完整藏文原文 · 德格版页 当前仅加载第 84 函德格 33b 版页；藏文 NFD、目录标记与异常页序保留在来源切片中，重复版页行以稳定序号区分。
མི་གཡོ་བ་ཡི་བཅིངས་བས་ནི། །ཡིད་ནི་གཡོ་བ་མེད་པར་འགྱུར། །རིན་ཆེན་འབྱུང་བའི་ཕྱག་རྒྱ་ཡིས། །གཞན་ལ་ཕན་པར་བྱེད་པར་འགྱུར། །དམ་ཆོས་འཁོར་ལོའི་ཕྱག་རྒྱས་ནི། །ཆོས་ཀྱི་འཁོར་ལོ་བསྐོར་བར་འགྱུར། །མི་འཇིགས་མཆོག་གིས་མྱུར་བར་ནི། །སེམས་
D479.084.0033b01.01ཅན་ཀུན་ལ་མི་འཇིགས་སྦྱིན། །རྡོ་རྗེ་འགྱིང་བ་བརྟན་བྱས་པས། །རྡོ་རྗེ་སེམས་དཔའི་བདེ་བ་རྙེད། །རྡོ་རྗེ་ལྕགས་ཀྱུས་སྐད་ཅིག་ཏུ། །དེ་བཞིན་གཤེགས་པ་ཀུན་ཀྱང་དགུག །བདག་གིས་མདའ་ཡི་ཕྱག་རྒྱ་ཡིས། །རྡོ་རྗེ་ལྷ་མོ་མཉེས་པར་བྱེད། །རྡོ་རྗེ་དགའ་བས་
D479.084.0033b02.01རྒྱལ་བ་ཀུན། །ལེགས་སོ་ཞེས་པའི་ཚིག་ཀྱང་སྦྱིན། །རྡོ་རྗེ་ཆེན་པོའི་ནོར་བུ་བཅིངས། །སྟོན་པ་རྣམས་ཀྱིས་དེ་དབང་བསྐུར། །རྡོ་རྗེ་ཉི་མ་བཅིངས་བས་ནི། །རྡོ་རྗེ་ཉི་མ་འདྲ་བར་འགྱུར། །རྡོ་རྗེ་རྒྱལ་མཚན་བསྒྲེང་བས་ནི། །དེ་ནི་རིན་ཆེན་ཆར་ཡང་འབེབས། །རྡོ་རྗེ་
D479.084.0033b03.01འཛུམ་པ་བཅིངས་པས་ནི། །སངས་རྒྱས་འདྲ་བར་མྱུར་བཞད་འགྱུར། །རྡོ་རྗེ་མེ་ཏོག་བཅིངས་པས་ན། །དེ་ཡིས་རྡོ་རྗེ་ཆོས་རྣམས་མཐོང་། །རྡོ་རྗེ་རལ་གྲི་བརྟན་བཅིངས་ན། །དེ་ནི་སྡུག་བསྔལ་ཐམས་ཅད་གཅོད། །རྡོ་རྗེ་འཁོར་ལོ་བཅིངས་པས་ནི། །ཆོས་ཀྱི་འཁོར་ལོ་
D479.084.0033b04.01བསྐོར་བར་འགྱུར། །སངས་རྒྱས་ཀུན་གྱི་ཚིག་རྣམས་ནི། །རྡོ་རྗེ་བཟླས་པས་འགྲུབ་པར་འགྱུར། །རྡོ་རྗེ་གར་གྱི་མཆོད་པ་ཡིས། །སངས་རྒྱས་ཀྱང་ནི་དབང་དུ་འགྱུར། །རྡོ་རྗེ་གོ་ཆས་ལུས་བཅིངས་པས། །རྡོ་རྗེ་སྙིང་པོ་ཐོབ་པར་འགྱུར། །རྡོ་རྗེ་མཆེ་བ་བཅིངས་པས་
D479.084.0033b05.01ནི། །རྡོ་རྗེ་ཉིད་ཀྱང་བདག་གིས་ཆོམས། །རྡོ་རྗེ་ཁུ་ཚུར་ཀུན་འཕྲོག་ཅིང་། །ཕྱག་རྒྱ་གྲུབ་པ་ཀུན་ཀྱང་རྙེད། །རྡོ་རྗེ་འཛིན་པས་དགའ་བ་སྦྱིན། །རྡོ་རྗེ་ཕྲེང་བས་གཟུགས་བཟང་བ། །རྡོ་རྗེ་གླུ་ཡིས་གླུ་སྙན་པ། །རྡོ་རྗེ་གར་གྱིས་དབང་དུ་བྱེད། །བདུག་པ་ཡིས་ནི་ཡིད་དགའ་
D479.084.0033b06.01བ། །མེ་ཏོག་གིས་ནི་རྒྱན་རྣམས་ཏེ། །མར་མེ་ཡིས་ནི་གཟི་ཆེན་པོ། །རྡོ་རྗེ་དྲི་ནི་དྲི་རབ་ལྡན། །རྡོ་རྗེ་ལྕགས་ཀྱུ་འགུགས་པ་སྟེ། །རྡོ་རྗེ་ཞགས་པ་འཇུག་པའོ། །རྡོ་རྗེ་ལྕགས་སྒྲོག་འཆིང་བར་བྱེད། །རྡོ་རྗེ་དྲིལ་བུ་བསྐྱོད་པའོ། །དེ་ནས་ཕྱག་རྒྱ་ཐམས་ཅད་ཀྱི་སྤྱིའི་ཕྱག་རྒྱ་
D479.084.0033b07.01