完整藏文原文 · 德格版页 当前仅加载第 84 函德格 132a 版页；藏文 NFD、目录标记与异常页序保留在来源切片中，重复版页行以稳定序号区分。
གཏེར་ཡོད་པར་དོགས་པ་དེར་ཕྱག་རྒྱ་བཅིངས་ལ་རང་གི་ཏིང་ངེ་འཛིན་གྱིས་གཏེར་གྱི་གནས་དེར། རྡོ་རྗེ་བལྟ་བས་བལྟ་བ་ན། ཅི་སྟེ་རྡོ་རྗེ་ལྟ་བུ་ཡར་བར་མཐོང་ན། དེ་ན་གཏེར་ཡོད་པར་ཤེས་པར་བྱའོ། །དེ་ནས་རྡོ་རྗེ་ལྕགས་སྒྲོག་གི་དམ་
D479.084.0132a01.01ཚིག་གི་ཕྱག་རྒྱ་བཅིངས་ཏེ་ས་བརྐོས་ལ་ཇི་ལྟར་དགའ་བ་བཞིན་དུ་བླངས་ན་རྩོད་པ་མེད་པར་ཐོབ་པར་འགྱུར་རོ་ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །དེ་ལ་འདི་ནི་རྫུ་འཕྲུལ་གྱི་དངོས་གྲུབ་འགྲུབ་པ་ཡིན་ཏེ། ཕྱག་རྒྱ་གང་སྒྲུབ་པར་བྱེད་ན་བཛྲ་སིདྡྷི་ཞེས་བརྗོད་པར་བྱའོ། །
D479.084.0132a02.01རྫུ་འཕྲུལ་གྱི་དངོས་གྲུབ་ནི་རྣམ་པ་བཞི་ཡོད་དེ། དེ་ནི་འདི་ལྟར་ཆུའི་སྟེང་ནས་ཕར་འགྲོ་ཞིང་འདུག་པ་ལ་སོགས་པ་དང་། དེ་བཞིན་གཤེགས་པ་ལ་སོགས་པ་ཐམས་ཅད་ཀྱི་གཟུགས་སྟོན་པ་དང་། ཇི་སྲིད་དུ་དགའ་བ་དེ་སྲིད་དུ་མི་སྣང་བར་འགྱུར་བ་དང་། ནམ་མཁའ་ལ་འགྲོ་བ་
D479.084.0132a03.01དང་། དཔག་ཚད་སྟོང་གི་སྟེང་དུ་ལྡིང་བ་དང་། འོག་ཏུ་འགྲོ་ཞིང་འོང་བ་དང་། ཕྱོགས་ཐམས་ཅད་དུ་དཔག་ཚད་སྟོང་དུ་ཅི་དགའ་བར་སོང་ལ་བསྐོར་ཏེ་སླར་འོང་བ་དང་། དཔག་ཚད་སྟོང་ཁོར་ཁོར་ཡུག་གི་སེམས་ཅན་ཐམས་ཅད་ཀྱི་བསམ་པ་ཤེས་པ་དང་། དངོས་པོ་ཐམས་
D479.084.0132a04.01ཅད་མིག་གིས་མཐོང་ཞིང་རྣ་བས་ཐོས་པ་དང་། ཕྱོགས་ཐམས་ཅད་དུ་དཔག་ཚད་སྟོང་ཁོར་ཡུག་ན་གནས་པའི་བུད་མེད་ཐམས་ཅད་ཅི་དགའ་བར་འཕང་དུ་བླངས་ཏེ་འདུག་པ་དང་། གསེར་དང་། ནོར་བུ་དང་། མུ་ཏིག་ལ་སོགས་པའི་དབྱིག་ཐམས་ཅད་དང་། ནོར་ཐམས་ཅད་
D479.084.0132a05.01ཕྲོགས་ནས་ཀྱང་སུས་ཀྱང་ཅུང་ཟད་ཀྱང་བརྒལ་མི་ནུས་ཏེ། བདག་གི་རྡོ་རྗེས་ཀྱང་མི་ཐུབ་པར་འགྱུར་ན། གཞན་གྱིས་ལྟ་སྨོས་ཀྱང་ཅི་དགོས། སྐྱེས་བུ་སྟོང་ཕྲག་བཅུ་བསྡམས་པའི་སྟོབས་དང་ལྡན་པ་དང་། རྟག་ཏུ་ནད་མེད་པ་དང་ལྡན་པ་དང་། རྟག་ཏུ་འདོད་པ་ཐམས་ཅད་ལོངས་
D479.084.0132a06.01སྤྱོད་པ་དང་ལྡན་པ་དང་། རྟག་ཏུ་དར་ལ་བབ་ཅིང་ལྷའི་གཟུགས་དང་ལྡན་པ་དང་། རྡོ་རྗེ་སེམས་དཔའ་དང་བཅས་པའི་དེ་བཞིན་གཤེགས་པ་ཐམས་ཅད་མཐོང་ཞིང་རྡོ་རྗེའི་དངོས་གྲུབ་བླ་ན་མེད་པས་མཆོད་པ་བྱེད་ཅིང་ལོ་སྟོང་ཕྲག་བཅུ་བཞིའི་བར་འཚོ་བར་འགྱུར་རོ་ཞེས་བཅོམ་ལྡན་འདས་
D479.084.0132a07.01