完整藏文原文 · 德格版页 当前仅加载第 84 函德格 111b 版页；藏文 NFD、目录标记与异常页序保留在来源切片中，重复版页行以稳定序号区分。
པོའི་ཏིང་འཛིན་གྱིས། །ཆོས་ཀྱི་ཕྱག་རྒྱ་བཅིངས་ནས་ཀྱང་། །འཇིག་རྟེན་མགོན་པོ་བསྒོམས་ན་ནི། །ཉི་རིམ་དུ་ནི་དངོས་གྲུབ་ཐོབ། །དེ་ལ་འདི་ནི་ནོར་བུའི་རིགས་ཀྱི་དངོས་གྲུབ་ཀྱི་རྒྱུད་དོ། །རྡོ་རྗེ་སྙིང་པོའི་ཏིང་འཛིན་གྱིས། །ལས་ཀྱི་ཕྱག་རྒྱ་བཅིངས་ནས་ནི། །རྡོ་རྗེ་སྙིང་པོ་བསྒོམས་
D479.084.0111b01.01ན་ནི། །ཉི་རིམ་དུ་ནི་དངོས་གྲུབ་ཐོབ། །རིགས་ཐམས་ཅད་ཀྱི་དངོས་གྲུབ་ཀྱི་ཆོ་ག་རྒྱས་པའི་རྒྱུད་དོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་དངོས་གྲུབ་སྒྲུབ་པའི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་
D479.084.0111b02.01པའི་རིགས་ལ་སོགས་པའི་དངོས་གྲུབ་ཐམས་ཅད་སྒྲུབ་པའི་རྒྱུད་དོ། །ཕྱག་རྒྱ་ཐམས་ཅད་བཅིངས་ནས་ནི། །བདག་ཉིད་དང་ནི་མདུན་དུ་ཡང་། །སངས་རྒྱས་རྗེས་སུ་དྲན་པ་བསྒོམ། །དེ་ནས་དེ་མ་ཐག་ཏུ་འགྲུབ། །ཅེས་སངས་རྒྱས་བཅོམ་ལྡན་འདས་ཀྱིས་གསུངས་སོ། །དེ་ལ་
D479.084.0111b03.01འདི་ནི་དེ་བཞིན་གཤེགས་པའི་རིགས་ལ་སོགས་པའི་དངོས་གྲུབ་ཐམས་ཅད་སྒྲུབ་པའི་རྒྱུད་དོ། །རྡོ་རྗེ་བཟླས་པའི་ཚུལ་གྱིས་ནི། །འདོད་པ་བདག་ཅེས་བསྒོམས་ནས་ཀྱང་། །ཕྱག་རྒྱ་ཐམས་ཅད་བསྒྲུབས་ན་ནི། །གྲུབ་པའི་མཆོག་ནི་ཀུན་བསྒྲུབས་པའོ། །ཞེས་བཅོམ་ལྡན་འདས་
D479.084.0111b04.01རྡོ་རྗེ་སེམས་དཔས་གསུངས་སོ། །དེ་ལ་འདི་ནི་རྡོ་རྗེའི་རིགས་ཀྱི་དངོས་གྲུབ་ཐམས་ཅད་སྒྲུབ་པའི་རྒྱུད་དོ། །བདག་ཉིད་ཉིད་ཀྱིས་རྡོ་རྗེ་དབྱིབས། །རབ་མཉམ་བཞག་པས་སྒོམ་བྱེད་ཅིང་། །ཕྱག་རྒྱ་ཐམས་ཅད་བཅིངས་ན་ནི། །དེ་མ་ཐག་ཏུ་འགྲུབ་པར་འགྱུར། །ཞེས་བཅོམ་ལྡན་འདས་
D479.084.0111b05.01དེ་བཞིན་གཤེགས་པ་ཐམས་ཅད་ཀྱི་རྡོ་རྗེས་གསུངས་སོ། །དེ་ལ་འདི་ནི་པདྨའི་རིགས་ཐམས་ཅད་ཀྱི་དངོས་གྲུབ་ཀྱི་རྒྱུད་དེ། ཡེ་ཤེས་ཀུན་འབྱུང་དངོས་གྲུབ་ཀྱི། །པདྨ་ཆེན་པོའི་རིགས་ལ་གནས། །བདག་ཉིད་ཀྱིས་ནི་བདག་ཉིད་ཉིད། །པདྨའི་དབྱིབས་སུ་བསྒོམ་པར་བྱ། །ཞེས་བཅོམ་ལྡན་འདས་
D479.084.0111b06.01ཀུན་དུ་སྤྱན་རས་གཟིགས་ཀྱི་དབང་པོས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་དངོས་གྲུབ་ཐམས་ཅད་ཀྱི་སྒྲུབ་པའི་རྒྱུད་དོ། །ནོར་བུ་རིན་ཆེན་འོད་ཟེར་འབར། །བདག་ཉིད་ཉིད་ཀྱིས་བསྒོམས་ན་ནི། །ནོར་བུ་ཆེན་པོའི་རིགས་མཆོད་ན། །ཀུན་ལས་འབྱུང་བའི་དངོས་གྲུབ་འཐོབ། །
D479.084.0111b07.01