完整藏文原文 · 德格版页 当前仅加载第 84 函德格 118a 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་ཀྱི་ལས་ཀྱི་དངོས་གྲུབ་གསང་བའི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པའི་ལས་ཀྱི་དངོས་གྲུབ་གསང་བའི་རྒྱུད་དེ། རྡོ་རྗེ་སེམས་དཔའི་ཏིང་འཛིན་གྱིས། །སངས་རྒྱས་རྗེས་སུ་དྲན་བསྒོམས་ལ། །བུད་མེད་ལུགས་ཀྱི་བུ་གར་བླུགས། །
D479.084.0118a01.01བུད་མེད་རྣམས་ནི་དབང་དུ་འགྱུར། །ཞེས་བཅོམ་ལྡན་འདས་རྣམ་པར་སྣང་མཛད་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་ལས་ཀྱི་དངོས་གྲུབ་གསང་བའི་རྒྱུད་དེ། རྡོ་རྗེ་སེམས་དཔའི་ཏིང་འཛིན་གནས། །བུ་གནས་ནི་དེ་བཞིན་ཞུགས། །བུད་མེད་ལུས་སུ་ལེགས་
D479.084.0118a02.01ཁྱབ་བྱས། །སེམས་མེད་པ་ཡང་མགུ་བར་འགྱུར། །ཞེས་བཅོམ་ལྡན་འདས་རྡོ་རྗེ་དགྱེས་པས་གསུངས་སོ། །དེ་ལ་འདི་ནི་རྡོ་རྗེའི་རིགས་ཀྱི་ལས་ཀྱི་དངོས་གྲུབ་གསང་བའི་རྒྱུད་དེ། རྡོ་རྗེ་ཧཱུྃ་གི་ཕྱག་རྒྱ་ནི། །རབ་མཉམ་བཞག་པས་བཅིངས་ནས་ཀྱང་། །ཁྲོས་ནས་བུ་གར་ཞུགས་ན་
D479.084.0118a03.01ནི། །ཡིད་ཀྱིས་དེ་ནི་དབབ་པར་བྱ། །ཞེས་བཅོམ་ལྡན་འདས་རྡོ་རྗེ་དམ་ཚིག་གིས་གསུངས་སོ། །དེ་ལ་འདི་ནི་པདྨའི་རིགས་ཀྱི་ལས་ཀྱི་དངོས་གྲུབ་གསང་བའི་རྒྱུད་དེ། ཆོས་ཀྱི་ལས་ཀྱི་ཕྱག་རྒྱ་ནི། །བཅིངས་ནས་པདྨའི་ཏིང་འཛིན་གྱིས། །བུ་གར་བཅུག་ན་བུད་མེད་རྣམས། །ཐམས་ཅད་
D479.084.0118a04.01ཀྱང་ནི་བསྲུང་བར་འགྱུར། །ཞེས་བཅོམ་ལྡན་འདས་རྡོ་རྗེ་པདྨས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་ལས་ཀྱི་དངོས་གྲུབ་གསང་བའི་རྒྱུད་དེ། རྡོ་རྗེ་རིན་ཆེན་ཏིང་འཛིན་གྱིས། །ལས་ཀྱི་རྡོ་རྗེ་ནོར་བུར་བཅིངས། །བུ་གར་བཅུག་ན་བུད་མེད་རྣམས། །ཉིད་དུ་ཕབ་ནས་གར་བྱེད་
D479.084.0118a05.01འགྱུར། །ཞེས་བཅོམ་ལྡན་འདས་རྡོ་རྗེ་རིན་པོ་ཆེས་གསུངས་སོ། །རིགས་ཐམས་ཅད་ཀྱི་ལས་ཀྱི་དངོས་གྲུབ་གསང་བའི་ཆོ་ག་རྒྱས་པའི་རྒྱུད་དེ། དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་དཀྱིལ་འཁོར་དག་པའི་དངོས་གྲུབ་གསང་བའི་རྒྱུད་འདི་
D479.084.0118a06.01གསུངས་སོ། །དེ་ལ་འདི་ནི་དེ་བཞིན་གཤེགས་པ་ཐམས་ཅད་ཀྱི་འཁོར་ལོ་དག་པའི་དངོས་གྲུབ་གསང་བའི་རྒྱུད་དེ། ཆོས་ཀྱི་འཁོར་ལོ་འདྲ་བར་ནི། །གསང་བའི་དཀྱིལ་འཁོར་བྲི་བྱ་ཞིང་། །ཕྱག་རྒྱ་བུད་མེད་རྣམས་ཀྱིས་བསྐོར། །དེས་ནི་སངས་རྒྱས་གཞག་པར་བྱ། །གསང་
D479.084.0118a07.01