完整藏文原文 · 德格版页 当前仅加载第 84 函德格 61b 版页；藏文 NFD、目录标记与异常页序保留在来源切片中，重复版页行以稳定序号区分。
ནི། །མཐེའུ་ཆུང་ལྕགས་ཀྱུར་བཅིང་བར་བྱ། །མཛུབ་མོ་གཉིས་ཀྱིས་བསྡིགས་པ་ནི། །འཇིག་རྟེན་གསུམ་ལས་རྒྱལ་ཞེས་བྱ། །དེ་བཞིན་མཛུབ་མོ་ངོས་སྦྱར་ཏེ། །ནོར་བུ་འདྲ་བར་རབ་ཏུ་དགུག །གུང་མོ་མཉམ་བསྒྲེང་པདྨར་བྱ། །གུང་མོ་མཛུབ་མོ་གཉིས་ཀས་བསྡིགས། །མཛུབ་མོ་གཉིས་
D479.084.0061b01.01ཀ་རྡོ་རྗེར་བྱ། །གཡས་པ་ལྕགས་ཀྱུར་དགུག་པར་བྱ། །དེ་ཉིད་ཧཱུྃ་ཞེས་བྱ་བར་མདུད། །ལེགས་པ་སྦྱིན་པར་དེ་བཞིན་ཏེ། །མཛུབ་གཉིས་དཔྲལ་བའི་གཉེར་མར་བཞག །སྙིང་གར་མཛུབ་མོས་ཉི་མར་བསྐོར། །ལག་པ་བརྐྱང་སྟེ་སྤྱི་བོར་བཞག །མཛུབ་མོ་ཁ་ནས་དགོད་ལྟར་བྱ། །མཛུབ་
D479.084.0061b02.01མོའི་སེན་མོ་སྦྱར་བ་སྟེ། །གཡས་པས་རལ་གྲི་བཅིངས་པའོ། །གུང་མཛུབ་མཉམ་བསྒྲེང་འཁོར་ལོ་ཡི། །ཁ་ཡི་ནང་ནས་དབྱུང་བ་དང་། །མཛུབ་མོ་གུང་མོ་རྡོ་རྗེར་བྱ། །མཛུབ་མོ་གཉིས་ནི་མཆེ་བ་ཆེ། །མཛུབ་མོ་བཀུག་པ་རྡོ་རྗེར་བཅིངས། །རྡོ་རྗེ་ལཱ་སྱེ་ལ་སོགས་པ། །སེམས་མའི་
D479.084.0061b03.01ཕྱག་རྒྱས་དེ་ཉིད་ཧཱུྃ། །ཞེས་དབྱེ་ཆོས་ཀྱི་ཕྱག་རྒྱ་དེ། །ཧཱུྃ་ཞེས་བྱ་བར་ལྷན་ཅིག་གོ། །དེ་ནས་རྡོ་རྗེའི་དམ་ཚིག་གི་ཆོས་ཀྱི་ཕྱག་རྒྱ་རྣམས་བཤད་དོ། །ཧཱུྃ་ནི་སངས་རྒྱས་རྡོ་རྗེ་ཡི། །ཏཱཾ་ནི་རྡོ་རྗེ་སྙིང་པོ་ཡི། །ཧྲཱི་ནི་རྡོ་རྗེ་སྡེ་ཡིའོ། །ཨ་ནི་རྡོ་རྗེ་ཐམས་ཅད་ཀྱི། །ཧཱུྃ་ཧེ། ཏྲཾ། ཏྃ། ཧི་ཧི་དེ་ཧ། བྷིཀ་
D479.084.0061b04.01དྷི་ཧཱུྃ། གྲཱ། ཀྲིཔཾ། དྲྀ་ཨ། རྡོ་རྗེ་ཁྲོ་བོ་མང་པོ་ཡི། །ཆོས་ཀྱི་ཕྱག་རྒྱ་རབ་འགྲུབ་པའོ། །དེ་ནས་རྡོ་རྗེ་དམ་ཚིག་གི་ལས་ཀྱི་ཕྱག་རྒྱ་རྣམས་བཤད་དོ། །རྡོ་རྗེའི་རིགས་ནི་ཆེན་པོ་ཡི། །ལས་ཀྱི་ཕྱག་རྒྱ་མདོར་བསྡུས་ན། །རྡོ་རྗེ་འགྱིང་ལ་སོགས་ཚུལ་གྱིས། །ཁྲོ་བོའི་ཁུ་ཚུར་གཉིས་སུ་བཤད། །གང་
D479.084.0061b05.01དང་གང་གི་ཕྱག་རྒྱ་རྣམས། །ལས་ཀྱི་ཕྱོགས་ནི་གང་དུ་བྱ། །དེ་དང་དེར་ནི་བསྒྱུར་ནས་ཀྱང་། །ཕྱག་རྒྱ་དེ་ནི་སྦྱར་བར་བྱ། །ཕྱག་རྒྱ་ཐམས་ཅད་ཀྱི་ཆོ་གའོ། །དེ་ནས་འདིར་འཇིག་རྟེན་གསུམ་ལས་རྣམ་པར་རྒྱལ་བའི་དཀྱིལ་འཁོར་ཆེན་པོའི་སྤྱིའི་ཕྱག་རྒྱ་བཅིང་བ་བཤད་དོ། །འཇིག་རྟེན་
D479.084.0061b06.01གསུམ་རྒྱལ་ཕྱག་རྒྱ་ནི། །རྡོ་རྗེ་མཛུབ་མོ་དམ་ཚིག་གི། །རྡོ་རྗེ་ཧཱུྃ་ཞེས་སྔགས་ཀྱི་སྟེ། །དངོས་གྲུབ་ཐམས་ཅད་ཡུད་ཀྱིས་འཐོབ། །མཐེའུ་ཆུང་གཉི་ག་ལྕགས་ཀྱུར་བཅིང་། །རྡོ་རྗེ་གཉི་གའི་བླ་འོག་ཏུ། །དམ་ཚིག་ལྕགས་ཀྱུའི་ཕྱག་རྒྱ་དེ། །སྐད་ཅིག་གིས་ནི་ཐམས་ཅད་འགུགས།
D479.084.0061b07.01