完整藏文原文 · 德格版页 当前仅加载第 84 函德格 120b 版页；藏文 NFD、目录标记与异常页序保留在来源切片中，重复版页行以稳定序号区分。
གསུངས་སོ། །དེ་ལ་འདི་ནི་པདྨའི་རིགས་ཀྱི་མཆོད་པའི་དངོས་གྲུབ་གསང་བའི་རྒྱུད་དེ། འཇིག་རྟེན་དབང་པོར་བདག་བསྒོམས་ལ། །སྡུག་པའི་གདོང་དུ་བལྟས་ནས་ནི། །བལྟས་པར་གྱུར་པའི་བདེ་བ་དེ། །ཕུལ་ན་དེ་ནི་འགྲུབ་པར་འགྱུར། །ཞེས་བཅོམ་ལྡན་འདས་པདྨའི་སྤྱན་གྱིས་
D479.084.0120b01.01གསུངས་སོ། །དེ་ལ་འདི་ནི་ནོར་བུའི་རིགས་ཀྱི་མཆོད་པའི་དངོས་གྲུབ་གསང་བའི་རྒྱུད་དེ། ལས་ཀྱི་ཕྱག་རྒྱ་བཅིངས་འགྱུར་ལ། །རྒྱན་རྣམས་ཀུན་གྱིས་བརྒྱན་ནས་ཀྱང་། །བུད་མེད་འཁྱུད་པའི་ལོངས་སྤྱོད་ནི། །མཆོད་ཕྱིར་ཕུལ་ན་འགྲུབ་པར་འགྱུར། །ཞེས་བཅོམ་ལྡན་འདས་རྡོ་རྗེ་
D479.084.0120b02.01རིན་ཆེན་གྱིས་གསུངས་སོ། །རིགས་ཐམས་ཅད་ཀྱི་མཆོད་པའི་དངོས་གྲུབ་གསང་བའི་ཆོ་ག་རྒྱས་པའི་རྒྱུད་དོ། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་གསང་བའི་མཆོད་པའི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་
D479.084.0120b03.01གཤེགས་པའི་རིགས་ཀྱི་གསང་བའི་མཆོད་པའི་དངོས་གྲུབ་ཀྱི་རྒྱུད་དེ། སངས་རྒྱས་སུ་ནི་བདག་བསྒོམས་ལ། །ཅི་ནས་སུས་ཀྱང་མི་ཚོར་བར། །གཞན་གྱི་བུད་མེད་རྩེ་བྱེད་ན། །མཆོད་པའི་དངོས་གྲུབ་ཐོབ་པར་འགྱུར། །ཞེས་སངས་རྒྱས་བཅོམ་ལྡན་འདས་ཀྱིས་གསུངས་སོ། །
D479.084.0120b04.01དེ་ལ་འདི་ནི་དེ་བཞིན་གཤེགས་པའི་གསང་བའི་མཆོད་པའི་རྒྱུད་དེ། རྡོ་རྗེ་འཇོ་མ་བྱས་ནས་ཀྱང་། །རྡོ་རྗེ་ཕྲེང་བ་འཆིང་བྱེད་ཅིང་། །དེ་ནས་རྡོ་རྗེ་གླུ་བླངས་ལ། །རྡོ་རྗེ་གར་གྱིས་མཆོད་བྱས་ལ། །འདོད་པའི་དགའ་བས་དབང་བསྐུར་མཆོག །གླུ་དང་གར་གྱི་བདེ་བ་ལས། །བདེ་བ་
D479.084.0120b05.01གཞན་གྱིས་མྱོང་མིན་ཏེ། །དེ་ཕྱིར་གསང་མཆོག་འདི་བླ་མེད། །དེ་ལ་འདི་ནི་རྡོ་རྗེའི་རིགས་ཀྱི་གསང་བའི་མཆོད་པའི་དངོས་གྲུབ་ཀྱི་རྒྱུད་དེ། འཇིག་རྟེན་གསུམ་ལས་རྣམ་རྒྱལ་བསྒོམ། །ཆོ་ག་ཇི་བཞིན་ཚུལ་དུ་ཡང་། །གསང་བའི་མཆོད་པས་མཆོད་ན་ནི། །མཆོད་པའི་དངོས་གྲུབ་
D479.084.0120b06.01ཐོབ་པར་འགྱུར། །ཞེས་བཅོམ་ལྡན་འདས་རྡོ་རྗེ་གསང་བས་གསུངས་སོ། །དེ་ལ་འདི་ནི་པདྨའི་རིགས་ཀྱི་མཆོད་པའི་གསང་བའི་དངོས་གྲུབ་ཀྱི་རྒྱུད་དེ། འགྲོ་བ་འདུལ་བའི་ཕྱག་རྒྱར་གནས། །གསང་བའི་ཚུལ་ནི་ཅི་བཞིན་པར། །ལས་ཀྱི་ཕྱག་རྒྱས་རབ་མཆོད་ན། །མཆོད་པའི་
D479.084.0120b07.01