完整藏文原文 · 德格版页 当前仅加载第 84 函德格 62a 版页；藏文 NFD、目录标记与异常页序保留在来源切片中，重复版页行以稳定序号区分。
རིག་པ་དམ་པ་ཐམས་ཅད་ཀྱི། །འཇིག་རྟེན་གསུམ་ལས་རྒྱལ་ཞེས་བཤད། །ཐམས་ཅད་ཀྱང་ནི་གནོད་པ་སྟེ། །དེ་བཞིན་ལས་རྣམས་ཐམས་ཅད་བྱེད། །རྡོ་རྗེ་མཛུབ་སོར་གཉིས་ལེགས་པར། །རབ་མཉམ་བཞག་པས་མཉམ་ནས་ནི། །ཤི་བ་ཐམས་ཅད་སློང་བ་
D479.084.0062a01.01སྟེ། །རྡོ་རྗེ་སློང་བ་ཞེས་བྱའོ། །རྡོ་རྗེ་གཉིས་ཀ་ལེགས་པར་ནི། །རྡོ་རྗེ་བཅིང་བས་བཅིངས་ནས་སུ། །བཟློག་སྟེ་གཙུག་ཏུ་བཞག་པ་ནི། །ཚེ་དང་ནད་མེད་འཕེལ་བའོ། །རྡོ་རྗེ་བཅིང་བ་དམ་བྱས་ཏེ། །མཐེ་བོ་བསྙམས་ནས་ནང་དུ་གཞུག །མཛུབ་མོ་དམ་པོར་བཀུག་ནས་སུ། །བཅུག་
D479.084.0062a02.01པ་རྐང་པར་འགུགས་པའོ། །འཇིག་རྟེན་གསུམ་རྒྱལ་བཅིངས་ནས་སུ། །གང་གི་གཟུགས་ལ་རྐང་གཡོན་པས། །ལེགས་པར་མནན་པའི་སེམས་ཅན་དེ། །ཟླ་བ་ཕྱེད་ཀྱིས་གྲུབ་པར་འགྱུར། །རྡོ་རྗེ་ཕྱག་རྒྱ་གཉིས་བཅིངས་ཏེ། །གཅིག་ལ་གཅིག་ནི་བརྡབས་ན་ནི། །སེམས་ཅན་
D479.084.0062a03.01གང་གི་ལུས་ལ་ནི། །བབས་ན་དེ་ཡང་རྡོབ་པར་བྱེད། །རྡོ་རྗེ་ཕྱག་རྒྱ་གཉིས་བཅིངས་ཏེ། །བདག་གམ་ཕ་རོལ་གོ་ཆར་བྱ། །མཛུབ་མོ་གཉིས་ཀྱིས་བཅིངས་བྱས་ན། །ངེས་པ་ཉིད་དུ་སྲུང་བར་འགྱུར། །རྡོ་རྗེ་མཐིལ་དུ་བཅིངས་ནས་ཀྱང་། །ཡིད་ཀྱིས་ཁྲོས་ནས་དགབ་བྱ་བ། །མཐེ་བོ་རྡོ་
D479.084.0062a04.01རྗེ་དམ་པོ་སྟེ། །རྡོ་རྗེ་རིགས་ཆེན་གྲུབ་པར་འགྱུར། །སེམས་དཔའ་རྡོ་རྗེ་སྲར་བྱ་སྟེ། །མཐེ་བོ་གཉིས་ཀས་གུང་མོ་མནན། །མཐེའུ་ཆུང་རྡོ་རྗེ་རྩེ་མོ་ནི། །རྣོན་པོར་དམ་ཚིག་འཛིན་པའོ། །རྡོ་རྗེ་ཕྱག་རྒྱ་གཉིས་བཅིངས་ཏེ། །མཛུབ་མོ་གཉིས་བཀུག་བཅིངས་ནས་སུ། །གཅུ་ཞིང་ཕྱིར་གཅུ་
D479.084.0062a05.01བྱས་པ་ནི། །ལྷ་དགུག་པ་ཡི་དམ་པ་ཡིན། །རྡོ་རྗེ་བཅིང་བ་དམ་བྱས་ཏེ། །མཛུབ་མོ་གཉིས་བཀུག་རབ་ཏུ་མནན། །མཐེ་བོ་གཉིས་ཀ་སྦྱར་བ་ཡིས། །དབུས་སུ་བཅིང་བ་བར་སྣང་གིའོ། །རྡོ་རྗེ་ཕྱག་རྒྱ་གཉི་ག་ལས། །མཐེའུ་ཆུང་གཉི་ག་བཅིངས་ནས་སུ། །རྒྱབ་སྦྱོར་མཛུབ་མོ་གཉིས་སྦྲེལ་ཏེ། །
D479.084.0062a06.01བསྒྱུར་བ་མཁའ་ལ་སྤྱོད་པའིའོ། །རྡོ་རྗེ་བཅིངས་པ་བསྡམས་ནས་སུ། །རྡོ་རྗེ་སྲུང་བས་བཅིང་བར་བྱ། །དེ་ནི་ས་པའི་དམ་ཚིག་སྟེ། །ཐམས་ཅད་བྱེད་པས་འདའ་བར་དཀའ། །རྡོ་རྗེ་ཕྱག་རྒྱ་གཉིས་བཅིངས་ཏེ། །གཡོན་པའི་རྡོ་རྗེ་མཛུབ་མོ་ལ། །མཐེའུ་ཆུང་འཁྱུད་ཅིང་རྟག་ཏུ་གཏོགས། །
D479.084.0062a07.01