完整藏文原文 · 德格版页 当前仅加载第 84 函德格 44b 版页；藏文 NFD、目录标记与异常页序保留在来源切片中，重复版页行以稳定序号区分。
ཡིན་བསམས་ཤིང་། །ཕྲེང་བ་ལ་སོགས་མཆོད་པ་ཡིས། །མཆོད་ན་དེ་ནི་དབང་ཡང་བསྐུར། །བྱང་ཆུབ་སེམས་ནི་བརྟན་བསྐྱེད་པས། །བདག་ནི་སངས་རྒྱས་ཡིན་བསམས་ཤིང་། །སྙན་པའི་གླུ་ཡིས་མཆོད་པས་བདག །མཆོད་པ་དེ་ནི་མགུ་བར་འགྱུར། །བྱང་ཆུབ་སེམས་
D479.084.0044b01.01ནི་བརྟན་བསྐྱེད་པར། །བདག་ནི་སངས་རྒྱས་ཡིན་བསམས་ཤིང་། །གར་གྱི་མཆོད་པས་བདག་མཆོད་པ། །སངས་རྒྱས་ཀྱིས་ཀྱང་བདག་མཆོད་འགྱུར། །དེ་ལ་སྙིང་པོ་ནི་འདི་རྣམས་སོ། །བུདྡྷ་ཨཱཏྨ་ཀོ྅ཏཾ། བུདྡྷ་ཨ་བྷིཥི་ཉྩ་མི། བུདྡྷ་སྟུ་ཏི་ཀ་རོ་མི། བུདྡྷ་པཱུ་ཛཱ་ཀ་རོ་མི། དེ་
D479.084.0044b02.01ནས་སངས་རྒྱས་ཐམས་ཅད་མཆོད་པའི་ཕྱག་རྒྱའི་ཡེ་ཤེས་བསླབ་པར་བྱའོ། །ལུས་དང་ངག་སེམས་རྡོ་རྗེ་ཡི། །མཆོག་གི་ཚུལ་གྱིས་ཕྱག་འཚལ་ཞིང་། །དེ་བཞིན་སངས་རྒྱས་ཀུན་མཆོད་ན། །རྟག་ཏུ་ཕྱག་བྱར་འོས་པར་འགྱུར། །སངས་རྒྱས་ཐམས་ཅད་བསོད་ནམས་ཆེ། །སྐུ་
D479.084.0044b03.01གསུང་ཐུགས་ནི་རྡོ་རྗེ་སྐྱེས། །རྗེས་སུ་ཡི་རང་བས་མཆོད་ན། །མྱུར་དུ་སངས་རྒྱས་ཐོབ་པར་འགྱུར། །ལུས་དང་ངག་སེམས་རྡོ་རྗེ་ཡི། །ལྷ་རྫས་བདག་དབུལ་ལ་སོགས་པའི། །མཆོད་པ་ཀུན་གྱིས་སངས་རྒྱས་རྣམས། །མཆོད་ན་དེ་ཡང་མཆོད་པར་འགྱུར། །ལུས་དང་ངག་
D479.084.0044b04.01སེམས་རྡོ་རྗེ་ཡི། །དགེ་བའི་ཚོགས་རྣམས་ཐམས་ཅད་ནི། །ཡོངས་སུ་བསྔོ་བའི་མཆོད་པ་ཡིས། །སངས་རྒྱས་ཀུན་དང་མཉམ་པར་འགྱུར། །དེ་ལ་སྙིང་པོ་ནི་འདི་རྣམས་ཡིན་ནོ། །པྲཎཱ་མཱ་མི་ཨ་ནུ་མོ་དེ། བུདྡྷ་པཱུ་ཛཱ་པཉྩ་མ། དེ་ནས་ཆོས་ཀྱི་མཆོད་པའི་ཕྱག་རྒྱའི་ཡེ་ཤེས་བསླབ་
D479.084.0044b05.01པར་བྱའོ། །ཆོས་རྣམས་རང་བཞིན་གྱིས་ཀྱང་གསལ། །ངོ་བོ་ཉིད་ཀྱིས་གདོད་ནས་དག །ཆོས་དེ་དག་གིས་མཆོད་པས་ནི། །དགའ་བའི་བདེ་བ་ཐོབ་པར་འགྱུར། །ཆོས་རྣམས་ཀུན་ནི་འདུས་པ་ཡི། །ཨ་ཞེས་བྱ་བ་སྒོ་ཞེས་བརྗོད། །ཆོས་ཀྱི་ཕྱག་རྒྱ་དེ་ཡིས་ནི། །དེ་ཡི་སྡུག་བསྔལ་
D479.084.0044b06.01ཐམས་ཅད་གཅོད། །འདིར་ནི་ཆོས་རྣམས་ཐམས་ཅད་ཀྱི། །རྒྱུ་ནི་དེ་བཞིན་གཤེགས་པ་སྟེ། །དམ་ཆོས་འཁོར་ལོ་མཆོད་པ་ཡིས། །མཆོད་པས་ཆོས་ནི་འཆད་པར་འགྱུར། །ཆོས་རྣམས་ཐམས་ཅད་རང་བཞིན་གྱིས། །སྒྲ་སྙན་དག་དང་འདྲར་བཤད་དེ། །ཆོས་ཀྱི་མཆོད་པ་དེ་དག་
D479.084.0044b07.01