完整藏文原文 · 德格版页 当前仅加载第 84 函德格 112b 版页；藏文 NFD、目录标记与异常页序保留在来源切片中，重复版页行以稳定序号区分。
བའི་དངོས་གྲུབ་ཀྱི་རྒྱུད་དོ། །རིན་ཆེན་རྡོ་རྗེ་བཅིངས་ནས་ནི། །དཔྲལ་བར་རབ་ཏུ་གཞག་བྱས་ན། །རྒྱལ་བ་རྡོ་རྗེ་རིན་ཆེན་གྱིས། །དབང་བསྐུར་བར་ནི་དེ་འགྱུར་རོ། །ཞེས་སངས་རྒྱས་བཅོམ་ལྡན་འདས་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་དབང་བསྐུར་
D479.084.0112b01.01བའི་དངོས་གྲུབ་ཀྱི་རྒྱུད་དེ། རྡོ་རྗེ་དབྱིངས་དབང་ལ་སོགས་པ། །སངས་རྒྱས་ཕྱག་རྒྱ་མདུན་ནས་ནི། །བརྩམ་པ་བྱས་ནས་ངོས་བཞིར་ཡང་། །ཕྲེང་བ་ཉིད་ཀྱིས་དབང་བསྐུར་འགྱུར། །དེ་ལ་འདི་ནི་རྡོ་རྗེའི་རིགས་ཀྱི་དབང་བསྐུར་བའི་དངོས་གྲུབ་ཀྱི་རྒྱུད་དོ། །རྡོ་རྗེ་དབང་གི་ཕྲེང་བ་ནི། །
D479.084.0112b02.01བཅིངས་ནས་དཔྲལ་བར་བཞག་ན་ཡང་། །ཕྲེང་བའི་དབང་ནི་དེ་ཡིན་ཏེ། །རྡོ་རྗེ་རྣམས་ནི་དེ་དབང་འགྱུར། །དེ་ལ་འདི་ནི་པདྨའི་རིགས་ཀྱི་དབང་བསྐུར་བའི་དངོས་གྲུབ་ཀྱི་རྒྱུད་དེ། ཆོས་ཀྱི་རྡོ་རྗེ་བཅིངས་ནས་ཀྱང་། །མགོ་བོར་བཞག་སྟེ་དེ་དབང་བསྐུར། །སངས་རྒྱས་ཀྱིས་ནི་འཇིག་
D479.084.0112b03.01རྟེན་གྱི། །དབང་ཕྱུག་གིས་ནི་དབང་བསྐུར་རོ། །ཞེས་བཅོམ་ལྡན་འདས་ཀུན་དུ་སྤྱན་རས་གཟིགས་ཀྱི་དབང་པོས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་དབང་བསྐུར་བའི་རྒྱུད་དེ། རྡོ་རྗེ་རིན་ཆེན་མྱུ་གུ་བཅིངས། །དཔྲལ་བར་བཞག་སྟེ་དེས་དབང་བསྐུར། །སངས་རྒྱས་ཀྱིས་ནི་མཆོད་པ་
D479.084.0112b04.01ཡི། །དབང་ཕྱུག་ཏུ་ནི་དབང་བསྐུར་འགྱུར། །ཞེས་བཅོམ་ལྡན་འདས་ནམ་མཁའི་སྙིང་པོས་གསུངས་སོ། །རིགས་ཐམས་ཅད་ཀྱི་དབང་བསྐུར་བའི་དངོས་གྲུབ་ཀྱི་རྒྱུད་དོ། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་ཏིང་ངེ་འཛིན་གྱི་དངོས་གྲུབ་
D479.084.0112b05.01ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཐམས་ཅད་ཀྱི་ཏིང་ངེ་འཛིན་གྱི་དངོས་གྲུབ་ཀྱི་རྒྱུད་དེ། རྒྱལ་བ་ཀུན་གྱི་རྣམ་པར་ནི། །ཕྱག་རྒྱ་མཉམ་པར་བཞག་པར་བཅིངས། །ཟློས་ཤིང་སྔགས་ཀྱི་རིག་པ་ནི། །མྱུར་དུ་དངོས་གྲུབ་ཐོབ་པར་འགྱུར། །ཞེས་སངས་
D479.084.0112b06.01རྒྱས་བཅོམ་ལྡན་འདས་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་ཏིང་ངེ་འཛིན་གྱི་དངོས་གྲུབ་ཀྱི་རྒྱུད་དེ། སེམས་དཔའི་བྱིན་བརླབས་ཚུལ་གྱིས་ནི། །ཏིང་འཛིན་རྡོ་རྗེ་ཆོས་ཀྱིས་ཀྱང་། །སྙིང་པོ་ཕྱག་རྒྱ་སྔགས་རིག་རྣམས། །ཟློས་པས་མྱུར་དུ་འགྲུབ་པར་
D479.084.0112b07.01