཕྲ་མོའི་ཚུལ་གྱིས་ནི། །རྡོ་རྗེ་ཆོས་ཀྱི་ཏིང་
D479.084.0117b05.01འཛིན་གྱིས། །བུད་མེད་ཀུན་དང་རྩེ་བྱེད་ཅིང་། །ཆོས་ཀྱི་དངོས་གྲུབ་ཐོབ་པར་འགྱུར། །ཞེས་བཅོམ་ལྡན་འདས་ཀུན་དུ་སྤྱན་རས་གཟིགས་ཀྱི་དབང་པོས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་ཆོས་ཀྱི་དངོས་གྲུབ་གསང་བའི་རྒྱུད་དེ། དབང་པོ་གཉིས་ནི་མཉམ་སྦྱར་ལ། །རེ་བ་ཐམས་
D479.084.0117b06.01ཅད་ཡོངས་བཀང་ནས། །བུད་མེད་དམ་ནི་སྡུག་པ་ཡི། །དངོས་གྲུབ་བླ་མེད་ཐོབ་པར་འགྱུར། །ཞེས་བཅོམ་ལྡན་འདས་རྡོ་རྗེ་རིན་པོ་ཆེས་གསུངས་སོ། །རིགས་ཐམས་ཅད་ཀྱི་ཆོས་ཀྱི་དངོས་གྲུབ་གསང་བའི་རྒྱུད་དེ། དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་
D479.084.0117b07.01