完整藏文原文 · 德格版页 当前仅加载第 84 函德格 122b 版页；藏文 NFD、目录标记与异常页序保留在来源切片中，重复版页行以稳定序号区分。
འདི་སྐད་ཅེས་གསོལ་ཏོ། །བཅོམ་ལྡན་འདས་འདི་ཡང་བདག་གིས་ཡོངས་སུ་གཟུང་ཞིང་བྱིན་གྱིས་བརླབས་སོ། །དེ་ནས་ཡང་དེ་བཞིན་གཤེགས་པ་ཐམས་ཅད་གཅིག་ཏུ་འདུས་ནས། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོ་ཕྱག་ན་རྡོ་རྗེ་ལ་ལེགས་སོ་ཞེས་
D479.084.0122b01.01བྱ་བ་བྱིན་ནོ། །རྡོ་རྗེ་ཐེག་པ་བླ་ན་མེད། །དེ་བཞིན་གཤེགས་པ་ཀུན་གྱི་གསང་། །ཐེག་པ་ཆེན་པོ་མངོན་འདུས་པའི། །མདོ་འདི་ལེགས་པར་བཤད་པས་ན། །ལེགས་སོ་རྡོ་རྗེ་སེམས་དཔའ་ཁྱོད། །རྡོ་རྗེ་རིན་ཆེན་ཁྱོད་ལེགས་སོ། །རྡོ་རྗེ་ཆོས་ཁྱོད་ལེགས་པ་སྟེ། །རྡོ་རྗེ་ལས་ནི་
D479.084.0122b02.01ཁྱོད་ལེགས་སོ། །དེ་བཞིན་གཤེགས་པ་ཐམས་ཅད་ཀྱི་དེ་ཁོ་ན་ཉིད་བསྡུས་པ་ལས་རིགས་ཐམས་ཅད་ཀྱི་རྟོག་པ་གསང་བའི་ཆོ་ག་རྒྱས་པའི་རྒྱུད་རྫོགས་{སྷོ,སོ}།། །།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་ཆོས་དམ་པའི་
D479.084.0122b03.01དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་ཆོས་དམ་པའི་དངོས་གྲུབ་ཀྱི་རྒྱུད་དེ། སངས་རྒྱས་རྗེས་སུ་དྲན་ཚུལ་གྱིས། །སངས་རྒྱས་ཆོས་ཀྱི་ཏིང་འཛིན་ནི། །མཉམ་པར་བཞག་པས་བསྒོམས་ན་ཡང་། །བླ་མེད་དངོས་གྲུབ་ཐོབ་པར་འགྱུར། །
D479.084.0122b04.01ཞེས་བཅོམ་ལྡན་འདས་དེ་བཞིན་གཤེགས་པས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་ཆོས་དམ་པའི་དངོས་གྲུབ་ཀྱི་རྒྱུད་དེ། ཆགས་པས་རྗེས་སུ་དྲན་ཚུལ་གྱིས། །སེམས་དཔའ་ཐམས་ཅད་ཏིང་འཛིན་གནས། །རབ་མཉམ་བཞག་པས་བསྒོམས་ན་ནི། །
D479.084.0122b05.01དངོས་གྲུབ་དམ་པ་ཐོབ་པར་འགྱུར། །ཞེས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་ཏིང་ངེ་འཛིན་གྱིས་གསུངས་སོ། །དེ་ལ་འདི་ནི་རྡོ་རྗེའི་རིགས་ཀྱི་ཆོས་དམ་པའི་དངོས་གྲུབ་ཀྱི་རྒྱུད་དེ། ཁམས་གསུམ་རྣམ་རྒྱལ་ཆ་ལུགས་སུ། །བསྒོམས་ནས་མདུན་དང་དེ་བཞིན་
D479.084.0122b06.01ཏེ། །ཕྱག་ན་རྡོ་རྗེའི་མཐུར་གྱུར་ནས། །ཁམས་གསུམ་རྣམ་པར་རྒྱལ་བར་འགྱུར། །ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །དེ་ལ་འདི་ནི་པདྨའི་རིགས་ཀྱི་ཆོས་དམ་པའི་དངོས་གྲུབ་ཀྱི་རྒྱུད་དེ། འགྲོ་བ་འདུལ་བའི་ཆོས་སུ་ནི། །བསྒོམས་ནས་མདུན་དུ་དེ་བཞིན་ཏེ། །
D479.084.0122b07.01