完整藏文原文 · 德格版页 当前仅加载第 84 函德格 16b 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་ཀྱིས་རྡོ་རྗེ་ཐམས་ཅད་རྡོ་རྗེ་ཐམས་ཅད་ཅེས་བྱ་བའི་མིང་གི་དབང་གིས་དབང་བསྐུར་རོ། །དེ་ནས་བྱང་ཆུབ་སེམས་དཔའ་ཆེན་པོ་རྡོ་རྗེ་ཐམས་ཅད་ཅེས་བྱ་བས་རྡོ་རྗེ་དེ་རང་གི་སྙིང་གར་བཞག་སྟེ། དེ་བཞིན་གཤེགས་པ་ཐམས་ཅད་ཀྱི་འཕྲིན་ལས་ལ་སྦྱོར་ཞིང་ཆེད་དུ་བརྗོད་པ་
D479.084.0016b01.01འདི་ཆེད་དུ་བརྗོད་དོ། །འདི་ནི་སངས་རྒྱས་ཐམས་ཅད་ཀྱི། །ལས་རྣམས་ཐམས་ཅད་བྱེད་པའི་མཆོག །བདག་སྟེ་བདག་གི་ལག་ཏུ་བྱིན། །སྣ་ཚོགས་ལ་ནི་སྣ་ཚོགས་གཞག །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་ཆེན་པོ་བརྩོན་འགྲུས་ཐུབ་དཀའི་དམ་ཚིག་
D479.084.0016b02.01ལས་བྱུང་བ་ལས་ཐམས་ཅད་ཀྱིས་བྱིན་གྱིས་བརླབས་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་བསྲུང་བའི་དམ་ཚིག་ཅེས་བྱ་བའི་དེ་བཞིན་གཤེགས་པ་ཐམས་ཅད་ཀྱི་སྙིང་པོ་འདི་རང་གི་ཐུགས་ཀ་ནས་ཕྱུང་ངོ་། །བཛྲ་རཀྵ།
D479.084.0016b03.01དེ་བཞིན་གཤེགས་པ་ཐམས་ཅད་ཀྱི་ཐུགས་ལས་ཕྱུང་མ་ཐག་པ་འདི་ནི་བཅོམ་ལྡན་འདས་ཕྱག་ན་རྡོ་རྗེ་དེ་ཉིད་དེ། གོ་ཆ་བརྟན་པར་གྱུར་ཏེ་བྱུང་ནས། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་སུ་ཞུགས་ཏེ་གཅིག་ཏུ་འདྲེས་པར་གྱུར་ནས། རྡོ་རྗེ་གོ་ཆ་ཆེན་པོའི་དབྱིབས་སུ་གྱུར་
D479.084.0016b04.01ཏེ་ཕྱག་གཉིས་སུ་གནས་སོ། །དེ་ནས་རྡོ་རྗེ་གོ་ཆའི་དབྱིབས་དེ་ལས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པ་རྣམས་ཀྱི་སྐུ་བྱུང་སྟེ། དེ་བཞིན་གཤེགས་པ་ཐམས་ཅད་ལ་བསྲུང་བའི་གོ་ཆ་རྒྱས་པའི་ལས་ལ་སོགས་པ་དང་། སངས་
D479.084.0016b05.01རྒྱས་ཐམས་ཅད་ཀྱི་རྫུ་འཕྲུལ་དང་ཆོ་འཕྲུལ་རྣམས་བྱས་ནས། རྡོ་རྗེ་སེམས་དཔའི་ཏིང་ངེ་འཛིན་ནི་བརྩོན་འགྲུས་དམ་པ་ཐུབ་དཀའ་བ་དང་ཤིན་ཏུ་བརྟན་པའི་ཕྱིར་གཅིག་ཏུ་འདྲེས་པར་གྱུར་ཏེ། བྱང་ཆུབ་སེམས་དཔའ་ཆེན་པོ་བརྩོན་འགྲུས་ཐུབ་དཀའ་བའི་ལུས་སུ་གྱུར་ནས། བཅོམ་ལྡན་
D479.084.0016b06.01འདས་རྣམ་པར་སྣང་མཛད་ཀྱི་ཐུགས་ལ་གནས་ཏེ་ཆེད་དུ་བརྗོད་པ་འདི་ཆེད་དུ་བརྗོད་དོ། །ཨེ་མའོ་བརྩོན་འགྲུས་གོ་ཆ་ནི། །བརྟན་པའི་བདག་ཉིད་རབ་བརྟན་བདག །དེ་ནི་བརྟན་ཕྱིར་ལུས་མེད་ཀྱང་། །རྡོ་རྗེའི་ལུས་སུ་བྱེད་པ་མཆོག །དེ་ནས་བྱང་ཆུབ་སེམས་དཔའ་ཆེན་པོ་བརྩོན་
D479.084.0016b07.01