完整藏文原文 · 德格版页 当前仅加载第 84 函德格 86b 版页；藏文 NFD、目录标记与异常页序保留在来源切片中，重复版页行以稳定序号区分。
དུ་ནང་དུ་གཞུག །གཡོན་པའི་མཛུབ་མཐེབ་བཟླས་པར་བྱ། །སེར་ཀུན་ཆུ་སྐྱེས་ཁ་བྱེ་འདྲ། །རྡོ་རྗེ་ཐལ་མོ་མཉམ་སྦྱར་ལ། །གཡོན་དང་གཡས་ནས་དེ་བཞིན་དུ། །འགྱིང་བཅས་གར་བྱེད་བསྐོར་ནས་ནི། །སྤྱི་བོར་བཞག་པ་པདྨ་ཅན། །རྡོ་རྗེ་ཐལ་མོ་དམ་བྱས་ལ། །རྩེ་མོ་ཐམས་
D479.084.0086b01.01ཅད་ཁ་ཕྱེ་བ། །བསྐོར་ཏེ་པདྨའི་སྙིང་གར་ནི། །བཞག་ནས་བསྟན་པར་བྱེད་པ་པོ། །རྡོ་རྗེ་ཐལ་མོ་དམ་བྱས་ལ། །གསང་བའི་གནོད་སྦྱིན་ཚུལ་དུ་ནི། །ཐལ་མོ་བརྐྱང་སྟེ་བསྐུམས་ནས་ནི། །ཁར་བཞག་པདྨའི་གནོད་སྦྱིན་མ། །རྡོ་རྗེ་ཁུ་ཚུར་བཅིངས་ནས་ཀྱང་། །གུང་མོ་གཉིས་ནི་
D479.084.0086b02.01ཕྱིར་བཀུག་སྟེ། །རང་གི་མཐེ་བོ་རྒྱབ་མནན་པ། །པདྨའི་ཁུ་ཚུར་ཞེས་ཀྱང་བཤད། །རྡོ་རྗེ་དབྱིངས་ཀྱི་ཚུལ་གྱིས་ནི། །རྡོ་རྗེ་ཐལ་མོ་ལས་བྱུང་བ། །མཆོད་པའི་ལྷ་མོ་ཐམས་ཅད་ཀྱི། །དམ་ཚིག་མཆོག་རྣམས་བཅིང་བའོ། །རྡོ་རྗེ་བསྡམས་པ་དམ་བྱས་ལ། །མཛུབ་མོ་གཉིས་
D479.084.0086b03.01ནི་མཉམ་སྦྱར་ནས། །བཀུག་ནས་རྩེ་མོ་སྦྱར་བ་ནི། །རྟ་མགྲིན་གྱི་ནི་ཡིན་པར་བཤད། །པདྨའི་ཐལ་མོ་མཉམ་སྦྱར་ལ། །མཛུབ་གཉིས་མདུད་པར་མདུད་པ་ན། །ངེས་པར་ཞགས་པའི་ཕྱག་རྒྱ་ཡིན། །མཐེབ་མཛུབ་ལྕགས་སྒྲོག་འདྲ་བར་བྱ། །རྡོ་རྗེ་དབབ་པའི་ཚུལ་གྱིས་ནི། །
D479.084.0086b04.01པདྨའི་ཐལ་མོ་མཉམ་སྦྱར་ལ། །སྲིན་ལག་མཐེའུ་ཆུང་གཉིས་བར་དུ། །མཐེ་བོ་གཉིས་བཅུག་དམ་དུ་བཙིར། །དེ་ནས་པདྨ་རིགས་ཀྱི་ཆོས་ཀྱི་ཕྱག་རྒྱའི་ཡེ་ཤེས་ནི་འདི་ཡིན་ཏེ། །ཧྲཱིཿགྲྀ་ཀྲྀ་ཧི། ཤྲྀ་ཤི་དྷི་ཧི། གྲྀ་ཏི་ཀྲྀ་བི་ཁི་མིཥྚི་ཨ། པདྨ་ཁུ་ཚུར་གཉིས་བྱས་ལ། །ལས་ཀྱི་ཕྱག་རྒྱ་
D479.084.0086b05.01བསྒྲུབ་པར་བྱ། །དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་དམ་ཚིག་གི་རྟོག་པ་ཆེན་པོའི་རྒྱལ་པོ་ལས་འགྲོ་བ་ཐམས་ཅད་འདུལ་བ་ཞེས་བྱ་བའི་དཀྱིལ་འཁོར་ཆེན་པོའི་ཆོ་ག་རྒྱས་པ་རྫོགས་{སྷོ,སོ}།། །།དེ་ནས་ཡང་བཅོམ་ལྡན་འདས་ཀྱིས་དེ་བཞིན་གཤེགས་པ་
D479.084.0086b06.01ཐམས་ཅད་ཀྱི་ཆོས་ཀྱི་གཟུངས་ཀྱི་དམ་ཚིག་འབྱུང་བའི་བྱིན་གྱིས་བརླབས་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རང་གི་རིག་པ་དམ་པ་འདི་གསུངས་སོ། །ཨོཾ་སརྦ་ཏ་ཐཱ་ག་ཏ་དྷརྨ་ས་མ་ཡ་ཧཱུྃ། དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་རང་གི་རིགས་འབྱུང་བའི་རིག་
D479.084.0086b07.01