完整藏文原文 · 德格版页 当前仅加载第 84 函德格 40b 版页；藏文 NFD、目录标记与异常页序保留在来源切片中，重复版页行以稳定序号区分。
ཧཱ་ས། དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་དབང་བསྐུར་བའི་ཡེ་ཤེས་ཀྱི་ཕྱག་རྒྱ་དང་། འོད་ཆེན་པོའི་དཀྱིལ་འཁོར་གྱི་རྒྱན་ཡེ་ཤེས་ཀྱི་ཕྱག་རྒྱ་དང་། དེ་བཞིན་གཤེགས་པ་ཐམས་ཅད་ཀྱི་རེ་བ་རྫོགས་པར་བྱེད་པའི་ཡེ་ཤེས་ཀྱི་ཕྱག་རྒྱ་དང་། དེ་བཞིན་གཤེགས་པ་ཐམས་ཅད་
D479.084.0040b01.01ཀྱི་དགའ་བའི་ཤུགས་འབྱུང་བའི་ཡེ་ཤེས་ཀྱི་ཕྱག་རྒྱ་སྟེ། དེ་བཞིན་གཤེགས་པ་ཐམས་ཅད་ཀྱི་རིན་པོ་ཆེའི་ཏིང་ངེ་འཛིན་ཏོ། །དེ་ནས་ཡང་ཕྱག་ན་རྡོ་རྗེས་ཡེ་ཤེས་ཕྲ་མོ་འཇུག་པའི་ཚུལ་གྱིས་རང་གི་སྙིང་གར་རྡོ་རྗེ་སྙིང་པོར་ཞུགས་ནས། རྡོ་རྗེའི་དབྱིབས་སུ་བདག་བྱིན་གྱིས་བརླབས་ནས་
D479.084.0040b02.01བཞུགས་སོ། །དེ་ནས་རྡོ་རྗེའི་དབྱིབས་དེ་ལས་སྙིང་པོ་འདི་བཞི་བྱུང་ངོ་། །བཛྲ་པདྨ་ཨཱ་ཏྨ་ཀ། ཧྲྀད་ཡ་བཛྲ་ཀོ་ཥ། ཏིཥྛ་བཛྲ་ཙདཀྲ་ཧྲྀད་ཡཾ་པྲ་བེ་ཤ། བཛྲ་ཛི་ཏྭཱ་གྲ་ཧྲྀ་ད་ཡ། ཆོས་ཐམས་ཅད་མཉམ་པ་ཉིད་ཀྱི་ཡེ་ཤེས་ཀྱི་ཕྱག་རྒྱ་དང་། དེ་བཞིན་གཤེགས་པ་ཐམས་ཅད་ཀྱི་ཤེས་རབ་ཀྱི་ཡེ་ཤེས་
D479.084.0040b03.01ཀྱི་ཕྱག་རྒྱ་དང་། འཁོར་ལོ་ཆེན་པོར་འཇུག་པའི་ཡེ་ཤེས་ཀྱི་ཕྱག་རྒྱ་དང་། དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་ཚིག་སྤྲོས་པ་མེད་པའི་ཡེ་ཤེས་ཀྱི་ཕྱག་རྒྱ་སྟེ། དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་ཏིང་ངེ་འཛིན་ཏོ། །དེ་ནས་ཡང་ཕྱག་ན་རྡོ་རྗེས་རང་གི་སྙིང་པོ་རྡོ་རྗེ་
D479.084.0040b04.01ཐུགས་ཀའི་རྡོ་རྗེ་ལས་བྱུང་ནས། ཡེ་ཤེས་ཕྲ་མོར་འཇུག་པའི་ཚུལ་གྱིས་རྡོ་རྗེ་ཐུགས་དེར་ཞུགས་ནས་རྡོ་རྗེ་ཤིན་ཏུ་ཕྲ་མོའི་དབྱིབས་སུ་བདག་བྱིན་གྱིས་བརླབས་ཏེ་བཞུགས་སོ། །དེ་ནས་རྡོ་རྗེ་ཕྲ་མོའི་དབྱིབས་དེ་ལས་སྙིང་པོ་འདི་བཞི་བྱུང་ངོ་། །སརྦྦ་བཛྲ་ཨཱ་ཏྨ་ཀ་ཧྲྀ་ད་ཡ་བཛྲ་ཀ་བ་ཙ།
D479.084.0040b05.01ཏིཥྵ་བཛྲ་རཀྵ་ཧྲྀ་ད་ཡ། བཛྲ་མུཥྚི་ཧྲྀ་ད་ཡ། དེ་བཞིན་གཤེགས་པ་ཐམས་ཅད་ཀྱི་ལས་ཀྱི་ཡེ་ཤེས་ཀྱི་ཕྱག་རྒྱ་དང་། ཐུབ་དཀའི་བརྩོན་འགྲུས་ཀྱི་ཡེ་ཤེས་ཀྱི་ཕྱག་རྒྱ་དང་། བདུད་ཐམས་ཅད་ཀྱི་དཀྱིལ་འཁོར་འཇོམས་པའི་ཡེ་ཤེས་ཀྱི་ཕྱག་རྒྱ་དང་། དེ་བཞིན་གཤེགས་པ་ཐམས་ཅད་
D479.084.0040b06.01འཆིང་བའི་ཡེ་ཤེས་ཀྱི་ཕྱག་རྒྱ་སྟེ། དེ་བཞིན་གཤེགས་པ་ཐམས་ཅད་ཀྱི་ལས་ཀྱི་ཏིང་ངེ་འཛིན་ཏོ། །དེ་ཡང་བཅོམ་ལྡན་འདས་ཕྱག་ན་རྡོ་རྗེས་ཡེ་ཤེས་ཕྲ་མོའི་མཚན་མས་ཁྱབ་པའི་ཚུལ་གྱིས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་བྱུང་སྟེ། བྱང་ཆུབ་སེམས་དཔའ་ཕྱག་ན་རྡོ་
D479.084.0040b07.01