完整藏文原文 · 德格版页 当前仅加载第 84 函德格 47b 版页；藏文 NFD、目录标记与异常页序保留在来源切片中，重复版页行以稳定序号区分。
ཆེན་པོ་ཕྱག་ན་རྡོ་རྗེས་སེམས་ཅན་ཐམས་ཅད་ཀྱི་ཁམས་མ་ལུས་ཤིང་ལུས་པ་མེད་པ་རྣམས་ཡོངས་སུ་བསྐྱབ་པ་དང་། ཕན་པ་དང་། བདེ་བ་དང་། ཡིད་བདེ་བ་ཐམས་ཅད་མྱོང་བར་བྱ་བ་ནས། དེ་བཞིན་གཤེགས་པ་ཐམས་ཅད་ཀྱི་དངོས་གྲུབ་དམ་པ་འགྲུབ་པར་བྱ་བའི་བར་དུ། ཐེག་པ་ཆེན་པོ་
D479.084.0047b01.01མངོན་པར་རྫོགས་པའི་དཀྱིལ་འཁོར་འདི་བཤད་དོ། །དེ་ནས་རབ་ཏུ་བཤད་བྱ་བ། །སེམས་དཔའི་དཀྱིལ་འཁོར་དམ་པ་སྟེ། །རྡོ་རྗེ་དབྱིངས་དང་འདྲ་བས་ན། །རྡོ་རྗེ་སེམས་དཔའ་ཞེས་ཀྱང་བཤད། །དཀྱིལ་འཁོར་ཆེན་པོའི་ཚུལ་དུ་ནི། །དཀྱིལ་འཁོར་ཕྱི་རིམ་ཐིག་གདབ་པོ། །ཟླ་བའི་
D479.084.0047b02.01དཀྱིལ་འཁོར་དབུས་སུ་ནི། །རྡོ་རྗེ་སེམས་དཔའ་གཞག་པར་བྱ། །དེ་ནས་དགུག་པ་དང་གཞུག་པ་ལ་སོགས་པ་ཇི་ལྟ་བ་བཞིན་དུ་བྱས་ཏེ། དེ་བཞིན་གཤེགས་པ་ཐམས་ཅད་ཀྱི་དངོས་གྲུབ་ཐོབ་པའི་ཡེ་ཤེས་བསྐྱེད་པར་བྱའོ། །དེ་ལ་འདི་སྐད་དུ་ཁྱོད་ཀྱིས་དམ་ཚིག་མ་མཐོང་བ་དང་། ཁོང་དུ་
D479.084.0047b03.01མ་ཆུད་པ་སུ་ལ་ཡང་གསང་བ་འདི་མ་སྨྲ་ཤིག །ཁྱོད་ངན་སོང་ཐམས་ཅད་དུ་ལྟུང་བའམ། མི་བདེ་བ་མ་སྤངས་པས་དུས་མ་ཡིན་པར་ཤི་བར་གྱུར་ཏ་རེ་ཞེས་བསྒོ་བར་བྱའོ། །དེ་ནས་རྡོ་རྗེ་སེམས་དཔའི་དངོས་གྲུབ་དམ་པ་བསྒྲུབ་པའི་ཡེ་ཤེས་བསླབ་པར་བྱའོ། །ཟླ་བ་རྒྱས་ལ་འདུག་ནས་ཀྱང་། །
D479.084.0047b04.01ཕྱག་རྒྱ་ཆེན་པོ་གཟུང་བྱས་ནས། །བདག་ཉིད་རྡོ་རྗེ་སེམས་དཔར་ནི། །བསྒོམས་ན་མྱུར་དུ་འགྲུབ་པར་འགྱུར། །དེ་ནས་དཀྱིལ་འཁོར་ཐམས་ཅད་ཀྱི་གསང་བའི་དམ་ཚིག་གི་ཡེ་ཤེས་བསླབ་པར་བྱའོ། །འདོད་ཆགས་བྲལ་བའི་སྡིག་ལྟ་བུ། །ཁམས་གསུམ་ན་ནི་གཞན་མེད་དེ། །དེ་བས་འདོད་པའི་
D479.084.0047b05.01ཆགས་བྲལ་བར། །ཁྱོད་ཀྱིས་ཀྱང་ནི་མ་བྱེད་ཅིག །མ་ཧཱ་ས་མ་ཡ་ཧ་ན་ཕཊ། དེ་ནས་མནའི་སྙིང་པོ་འདི་སྦྱིན་ནོ། །དེ་ནས་དེ་བཞིན་གཤེགས་པ་ཐམས་ཅད་ཀྱི་དཀྱིལ་འཁོར་གྱི་ཆོ་ག་རྒྱས་པ་རྣམས་སུ་དམ་ཚིག་གི་སྡོམ་པ་སྦྱིན་པར་བྱའོ། །དེ་ནས་རྡོ་རྗེ་སེམས་དཔའི་ཕྱག་རྒྱ་ཆེན་པོ་
D479.084.0047b06.01ལ་སོགས་པ་བཞི་བཅིང་བ་བསླབ་པར་བྱའོ། །དངོས་གྲུབ་ཀྱང་དེ་བཞིན་ནོ། །རི་མོ་ལ་སོགས་པ་དང་། ལུགས་མའི་སྐུ་གཟུགས་ཐམས་ཅད་ལ་ཡང་ཇི་ལྟར་འདོད་པའི་ཆོ་ག་བཞིན་དུ་བྱས་ནས། དངོས་གྲུབ་ཐམས་ཅད་ཀྱང་དེ་བཞིན་དུ་འགྲུབ་པར་འགྱུར་རོ། །རྡོ་རྗེ་དབྱིངས་ཀྱི་དཀྱིལ་
D479.084.0047b07.01