完整藏文原文 · 德格版页 当前仅加载第 84 函德格 80b 版页；藏文 NFD、目录标记与异常页序保留在来源切片中，重复版页行以稳定序号区分。
སོ། །དམ་ཚིག་མཆོག་ནི་གཉིས་བྱས་ནས། །ལས་ཀྱི་ཕྱག་རྒྱ་བཀྲོལ་བར་བྱ། །གར་གྱི་མཆོད་པ་འདི་ཡིས་ནི། །གཙོ་བོ་ཐམས་ཅད་མཆོད་ན་ནི། །རྡོ་རྗེ་འཛིན་པ་ཆེ་སོགས་ཀྱི། །ལས་གྲུབ་པར་ཡང་ངེས་པར་འགྱུར། །དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་རིགས་
D479.084.0080b01.01ཐམས་ཅད་ཀྱི་དཀྱིལ་འཁོར་གྱི་ཆོ་རྒྱས་པ་རྫོགས་{སྷོ,སོ}།། །།དེ་ནས་བཅོམ་ལྡན་འདས་ཕྱག་ན་རྡོ་རྗེའི་རིགས་དེ་དག་ཐམས་ཅད་སེམས་ཅན་ཐམས་ཅད་ཀྱི་དོན་དུ་བསྐོས་ནས་ཕྱིར་མི་ལྡོག་པའི་ས་ལ་རབ་ཏུ་བཞག་སྟེ་མཁྱེན་བཞིན་དུ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་
D479.084.0080b02.01ལྡན་འདས་དེ་བཞིན་གཤེགས་པ་ཐམས་ཅད་ཀྱིས་བདག་གསང་བ་ཐམས་ཅད་འཛིན་པར་དབང་བསྐུར་ན་དེ་བཞིན་གཤེགས་པའི་གསང་བ་དེ་གང་ལགས། བཀའ་སྩོལ་ཅིག །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱིས་གསང་བའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་
D479.084.0080b03.01པར་ཞུགས་ཏེ། དེ་བཞིན་གཤེགས་པ་ཐམས་ཅད་ཀྱི་གསང་བ་འདི་གསུངས་སོ། །སེམས་ཅན་རྣམས་ཀྱི་རང་བཞིན་ནི། །ཇི་ལྟ་ཇི་ལྟར་འདུལ་འགྱུར་བ། །དེ་ལྟ་དེ་ལྟར་སེམས་ཅན་དོན། །འདོད་ཆགས་ལ་སོགས་གཙང་བས་བྱ། །དེ་ནས་ཕྱག་ན་རྡོ་རྗེས་རང་གི་རྡོ་རྗེ་གསང་བ་འདི་གསུངས་
D479.084.0080b04.01སོ། །སེམས་ཅན་ཐམས་ཅད་ཕན་ཕྱིར་དང་། །སངས་རྒྱས་རྣམས་ཀྱི་བསྟན་པའི་ཕྱིར། །སེམས་ཅན་ཐམས་ཅད་བསད་ཀྱང་ནི། །སྡིག་གིས་གོས་བར་མི་འགྱུར་རོ། །དེ་ནས་བྱང་ཆུབ་སེམས་དཔའ་རྡོ་རྗེ་སྙིང་པོས་རང་གི་ནོར་བུ་གསང་བ་འདི་གསུངས་སོ། །སེམས་ཅན་ཐམས་ཅད་
D479.084.0080b05.01ཕན་ཕྱིར་དང་། །སངས་རྒྱས་དོན་དུ་སྦྱོར་བ་ཡིས། །ཕ་རོལ་ནོར་རྣམས་ཕྲོགས་ཀྱང་ནི། །སྡིག་པས་གོས་པར་མི་འགྱུར་རོ། །དེ་ནས་བྱང་ཆུབ་སེམས་དཔའ་རྡོ་རྗེ་སྤྱན་གྱིས་རང་གི་པདྨའི་གསང་བ་འདི་གསུངས་སོ། །འདོད་ཆགས་འདྲ་བའི་བདེ་བ་མེད། །རྒྱལ་བ་ལ་ནི་དེ་ཕུལ་ལ། །གཞན་གྱི་ཆུང་
D479.084.0080b06.01མ་སེམས་ཅན་ཕྱིར། །བསྟེན་པས་བསོད་ནམས་ཐོབ་པར་འགྱུར། །དེ་ནས་བྱང་ཆུབ་སེམས་དཔའི་རྡོ་རྗེ་སྣ་ཚོགས་ཀྱིས་རང་གི་ལས་ཀྱི་གསང་བ་འདི་གསུངས་སོ། །སེམས་ཅན་ཐམས་ཅད་ཕན་ཕྱིར་དང་། །སངས་རྒྱས་རྣམས་ཀྱི་བསྟན་པའི་ཕྱིར། །ལས་རྣམས་ཐམས་ཅད་བྱས་པ་ཡིས། །
D479.084.0080b07.01