完整藏文原文 · 德格版页 当前仅加载第 84 函德格 136b 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་ཀྱི་ཐུན་མོང་གི་གསང་བའི་སྐུ་དང་གསུང་དང་ཐུགས་རྡོ་རྗེའི་ཕྱག་རྒྱ་བསྒྲུབ་པའི་རྒྱུད་ཡིན་ནོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་སྐུའི་ཕྱག་རྒྱ་བསྒྲུབ་པ་ཡིན་ཏེ། ཇི་ལྟར་དེ་ལྟར་འདུག་ནས་ཀྱང་། །སྐྱིལ་མོ་ཀྲུང་བཅས་བསྒྲུབ་བྱ་སྟེ། །ཇི་ལྟར་རི་མོའི་ཚུལ་བྱས་
D479.084.0136b01.01ནས། །སེམས་དཔའ་ཆེན་པོ་གྲུབ་པར་འགྱུར། །ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །དེ་ལ་འདི་ནི་རྡོ་རྗེའི་རིགས་ཀྱི་གསང་བའི་སྐུའི་ཕྱག་རྒྱ་སྒྲུབ་པ་ཡིན་ཏེ། ཇི་ལྟར་རི་མོའི་ཚུལ་དུ་ནི། །བརྒྱད་བསྒྲུབ་ཚུལ་དུ་རབ་ཏུ་གནས། །ཤིན་ཏུ་ཁྲོས་ནས་
D479.084.0136b02.01བསྒྲུབ་བྱས་ན། །ཐེ་ཚོམ་མེད་པར་འགྲུབ་པར་འགྱུར། །ཞེས་བཅོམ་ལྡན་འདས་རྡོ་རྗེ་ཧཱུྃ་ཞེས་བྱ་བས་གསུངས་སོ། །དེ་ལ་འདི་ནི་པདྨའི་རིགས་ཀྱི་གསང་བའི་སྐུའི་ཕྱག་རྒྱ་བསྒྲུབ་པའི་རྒྱུད་ཡིན་ཏེ། རྡོ་རྗེ་སྐྱིལ་མོ་ཀྲུང་བཅས་ལ། །ལག་གཉིས་རྡོ་རྗེ་བཅིངས་ནས་ཀྱང་། །
D479.084.0136b03.01ཏིང་ངེ་འཛིན་གྱི་སྐུ་གྱུར་ལ། །པདྨ་འབྱུང་བ་བསྒྲུབ་པར་བྱ། །ཞེས་བཅོམ་ལྡན་འདས་པདྨའི་སེམས་དཔས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་གསང་བའི་སྐུའི་ཕྱག་རྒྱ་བསྒྲུབ་པ་ཡིན་ཏེ། ཇི་ལྟར་འདུག་གམ་ཉལ་བའམ། །འཆག་ཀྱང་རུང་སྟེ་དེ་ལྟར་ནི། །རྡོ་རྗེ་
D479.084.0136b04.01རིན་ཆེན་དབང་བསྐུར་ན། །ཐེ་ཚོམ་མེད་པར་འགྲུབ་པར་འགྱུར། །ཞེས་བཅོམ་ལྡན་འདས་རྡོ་རྗེ་སྙིང་པོས་གསུངས་སོ། །དེ་ལ་འདི་ནི་དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་གསང་བའི་གསུང་གི་ཕྱག་རྒྱ་བསྒྲུབ་པའི་རྒྱུད་དེ། ལྕེ་རྩེ་ཤིན་ཏུ་མི་བསྒུལ་ཞིང་། །སོ་དང་མཆུ་གཉིས་སྦྱར་
D479.084.0136b05.01ནས་ནི། །རྟོག་པ་ཐམས་ཅད་བསྒྲུབ་བྱ་ཞིང་། །སྒྲ་བྲལ་རྡོ་རྗེའི་ཚིག་ཡིན་ནོ། །ཞེས་བཅོམ་ལྡན་འདས་རྡོ་རྗེ་གསུང་གིས་གསུངས་སོ། །དེ་ལ་འདི་ནི་རྡོ་རྗེའི་རིགས་ཀྱི་གསང་བའི་གསུང་གི་ཕྱག་རྒྱ་བསྒྲུབ་པའི་རྒྱུད་དེ། །ཧཱུྃ་ཞེས་བྱ་བ་འབྲུག་སྒྲར་བསྒྲགས། །ཁྲོ་བོའི་ངག་ནི་
D479.084.0136b06.01ཟབ་ཅིང་བསྟན། །རྡོ་རྗེ་ཆེན་པོ་ཁྲོ་བོའི་གསལ། །རྡོ་རྗེ་ཁྲོ་བོའི་གསུང་འགྲུབ་བོ། །ཞེས་བཅོམ་ལྡན་འདས་རྡོ་རྗེ་ཧཱུྃ་ཞེས་བྱ་བས་གསུངས་སོ། །དེ་ལ་འདི་ནི་པདྨའི་རིགས་ཀྱི་གསང་བའི་གསུང་གི་ཕྱག་རྒྱ་བསྒྲུབ་པའི་རྒྱུད་དེ། དབུགས་མི་འབྱིན་ལྟར་དབུགས་འབྱིན་ཅིང་། །
D479.084.0136b07.01