完整藏文原文 · 德格版页 当前仅加载第 84 函德格 121a 版页；藏文 NFD、目录标记与异常页序保留在来源切片中，重复版页行以稳定序号区分。
དངོས་གྲུབ་ཐོབ་པར་འགྱུར། །ཞེས་བཅོམ་ལྡན་འདས་འཕགས་པ་ཀུན་དུ་སྤྱན་རས་གཟིགས་ཀྱི་དབང་པོས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་གསང་བའི་མཆོད་པའི་དངོས་གྲུབ་ཀྱི་རྒྱུད་དེ། དོན་ཀུན་གྲུབ་པའི་རྣལ་འབྱོར་གྱིས། །གསང་བའི་ཚུལ་
D479.084.0121a01.01ནི་ཇི་བཞིན་པར། །ལས་ཀྱི་ཕྱག་རྒྱས་རབ་མཆོད་ན། །མཆོད་པའི་དངོས་གྲུབ་ཐོབ་པར་འགྱུར། །ཞེས་བཅོམ་ལྡན་འདས་རྡོ་རྗེ་སྙིང་པོས་གསུངས་སོ། །རིགས་ཐམས་ཅད་ཀྱི་གསང་བའི་མཆོད་པའི་ཆོ་ག་རྒྱས་པའི་རྒྱུད་དོ། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་
D479.084.0121a02.01རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་རིགས་བསྐྱེད་པའི་གསང་བའི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པའི་དེ་ཁོ་ན་ཉིད་བསྐྱེད་པའི་དངོས་གྲུབ་གསང་བའི་རྒྱུད་དེ། མདོར་ན་ཏིང་འཛིན་ཡེ་ཤེས་ལས། །སེམས་ཅན་རྣམས་ལ་ཆགས་
D479.084.0121a03.01ཚུལ་གྱིས། །སངས་རྒྱས་ཉིད་དུ་འགྲུབ་འགྱུར་ན། །མྱུར་དུ་བླ་མེད་ཐོབ་པར་འགྱུར། །ཞེས་བཅོམ་ལྡན་འདས་དེ་བཞིན་གཤེགས་པས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་དེ་ཁོ་ན་ཉིད་ཆེན་པོ་བསྐྱེད་པའི་དངོས་གྲུབ་གསང་བའི་རྒྱུད་དེ། སེམས་ཅན་
D479.084.0121a04.01ཐོག་མ་ཐ་མ་མེད། །ནམ་མཁའ་འབྱུང་བའི་མཚན་ཉིད་དེ། །ཀུན་དུ་བཟང་པོ་ཀུན་བདག་ཉིད། །འདོད་པའི་འགྲོ་བ་ཀུན་བདག་པོ། །སེམས་ཅན་ཀུན་གྱི་སེམས་གང་ནི། །བསྟན་ཕྱིར་སེམས་དཔའ་ཞེས་བྱའོ། །རྡོ་རྗེ་མཉམ་པར་མཉམ་གཞག་ན། །ངེས་པར་རྡོ་རྗེ་ཉིད་གྱུར་
D479.084.0121a05.01བ། །སེམས་དཔའི་བྱིན་བརླབས་ཚུལ་གྱིས་ནི། །རྡོ་རྗེ་སེམས་དཔའ་ཉིད་དུ་གྱུར། །བཅོམ་ལྡན་སེམས་དཔའ་དེ་ཉིད་དེ། །རྡོ་རྗེ་བཞད་པ་དེ་བཞིན་གཤེགས། །ཉིད་སེམས་རབ་ཏུ་རྟོགས་ལ་སོགས། །སངས་རྒྱས་བྱང་ཆུབ་ཆོ་ག་བཞིན། །དེ་ཉིད་བཅོམ་ལྡན་དེ་བཞིན་
D479.084.0121a06.01གཤེགས། །ཐམས་ཅད་ཀྱི་ནི་རིགས་སུ་འགྱུར། །ཞེས་བཅོམ་ལྡན་འདས་ཐོག་མ་དང་ཐ་མ་མེད་པའི་སེམས་དཔས་གསུངས་སོ། །དེ་བཞིན་གཤེགས་པའི་རིགས་ཉིད་དེ། །དེ་ཉིད་རྡོ་རྗེའི་རིགས་ཆེན་པོ། །དེ་ཉིད་པདྨའི་རིགས་དག་པ། །དེ་ཉིད་ནོར་བུའི་རིགས་ཀྱི་མཆོག །
D479.084.0121a07.01