完整藏文原文 · 德格版页 当前仅加载第 84 函德格 126a 版页；藏文 NFD、目录标记与异常页序保留在来源切片中，重复版页行以稳定序号区分。
དངོས་གྲུབ་ཀྱི་རྒྱུད་དེ། རྡོ་རྗེ་སེམས་དཔའི་ཏིང་འཛིན་གནས། །སེམས་ཅན་ཀུན་ལ་བདེ་སྦྱིན་པའི། །ཀུན་བཟང་འདོད་པ་བདག་ཡིན་ཏེ། །མཆོད་ན་དངོས་གྲུབ་ཐོབ་པར་འགྱུར། །ཞེས་བཅོམ་ལྡན་འདས་འདོད་པས་གསུངས་སོ། །དེ་ལ་འདི་ནི་རྡོ་རྗེའི་རིགས་
D479.084.0126a01.01ཀྱི་དམ་ཚིག་གསང་བའི་དངོས་གྲུབ་ཀྱི་རྒྱུད་དེ། སེམས་ཅན་ཀུན་ལ་ཕན་བྱེད་པའི། །ཀུན་བཟང་ཁྲོ་བོ་བདག་ཡིན་ཏེ། །རྡོ་རྗེ་ཧཱུྃ་གི་རྣལ་འབྱོར་གྱིས། །མཆོད་ན་དངོས་གྲུབ་ཐོབ་པར་འགྱུར། །ཞེས་བཅོམ་ལྡན་འདས་ཕྱག་ན་རྡོ་རྗེས་གསུངས་སོ། །དེ་ལ་འདི་ནི་པདྨའི་རིགས་ཀྱི་
D479.084.0126a02.01ལས་ཀྱི་དམ་ཚིག་གསང་བའི་དངོས་གྲུབ་ཀྱི་རྒྱུད་དེ། བདེ་བ་ཐམས་ཅད་རབ་སྦྱིན་པའི། །ཀུན་བཟང་འདོད་པ་བདག་ཡིན་ཏེ། །བདག་ཉིད་འགྲོ་འདུལ་སྐུར་གནས་ལ། །མཆོད་ན་དངོས་གྲུབ་ཐོབ་པར་འགྱུར། །ཞེས་བཅོམ་ལྡན་འདས་པདྨ་ཆགས་པས་གསུངས་སོ། །དེ་ལ་
D479.084.0126a03.01འདི་ནི་ནོར་བུའི་རིགས་ཀྱི་ལས་ཀྱི་དམ་ཚིག་གསང་བའི་དངོས་གྲུབ་ཀྱི་རྒྱུད་དེ། སེམས་ཅན་ཀུན་ལ་དོན་ཆེན་སྦྱིན། །ཀུན་བཟང་རྒྱལ་པོ་བདག་ཡིན་ཏེ། །དོན་ཀུན་འགྲུབ་པའི་གཟུགས་ཀྱིས་ནི། །མཆོད་ན་དངོས་གྲུབ་ཐོབ་པར་འགྱུར། །ཞེས་བཅོམ་ལྡན་འདས་དོན་ཐམས་ཅད་གྲུབ་
D479.084.0126a04.01པས་གསུངས་སོ། །རིགས་ཐམས་ཅད་ཀྱི་ལས་ཀྱི་དམ་ཚིག་གསང་བའི་དངོས་གྲུབ་ཀྱི་ཆོ་ག་རྒྱས་པའི་རྒྱུད་དོ། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་ལས་ཀྱི་ཆོས་དམ་པའི་དངོས་གྲུབ་ཀྱི་རྒྱུད་འདི་གསུངས་སོ། །དེ་
D479.084.0126a05.01ལ་འདི་ནི་དེ་བཞིན་གཤེགས་པའི་ལས་ཀྱི་ཆོས་ཉིད་ཀྱི་དངོས་གྲུབ་ཀྱི་རྒྱུད་དེ། རང་གི་ཏིང་ངེར་འཛིན་པ་ཡིས། །གཡས་པའི་མཛུབ་མོས་མདུད་ནས་ནི། །གོ་ཆར་བཅིངས་ཏེ་སྤྱི་བོར་བཞག །ཤིན་ཏུ་ཡང་ནི་བསྲུངས་པར་འགྱུར། །ཞེས་སངས་རྒྱས་བཅོམ་ལྡན་འདས་ཀྱིས་
D479.084.0126a06.01གསུངས་སོ། །དེ་ལ་འདི་ནི་དེ་བཞིན་གཤེགས་པའི་ལས་ཀྱི་རིགས་ཀྱི་ལས་ཀྱི་ཆོས་ཉིད་ཀྱི་དངོས་གྲུབ་ཀྱི་རྒྱུད་དེ། རྩིག་པ་ལ་ནི་ལྡན་འདྲ་བ། །རི་མོར་བྲིས་ནས་མཚན་བསྒྲེང་སྟེ། །མཉེས་ན་བུད་མེད་གང་བསམས་པ། །དེ་ནི་འདི་ཡི་དབང་དུ་འགྱུར། །ཞེས་བཅོམ་ལྡན་འདས་
D479.084.0126a07.01