完整藏文原文 · 德格版页 当前仅加载第 84 函德格 128a 版页；藏文 NFD、目录标记与异常页序保留在来源切片中，重复版页行以稳定序号区分。
གིས་བཟླས་པ་བརྩམ་པར་བྱའོ། །དེ་ལ་འདི་ནི་བཟླས་པའི་ཆོ་ག་རྒྱས་པའི་རྒྱུད་དེ། ཟླ་བ་བཞིར་གནས་ཇི་བཞིན་པར་འདུག་སྟེ། དུས་བཞིར་བདུག་པ་ལ་སོགས་པས་ཆོ་ག་བཞིན་དུ་མཆོད་ནས་དེ་བཞིན་གཤེགས་པ་ཐམས་ཅད་ཀྱི་ཐེག་པ་ཆེན་པོ་མངོན་པར་རྟོགས་པའི་མཚན་
D479.084.0128a01.01བརྒྱ་རྩ་བརྒྱད་པས་དེ་བཞིན་གཤེགས་པ་ཐམས་ཅད་ལ་བསྟོད་དེ། ཕྱག་རྒྱ་བཞིས་ཕྱག་བྱ་བའི་ཚུལ་གྱིས་ཕྱག་བྱས་ལ་སྔགས་འདི་བཞིས་བདག་གི་ལུས་དབུལ་ཞིང་མཆོད་པ་བྱའོ། །ཨོཾ་སརྦ་ཏ་ཐཱ་ག་ཏ་པཱུ་ཛོ་པསྠཱ་ནཱ་ཡ་ཨཱཏྨྦ་ནཾ་ནིར་ཡཱ་ཏ་ཡཱ་མི། །སརྦ་ཏ་ཐཱ་ག་ཏ་བཛྲ་སཏྭཱ་ཏིཥྛ་སྭ་མཱཾ། ཨོཾ་སརྦ་
D479.084.0128a02.01ཏ་ཐཱ་ག་ཏ་པཱུ་ཛཱ་ཨ་བྷི་ཥེ་ཀཱ་ཡ་ཨཱ་ཏྨཱ་ནཾ་ནིར་ཡཱ་ཏ་ཡཱ་མི། སརྦ་ཏ་ཐཱ་ག་ཏ་བཛྲ་རཏྣ་ཨ་བྷི་ཥིཉྩ་མཱཾ། ཨོཾ་སརྦ་ཏ་ཐཱ་ག་ཏ་ཕཱུ་ཛ་པྲ་བརྟ་ནཱ་ཡ་ཨཱཏྨཱ་ནཾ་ནི་ར་ཡཱ་ཏ་ཡཱ་མི། སརྦ་ཏ་ཐཱ་ག་ཏ་ནཛྲ་ངྷརྨ་པྲ་བརྟ་ཡ་མཱཾ། ཨོཾ་སརྦ་ཏ་ཐཱ་ག་ཏ་པཱུ་ཛཱ་ཀརྨ་ནེ་ཨཱཏྨཱ་ནཾ་ནིར་ཡཱ་ཏ་ཡཱ་མི། སརྦ་ཏ་ཐཱ་ག་ཏ་བཛྲ་ཀརྨ་ཀུ་རུ་མཱཾ།
D479.084.0128a03.01དེ་ནས་འདོད་པའི་ཡོན་ཏན་ཐམས་ཅད་ལ་ཆགས་པ་དང་མ་བྲལ་ལ་ཁ་ཟས་ཀུན་དང་འདོད་པ་ཀུན་ལ་ཉེ་བར་སྤྱོད་ཅིང་། བདག་ཉིད་སྙིང་པོའི་དོན་དུ་སངས་རྒྱས་ཀྱི་གཟུགས་བརྙན་མདུན་དུ་ཚིག་ཙམ་གྱིས་ཀྱང་བསྒོམས་ལ་ཅི་དགའ་བར་བྱེད་ཅིང་རྡོ་རྗེ་ཚིག་གིས་ལན་བརྒྱ་རྩ་བཟླས་ན་མྱུར་བར་དངོས་གྲུབ་
D479.084.0128a04.01ཏུ་འགྱུར་རོ་ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །ཅི་སྟེ་བླ་ན་མེད་པའི་དངོས་གྲུབ་འདོད་ན་དེ་ནི་རས་ལ་བཅོམ་ལྡན་འདས་དེ་བཞིན་གཤེགས་པ་ནི་དབུས་ན་བཞུགས། དེའི་སེམས་དཔའ་ཆེན་པོ་བཞི་དཀྱིལ་འཁོར་གྱི་ཚུལ་དུ་ཁ་དོག་དང་རྒྱན་རྣམས་ཅི་དགའ་བར་བྱ་སྟེ།
D479.084.0128a05.01བྲི་ཞིང་སེམས་དཔའ་ཆེན་པོ་རྣམས་ཟླ་བའི་དཀྱིལ་འཁོར་ལ་བཞུགས་ལ་རིགས་ཀྱི་ལྷ་མོ་རྣམས་གྲྭ་རྣམས་སུ་བྲིའོ། །དེ་ནས་རི་མོའི་སྐུ་གཟུགས་ལ་མཆོད་པ་རྒྱ་ཆེར་བྱས་ལ་འཛབ་བྱ་བའི་ཚུལ་ཇི་ལྟ་བ་བཞིན་དུ་ཟླ་བ་བཞིའི་བར་དུ་བཟླས་པར་བྱའོ། །དེ་ནས་མཐར་མཆོད་པ་རྒྱ་ཆེར་བྱས་
D479.084.0128a06.01ལ་མཚན་ཐོག་ཐག་བཟླས་པར་བྱའོ། །དེ་ནས་ནམ་ལངས་པ་དང་དེ་བཞིན་གཤེགས་པ་ཐམས་ཅད་ཀྱི་དེ་ཁོ་ན་ཉིད་ལ་སོགས་པའི་དངོས་གྲུབ་དམ་པ་ཐོབ་པར་འགྱུར་རོ་ཞེས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། །ཡང་ན་ཕྱག་རྒྱ་བསྒྲུབ་པར་འདོད་ན་ནི་དེས་དེ་བཞིན་གཤེགས་པ་ཐམས་
D479.084.0128a07.01