完整藏文原文 · 德格版页 当前仅加载第 84 函德格 124a 版页；藏文 NFD、目录标记与异常页序保留在来源切片中，重复版页行以稳定序号区分。
འདས་ཆོས་རིན་ཆེན་གྱིས་གསུངས་སོ། །རིགས་ཐམས་ཅད་ཀྱི་དམ་པའི་ཆོས་ཀྱི་ཡེ་ཤེས་ཀྱི་ཆོ་ག་རྒྱས་པའི་རྒྱུད་དེ། དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེ་ནས་དེ་བཞིན་གཤེགས་པ་ཐམས་ཅད་ཀྱི་ཏིང་ངེ་འཛིན་གྱི་ལས་ཀྱི་དངོས་གྲུབ་ཀྱི་རྒྱུད་འདི་
D479.084.0124a01.01གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་ཏིང་ངེ་འཛིན་གྱི་ལས་ཀྱི་དངོས་གྲུབ་ཀྱི་རྒྱུད་དེ། སངས་རྒྱས་ཀྱི་ནི་ཏིང་འཛིན་ལས། །སངས་རྒྱས་བྱང་ཆུབ་རབ་བསྒྲུབས་པ། །འདི་ནི་བསྒོམ་པར་བྱས་ནས་ཀྱང་། །དངོས་གྲུབ་དམ་པ་ཐོབ་པར་འགྱུར། །ཞེས་
D479.084.0124a02.01བཅོམ་ལྡན་འདས་རྡོ་རྗེ་དབྱིངས་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་ཏིང་ངེ་འཛིན་གྱི་ལས་ཀྱི་དངོས་གྲུབ་ཀྱི་རྒྱུད་དེ། རྡོ་རྗེ་སེམས་དཔའི་ཏིང་འཛིན་གྱིས། །བླ་མེད་དང་ནི་ལས་མང་རྣམས། །སེམས་དཔའ་ཀུན་འགྱུར་ཐམས་ཅད་དང་། །ཤེས་ན་
D479.084.0124a03.01ཡང་ནི་གྲུབ་པར་འགྱུར། །ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །དེ་ལ་འདི་ནི་རྡོ་རྗེའི་རིགས་ཀྱི་ཏིང་ངེ་འཛིན་གྱི་ལས་ཀྱི་དངོས་གྲུབ་ཀྱི་རྒྱུད་དེ། སྡིག་པ་དག་པ་རྒྱུ་བའི་ཕྱིར། །མཚམས་མེད་བྱེད་ལས་མི་ཟློགས་ན། །གསོད་པའི་ལས་ལ་དད་པ་ན། །
D479.084.0124a04.01དེས་ནི་འགྲུབ་པར་འགྱུར་རོ་ཞེས། །བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །དེ་ལ་འདི་ནི་པདྨའི་རིགས་ཀྱི་ཏིང་ངེ་འཛིན་གྱི་ལས་ཀྱི་དངོས་གྲུབ་ཀྱི་རྒྱུད་དེ། སྡིག་ཀུན་རྣམ་པར་དག་པའི་བདག །ཀུན་དག་པས་ན་དགོས་པ་ཀུན། །དེས་བྱེད་ལས་འདི་ཡིན་ནོ་བར། །ཤེས་
D479.084.0124a05.01ན་ཡང་ནི་འགྲུབ་པར་འགྱུར། །ཞེས་བཅོམ་ལྡན་འདས་པདྨས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་ཏིང་ངེ་འཛིན་གྱི་ལས་ཀྱི་དངོས་གྲུབ་ཀྱི་རྒྱུད་དེ། སྲེད་ལྡན་དབུལ་པོ་ཐམས་ཅད་ཀྱི། །རྟག་ཏུ་བསམ་པ་ཀུན་བཀང་ལ། །དོན་ཀུན་གྲུབ་པས་ཀུན་བདག་ནི། །འགྲུབ་
D479.084.0124a06.01འགྱུར་འདི་ལ་ཐེ་ཚོམ་མེད། །ཅེས་བཅོམ་ལྡན་འདས་རིན་པོ་ཆེ་རྒྱལ་མཚན་གྱིས་གསུངས་སོ། །རིགས་ཐམས་ཅད་ཀྱི་ཏིང་ངེ་འཛིན་གྱི་ལས་ཀྱི་དངོས་གྲུབ་ཀྱི་རྒྱུད་དོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་རིགས་
D479.084.0124a07.01