完整藏文原文 · 德格版页 当前仅加载第 84 函德格 37a 版页；藏文 NFD、目录标记与异常页序保留在来源切片中，重复版页行以稳定序号区分。
འཁོར་རྟེན་པའོ། །ཁྲི་ཡི་སྟེང་དུ་རྡོ་རྗེ་བྲི། །ལྕགས་ཀྱུ་བསྒྲེང་བ་གཉིས་དེ་བཞིན། །རྡོ་རྗེ་རྡོ་རྗེ་ལ་སྙེས་པར། །ལེགས་པར་སྦྱིན་པ་གཉིས་དེ་བཞིན། །རིན་ཆེན་འོད་ཟེར་འབར་བར་བྱ། །ཉི་མའི་ཕྱག་རྒྱའང་དེ་བཞིན་ནོ། །རྒྱལ་མཚན་རྩ་མོའང་འབར་
D479.084.0037a01.01བར་བཅས། །རྡོ་རྗེ་གཉིས་པར་སོ་ཡི་ཕྲེང་། །རྡོ་རྗེའི་དབུས་སུ་པདྨ་བྲི། །རལ་གྲི་འབར་བཅས་དེ་བཞིན་ནོ། །རྡོ་རྗེ་འཁོར་ལོ་རྡོ་རྗེ་རྩིབས། །འབར་བ་འོད་ཟེར་ཅན་གྱི་རྩེ། །རྡོ་རྗེ་ཀུན་དུ་རྩེ་མོ་དང་། །གོ་ཆ་རྡོ་རྗེ་ཡང་དག་ལྡན། །རྡོ་རྗེ་མཆེ་བ་དེ་བཞིན་བྲི། །ལག་གཉིས་ཁུ་
D479.084.0037a02.01ཚུར་ཕྱག་རྒྱར་བྱ། །སེམས་དཔའི་རྡོ་རྗེ་ལ་སོགས་བྲི། །དབྱིངས་ཀྱི་དཀྱིལ་འཁོར་ཇི་བཞིན་དུ། །མཚན་མའི་ཕྱག་རྒྱ་བྲི་བ་ནི། །རྡོ་རྗེ་འཛིན་སོགས་དཀྱིལ་འཁོར་དུ། །ཕྱི་རོལ་དུ་ཡང་ཅི་རིགས་པར། །རང་གི་མཚན་མ་རྣམས་ཀྱང་བྲི། །བྱམས་པ་ལ་སོགས་རང་གི་
D479.084.0037a03.01མཚན། །ཇི་ལྟར་དགའ་བ་བཞིན་དུ་བྲི། །དེ་ནས་རྡོ་རྗེ་གསང་བའི་དཀྱིལ་འཁོར་འདིར་འཇུག་པ་ལ་སོགས་པའི་ཆོ་ག་རྒྱས་པ་སྟེ་དེ་ལ་ཐོག་མར་རྡོ་རྗེ་སློབ་དཔོན་གྱིས། སེམས་དཔའི་རྡོ་རྗེ་མའི་ཕྱག་རྒྱ་རང་གིས་བཅིངས་ཏེ་འཇུག་པར་བྱའོ། །ཞུགས་ནས་ལན་ཅིག་བསྐོར་ཏེ་
D479.084.0037a04.01ཕྱག་རྒྱ་དེ་བཅོམ་ལྡན་འདས་ཕྱག་ན་རྡོ་རྗེ་ལ་ཕུལ་ནས་རང་གི་སྙིང་གར་ཚུལ་བཞིན་དུ་བཀྲོལ་ཏེ་སྒོ་བཞིར་རྡོ་རྗེ་ལྕགས་ཀྱུ་ལ་སོགས་པས། ཇི་ལྟ་བ་བཞིན་དུ་ལས་རྣམས་བྱས་ནས་ཕྱིར་འབྱུང་ངོ་། །ཕྱིར་བྱུང་ནས་ཀྱང་རྡོ་རྗེ་སློབ་མ་རྣམས་རྡོ་རྗེ་དབྱིངས་ཀྱི་དཀྱིལ་འཁོར་ཆེན་
D479.084.0037a05.01པོར་གཟུད་པའི་ཚུལ་གྱིས་གཟུད་དོ། །དེ་ནས་བཙུད་ནས་དངོས་གྲུབ་ཀྱི་གསང་བའི་རྡོ་རྗེའི་མཚན་མ་ཆང་པས་གཡོགས་ལ་བྱིན་ཏེ། རྡོ་རྗེ་གསང་བའི་ཕྱག་རྒྱའི་ཡེ་ཤེས་བསླབ་བོ། །དེ་ལ་དང་པོར་རྡོ་རྗེ་གསང་བའི་ལུས་ཀྱི་ཕྱག་རྒྱའི་ཡེ་ཤེས་བསླབ་བོ། །ཟླ་བའི་དཀྱིལ་
D479.084.0037a06.01འཁོར་དབུས་སུ་ནི། །རྐང་ལག་ཐལ་མོ་སྦྱར་ནས་ཁ། །གླལ་ཞིང་རྡོ་རྗེ་བསྒོམ་བྱས་ན། །རྡོ་རྗེ་མ་ཡང་ཆགས་པར་བྱེད། །དཔུང་པ་བསྐུམ་པའི་ལྕགས་ཀྱུ་དང་། །མགོ་ལ་རྡོ་རྗེ་བསྒོམ་པར་བྱ། །ལག་པ་ཡིས་ནི་འབྱེད་བྱེད་ཅིང་། །ལྕགས་ཀྱུ་མ་ཡང་འགུགས་པར་བྱེད། །
D479.084.0037a07.01