完整藏文原文 · 德格版页 当前仅加载第 84 函德格 41a 版页；藏文 NFD、目录标记与异常页序保留在来源切片中，重复版页行以稳定序号区分。
རྗེའི་སྐུར་གྱུར་ནས། དེ་ནས་ཡང་རྡོ་རྗེ་སེམས་དཔའ་ལ་སོགས་པ་བྱང་ཆུབ་སེམས་དཔའ་རྣམས་ཀྱི་སྐུར་གྱུར་ཏེ། རང་རང་གི་ཕྱག་མཚན་ཉིད་ཀྱི་ཐུགས་ཀར་བཞག་ནས། རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོ་དགོད་པའི་ཚུལ་གྱིས་ཟླ་བའི་དཀྱིལ་འཁོར་ལ་
D479.084.0041a01.01གནས་ནས་རང་རང་གི་སྙིང་པོའི་ཏིང་ངེ་འཛིན་ལ་མཉམ་པར་བཞག་སྟེ་བཞུགས་སོ། །དེ་ནས་ཡང་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་ཏིང་ངེ་འཛིན་དང་། ཡེ་ཤེས་དང་མངོན་པར་ཤེས་པ་བསྒྲུབ་པའི་ཕྱིར། རྡོ་རྗེ་ཕྲ་མོའི་ཡེ་ཤེས་ཀྱི་དཀྱིལ་འཁོར་འདི་བཤད་དོ། །དེ་ནས་
D479.084.0041a02.01རབ་ཏུ་བཤད་བྱ་བ། །ཆོས་ཀྱི་དཀྱིལ་འཁོར་དམ་པ་སྟེ། །རྡོ་རྗེ་དབྱིངས་དང་འདྲ་བས་ན། །རྡོ་རྗེ་ཕྲ་མོ་ཞེས་བཤད་དོ། །དེ་ནས་དཀྱིལ་འཁོར་ཚུལ་དུ་ནི། །སེམས་དཔའ་ཆེན་པོ་རྣམས་ཀྱང་གཞག །རྡོ་རྗེའི་དབུས་སུ་སངས་རྒྱས་བྲི། །སངས་རྒྱས་དཀྱིལ་འཁོར་རྣམས་སུ་ཡང་། །སེམས་
D479.084.0041a03.01དཔའ་ཆེན་པོ་རྣམས་བྲི་ཞིང་། །དེ་བཞིན་ཐུགས་ཀར་ཉིད་ཕྱག་རྒྱ། །ཏིང་ངེ་འཛིན་དུ་བཞུགས་པ་དང་། །ཕྱག་གཉིས་རྡོ་རྗེ་བཅིང་བ་བཅིངས། །དེ་ནས་རྡོ་རྗེ་ཕྲ་མོའི་ཆོས་ཀྱི་དཀྱིལ་འཁོར་འདིར་དགུག་པ་ལ་སོགས་པའི་ཆོ་ག་རྒྱས་པ་ཡིན་ཏེ། དཀྱིལ་འཁོར་ཆེན་པོའི་ཚུལ་དུ་ཞུགས་པ་ལ་
D479.084.0041a04.01སོགས་པའི་ཆོ་ག་རྒྱས་པར་བྱས་ནས། ཡེ་ཤེས་ཀྱི་ཕྱག་རྒྱ་ལག་ཏུ་བྱིན་ནས་རང་གི་སེམས་ལས་སུ་རུང་བར་བྱ་བའི་ཕྱག་རྒྱ་ཆེན་པོའི་ཡེ་ཤེས་བསླབ་བོ། །ལྕེ་ནི་རྐན་ལ་གཞར་བྱས་ཏེ། །སྣ་ཡི་རྩེ་མོར་བསམ་བྱ་བ། །རྡོ་རྗེ་ཕྲ་མོའི་བདེ་རེག་པས། །སེམས་ནི་མཉམ་པར་བཞག་པར་འགྱུར། །
D479.084.0041a05.01རྡོ་རྗེ་ཕྲ་མོའི་བདེ་རེག་པའི། །མཚན་མ་གལ་ཏེ་བྱུང་བ་དང་། །མཚན་མ་དེ་ནི་ཁྱབ་བྱ་བ། །སེམས་ནི་ཀུན་ཏུ་ཁྱབ་པར་བྱ། །ཇི་ཙམ་འདོད་པར་སེམས་ཁྱབ་ནས། །ཁམས་གསུམ་དུ་ཡང་ཁྱབ་པར་འགྱུར། །དེ་ནས་དེ་ཡང་བསྡུ་བ་ནི། །སྣ་ཡི་རྩེ་མོའི་བར་དུ་ཡང་། །དེ་དག་ཤིན་ཏུ་
D479.084.0041a06.01མཉམ་པར་བཞག །གང་ཡང་རུང་སྟེ་བསྒོམ་བྱ་བ། །དེ་དག་ཐམས་ཅད་བརྟན་པར་འགྱུར། །ཏིང་འཛིན་ཤེས་རབ་བརྟགས་པའོ། །དེ་ནས་དེ་རྣམས་ཀྱི་སྙིང་པོ་ནི་འདི་ཡིན་ནོ། །སཱུ་ཀྵྨ་བཛྲ་སྥར་ཎ། སཾ་ཧ་ར་ཎ་བཛྲ། བཛྲ་ཧྲྀ་ད་ཏིཥྛ། །སེམས་དཔའ་གང་གིས་བྱམས་པ་ནི། །མཉམ་
D479.084.0041a07.01