完整藏文原文 · 德格版页 当前仅加载第 84 函德格 109a 版页；藏文 NFD、目录标记与异常页序保留在来源切片中，重复版页行以稳定序号区分。
པོ་བཅིངས་ནས་ནི། །རང་གི་ལུས་ལ་ཇི་ལྟར་ཤེས། །དེ་ལྟར་འགྲོ་བའི་ཡིད་ཤེས་སོ། །དེ་ལ་འདི་ནི་རྡོ་རྗེའི་རིགས་ཀྱི་ཡེ་ཤེས་ཀྱི་དངོས་གྲུབ་ཀྱི་རྒྱུད་དེ། ནམ་མཁའ་འམ་ནི་ཕྱོགས་གཞན་དུ། །འཕྲོས་པར་གྱུར་ནས་དཀྱིལ་འཁོར་ནི། །ཇི་ལྟ་བུར་ཡང་མཐོང་
D479.084.0109a01.01འགྱུར་བ། །དེ་ལྟ་བུར་ནི་ཡིད་ཤེས་སོ། །དེ་ལ་འདི་ནི་པདྨའི་རིགས་ཀྱི་ཡེ་ཤེས་ཀྱི་དངོས་གྲུབ་ཀྱི་རྒྱུད་དེ། ནམ་མཁའ་འམ་ས་ཕྱོགས་ཕྲ་མོའམ། །ཡི་གེ་ཕྲེང་བ་མཐོང་གྱུར་ན། །མདོར་ན་ཁ་དོག་ཅི་འདྲ་བར། །ཤེས་པ་དེ་འདྲར་དེས་སེམས་ཤེས། །དེ་ལ་འདི་ནི་ནོར་བུའི་རིགས་ཀྱི་
D479.084.0109a02.01ཡེ་ཤེས་ཀྱི་དངོས་གྲུབ་ཀྱི་རྒྱུད་དེ། འཇིག་རྟེན་ཀུན་ལ་བལྟས་ནས་ཀྱང་། །ཇི་ལྟ་བུར་ནི་སྣང་གྱུར་ཅིང་། །མཐོང་བར་གྱུར་ན་དེ་འདྲ་བར། །འགྲོ་བའི་སེམས་ནི་ཤེས་པར་བྱ། །དེ་གཉིས་སྙོམས་པར་ཞུགས་ནས་ནི། །འགྲོ་བ་དང་ནི་འོང་བ་དང་། །བྱེད་པ་དང་ནི་འཆགས་པའང་རུང་། །
D479.084.0109a03.01ཇི་ལྟར་མཐོང་བ་དེ་ལྟར་རྟོགས། །སྙོམས་པར་ཞུགས་ནས་བསམས་ན་ནི། །སེམས་ཅན་གང་དང་གང་ཡིན་པའི། །དེ་དང་དེ་ནི་དེ་བཞིན་དུ། །སེམས་ཅན་ཐམས་ཅད་རྟོགས་པར་འགྱུར། །ཞེས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། །རིགས་ཐམས་ཅད་ཀྱི་ཡེ་ཤེས་ཀྱི་ཆོ་ག་རྒྱས་པའི་
D479.084.0109a04.01རྒྱུད་དོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་དངོས་གྲུབ་ཀྱི་ཡེ་ཤེས་ཀྱི་ཆོ་ག་རྒྱས་པའི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པའི་དངོས་གྲུབ་ཀྱི་ཡེ་ཤེས་ཀྱི་རྒྱུད་དེ། སེམས་དཔའ་བྱིན་གྱིས་བརླབས་ཚུལ་གྱིས། །
D479.084.0109a05.01སངས་རྒྱས་གཟུགས་སུ་བདག་བསྒོམས་ན། །ཡེ་ཤེས་ཀྱི་ནི་ཚུལ་དེ་ཡིས། །སངས་རྒྱས་དངོས་གྲུབ་ཐོབ་པར་འགྱུར། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་དངོས་གྲུབ་ཀྱི་ཡེ་ཤེས་ཀྱི་རྒྱུད་དེ། ནམ་མཁའ་འམ་ནི་ཕྱོགས་གཞན་དུ། །དཀྱིལ་འཁོར་འདི་ནི་སེར་སྐྱ་མཐོང་། །
D479.084.0109a06.01སེམས་དཔའ་ཉིད་ནི་ཕྱག་རྒྱ་ཉིད། །མངོན་སུམ་དུ་ནི་མཐོང་འགྱུར་ནའོ། །དེ་ལ་འདི་ནི་རྡོ་རྗེའི་རིགས་ཀྱི་དངོས་གྲུབ་ཀྱི་ཡེ་ཤེས་ཀྱི་རྒྱུད་དོ། །དེ་ལྟ་བུའི་དབྱིབས་གྱུར་པ་ཡི། །དབུས་ན་སྔོ་བསངས་སྣང་ན་ནི། །རྡོ་རྗེ་རིགས་མཆོག་དངོས་གྲུབ་འཐོབ། །དེ་ལ་འདི་ནི་པདྨའི་རིགས་ཀྱི་དངོས་གྲུབ་
D479.084.0109a07.01