完整藏文原文 · 德格版页 当前仅加载第 84 函德格 51b 版页；藏文 NFD、目录标记与异常页序保留在来源切片中，重复版页行以稳定序号区分。
སྲོག་འདོད་ན། སངས་རྒྱས་དང་ཆོས་དང་དགེ་འདུན་ལ་སྐྱབས་སུ་དེང་ལ་ངའི་བཀའ་ཡང་ཉོན་ཅིག །དེ་ནས་དེ་དག་གིས་འདི་སྐད་ཅེས་གསོལ་ཏོ། །སངས་རྒྱས་དང་ཆོས་དང་དགེ་འདུན་ཕྱག་རྒྱའི་ཚོགས་དང་བཅས་པ་ལ་སྐྱབས་སུ་མཆིའོ། །ཁྱོད་ཀྱིས་བསྟན་པའི་བཀའ་ནི་བདག་
D479.084.0051b01.01ཅག་གིས་མ་འཚལ་ལོ། །དེ་ནས་བཅོམ་ལྡན་འདས་རྣམ་པར་སྣང་མཛད་དེ་བཞིན་གཤེགས་པས་དེ་དག་ལ་བོས་ནས་འདི་སྐད་བཀའ་སྩལ་ཏོ། །ཀྱེ་ལྷ་རྣམས་འདི་ནི་ངེད་དང་དེ་བཞིན་གཤེགས་པ་ཐམས་ཅད་ཀྱི་བདག་པོའོ། །དེ་བཞིན་གཤེགས་པ་ཐམས་ཅད་ཀྱི་ཡབ། དེ་བཞིན་གཤེགས་
D479.084.0051b02.01པ་ཐམས་ཅད་ཀྱི་བཀའ་བཞིན་བྱེད་པ། དེ་བཞིན་གཤེགས་པ་ཐམས་ཅད་ཀྱི་སྲས་ཀྱི་ཐུ་བོ། བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོ་སྟེ། སེམས་ཅན་ཐམས་ཅད་གདུལ་བའི་དོན་བྱས་པའི་ཕྱིར། ཁྲོ་བོའི་རྒྱལ་པོ་ཆེན་པོར་དབང་བསྐུར་ཏོ། །
D479.084.0051b03.01དེ་ཅིའི་ཕྱིར་ཞེ་ན། ཁྱེད་ཀྱི་ནང་ན་ཡང་ལྷ་ཆེན་པོ་ལ་སོགས་པ་མ་རུངས་པའི་སེམས་ཅན་ཡོད་དེ། དེ་རྣམས་དེ་བཞིན་གཤེགས་པ་ཐམས་ཅད་ཀྱིས་ཀྱང་ཞི་བར་མཛད་པས། སྡིག་པ་ལས་བཟློག་པར་མི་སྤྱོད་པའི་སྡིག་པའི་སེམས་ཅན་དེ་དག་རྣམས་ཚར་གཅད་པའི་ཕྱིར་བྱིན་གྱིས་བརླབས་སོ། །
D479.084.0051b04.01དེ་བས་ན་ཁྱེད་རྣམས་འདིའི་དམ་ཚིག་ལ་གནས་པར་བྱོས་ཤིག་པར་བཀའ་སྩལ་ཏོ། །དེ་དག་གིས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་གི་སྲོག་ཡལ་བ་ལས་བསྐྱབ་ཏུ་གསོལ། བདག་ཅག་ཀྱང་བཀའ་སྩལ་པ་བགྱིད་ཅིང་མཆིས། བཅོམ་ལྡན་འདས་ཀྱིས་བཀའ་སྩལ་པ།
D479.084.0051b05.01ཀྱེ་གྲོགས་པོ་རྣམས་འདི་ཉིད་ལ་སྐྱབས་སུ་དོང་དང་འདི་ཉིད་ཀྱིས་ཀུན་དུ་སྐྱོབ་སྟེ་གཞན་གྱིས་ནི་མ་ཡིན་ནོ། །དེ་ནས་ཁམས་གསུམ་ཀུན་ནས་འདུས་པ་སྲིད་པ་གསུམ་གྱི་བདག་པོ་དེ་རྣམས་བཅོམ་ལྡན་འདས་རྡོ་རྗེ་འཛིན་པ་ག་ལ་བ་དེ་ལོགས་སུ་བལྟས་ནས། ཉམ་ཐག་པ་ཆེན་པོའི་སྒྲ་མགྲིན་གཅིག་
D479.084.0051b06.01ཏུ་ཕྱུང་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་འཆི་བའི་སྡུག་བསྔལ་འདི་ལས་ཀུན་དུ་བསྐྱབ་པར་གསོལ། བདེ་བར་གཤེགས་པ་ཀུན་དུ་བསྐྱབ་པར་གསོལ། དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་ལྷ་ལ་སོགས་པ་དེ་རྣམས་ལ་བོས་ཏེ་འདི་སྐད་ཅེས་བཀའ་སྩལ་ཏོ། །
D479.084.0051b07.01